इफिसियां 4:21 - ओङ राजपूत

²¹ बल्कि तम्ही सच्‍चमां ओची सुणली ते जिसड़ी ईशु मां सच्‍चाई छै, ओचे मां सिखाले वी गेले,

इफिसियां 4:21 Iomraidhean Croise

मत्ती 17:5

ओ ब़ोले ही पलता कि हेक चिट्टे बदला ने वानु घेरती गेले, ते ओ बदला महु हा अवाज आली, “हा माया प्यारा पूत छै, जाये कनु मैं खौश छै। ऐची सुणा!”

लूका 10:16

“जको तम्ची सुणे, ओ माई सुणे, ते जको तम्हानु तोच्छ जाणे, ओ मनु तोच्छ जाणे, ते जको मनु तोच्छ जाणे, ओ माये भेज़णे आले नु तोच्छ जाणे।”

यूहन्‍ना 1:17

ऐवास्ते व्यवस्था तां मूसा चे जरिये ङिली गेली, पर अनुग्रह ते सच्‍चाई ईशु मसीह चे जरिये पुज़ली।

यूहन्‍ना 10:27

माया भेङा माई अवाज सुणी, मैं वानु जाणे, ते वे माये भांसु-भांसु टुरी।

यूहन्‍ना 14:17

हा सच्‍चाई चा आत्मा छै जानु संसार मन ना सग़ी, कांकि ओह ओनु ना ङेख सग़ी ते ना ही ओनु जाणे। पर तम्ही ओनु जाणा, कांकि ओह तम्चे लारे रिहे ते ओह तम्चे मां हुवी।

यूहन्‍ना 14:6

ईशु ने वानु केहले, “मार्ग़, सच्‍चाई ते जीन्दगी मैं ही छै। बिना माये जरिये कुई नरीकार ब़ा गोढु पोज़ ना सग़ी।

रोमियां 10:14

बल्ति जाये उपर वाणे विश्‍वास कोनी करला, वे ओचे नां किवें गिहे? ते जाई कोनी सुणली ओचे उपर किवें विश्‍वास करो? ते प्रचारक चे बिना किवें सुणो?

2 कुरिन्थियां 1:20

कांकि नरीकारा चे जितने वी वायदे छी, वे सारे ईशु मसीह मां “हां” लारे छी। ते ओचे जरिये अम्ही नरीकारा ची महिमा वास्ते “आमीन” वी किहुं।

2 कुरिन्थियां 11:10

अगर मसीह ची सच्‍चाई माये मां छै, तां अखाया चे प्रदेसा मां कुई मनु ऐ घमण्ड कनु नी रोकी।

इफिसियां 1:13

ते जिसे बेले तम्ही सच्‍चाई चा वचन सुणला ओ तम्चे उद्धार चा सुसमाचार हुता, जिसे ईशु मसीह उपर तम्ही विश्‍वास करला ते वायदा करले आले पवित्र आत्मा ची छाप लाली।

इफिसियां 2:17

ऐवास्ते आती कर ओणे तम्ही जको नरीकारा कनु दूर हुते ते जको गोढु हुते वानु ङुंहु नु मेल-मिलाप चा सुसमाचार सुणाला।

कुलुस्सियां 1:5

ईं वे उम्मीद ते प्रेम चे वजह हुले जको तम्चे वास्ते स्वर्ग़ा मां पली छै, जाई चर्चा तम्ही ओह सुसमाचार चे सच्‍चे वचना मां सुणती चुकले।

कुलुस्सियां 1:6

हा सुसमाचार पुरे जग़त मां सफल हुवे पला, ते फैलता जाये, जिंवे तम्चे मां ओस समय कनु सफल हुं लाग़ला, जिसे बेले तम्ही नरीकारा ची कृपा चे बारे मां सुणले ते सच्‍चमां तम्ही समझले हुते।

कुलुस्सियां 2:7

ते ओचे मां ज़हड़ पकड़ती कर बढ़ते जावा जिंवे तम्ही सिखाले गेले यूंही विश्‍वास मां मजबूत हुते जावा, ते घणा धन्यवाद करते रिहा।

1 यूहन्‍ना 5:20

तां हा वी अम्ही जाणु कि, नरीकारा चा पूत आती गेला ते ओणे अम्हानु हा समझ ङिली, कि अम्ही ओ सच्‍च नु पिछाणु, ते अम्ही ओचे मां जको सच्‍चाई छै, यानिकि ओचे पूत ईशु मसीह चे लारे रिहुं, सच्‍चा नरीकार ते अनन्त जीवन हाओ छै।