इफिसियां 4:22 - ओङ राजपूत

²² कि तम्ही पेहले चाल-चलन चे पुराणे सुभाव नु जको भरमाणे आली लालसा चे अनुसार भ्रष्ट हुता जाये, उतारती नाखा।

इफिसियां 4:22 Iomraidhean Croise

रोमियां 6:6

कांकि अम्ही जाणु कि अम्चा पुराणा सुभाव ईशु चे लारे क्रूसा उपर चढ़ाला गेला, ताकि पाप चे शरीर नाश हुती जाओ, कि आग़ु कनु अम्ही पाप चे गुलाम ना बणु।

रोमियां 7:11

कांकि पाप ने मौका सोती कर आज्ञा चे जरिये मनु बहकाले, ते ओचे ही जरिये मनु मारती वी नाखले।

2 कुरिन्थियां 11:3

पर मैं ङरे कि जिंवे नाग़ा ने आपणी चलाकी लारे हवा नु भरमाती ङिले, कङी इसड़े ना हो कि तम्चे मन मसीह चे प्रति पवित्रता ते भग़ती कनु भटकती ना जाओ।

गलातियां 1:13

यहूदिया चे पन्था मां जको माया पेहले चाल-चलन हुता ओचे बारे तम्ही सुणती चुकले छिवा कि मैं नरीकारा ची कलीसिया नु ब़ोहत ही सताता ते नाश करता।

इफिसियां 2:3

यांचे मां अम्ही वी सब चे सब पेहले आपणे शरीरा ची लालसा मां ङिहें गुजारते, ते शरीर ते मना ची इच्छा पुरी करते, ते नेरे लौका आलीकर सुभाव ही कनु क्रोध ची ऊलाद्ध हुते।

इफिसियां 4:17

ऐवास्ते मैं किहे पला ते प्रभु नु ग़वाह बणाती कर तम्हानु चिताती कर किहे पला कि जिंवे नेरीया जातिया चे लौक आपणे मना ची बेकार रीति उपर चली यूंही तम्ही ना चला।

इफिसियां 4:25

ऐवास्ते कूड़ मारणे छोड़ती ङिया ते पड़ोसीया लारे सच्‍च ब़ोला कांकि अम्ही हेके शरीरा चे अंग छिऊं।

इफिसियां 4:31

सब तरह ची कड़वाहट, ते प्रकोप ते क्रोध, ते क्लेश, ते निन्दा, सब बैरभाव समेत तम्चे कनु दूर करले जाओ।

कुलुस्सियां 2:11

ओचे मां तम्चा इसड़ा खतना हुला आला छै, जको हाथा लारे ना हुवी, यानि मसीह चा खतना, जाये लारे शरीरा ची बुरी इच्छा उतारती ङिली जाये।

तीतुस 3:3

कांकि अम्ही वी पेहले, बेअक्‍कल, ते आज्ञा ना मनणे आले, ते वहमा मां ढेले आले, ते हर हेक रंगा ची इच्छा ते सोख भोग़णे चे गुलाम हुते, ते बैरबन्दी, ते खार खाणे मां जीन्दगी गुजारते, ते किज़ड़े हुते, ते हेके ङुजे लारे बैर राखते।

इब्रानियां 12:1

ये वजह कनु जबकि ग़वाहा ची इसड़ी बङी भीड़ अम्हानु घेरले आले छै, तां आवा, हर हेक रोकणे आली चीज ते उलझाणे आले पापा नु दूर करती कर, वा द्रोड़ जिसे मां अम्हानु द्रोड़ने छै, धीरज लारे उग़ते बधते जऊं,

इब्रानियां 3:13

पर जब तक ओ ङिओ, जानु “आज़” केहला जाये, अम्चे सामणे छै, हर हेक ङिओ हेके ङुजे ची हिम्मत ब़न्धाते रिहा, इसड़े ना हो कि तम्चे महु कुई वी पाप चे छल मां कठोर बणती जाओ।

याकूब 1:21

ऐवास्ते, सारी मलिनता ते बैरभाव ची बढ़ोतरी नु दूर करती कर, ओ वचना नु नरमाई लारे ग्रहण करती गिहा, जको दिला मां राहला गेला ते जको तम्ची जानी चा उद्धार कर सग़े।

याकूब 1:26

अगर कुई आपणे आप नु भग़त समझे, ते आपणी जुबानी उपर लगाम ना ङी, तां ओ आपणे आप नु धोक्‍का ङिये, ओची भग़ती बेकार छै।

1 पतरस 1:18

कांकि तम्ही जाणा, कि तम्चा निक्‍कमा चाल-चलन जको ङाङा-ब़ा कनु चड़ला आवे ओचे कनु तम्चा छुटकारा चान्दी सोने यानिकि नाशवान चीजा चे जरिये कोनी हुला,

1 पतरस 4:3

कांकि पेहले तम्ही नेरीया जातिया आलीकर जीवन बीताते, जिंवे बुरी इच्छा चे अनुसार काम करने, ते लोचपण, ते मतवालापन, व्यभिचार, ते पियक्‍कड़पन, ते किज़ड़ी मूर्तिपूजा मां जिठे पेहले समय गुजारला ओही ब़ोहत छै।

2 पतरस 2:13

ङुजा चे बुरे करने चे बदले वांचे ही बुरे हुवी। वानु ङिओ ङुपाहर भोग़ विलास करने भले लाग़े। ईं कलंक ते दोष छै जिसे बेले वे तम्चे लारे खई-पी तां आपणे तरफु प्रेम भोज़ करती भोग़ विलास करी।

2 पतरस 2:7

पर ओणे धर्मी लूत नु जको अधर्मीया चे अशुद्ध चाल-चलन कनु ब़ोहत ङुखी हुता छुटकारा ङिला।