इफिसियां 4:14 - ओङ राजपूत

¹⁴ अम्ही इसड़ी ब़ाले बणली ना रिहुं कि हवाई लारे उछलती ना जऊं बन्दी जको ठग़्ग़ विधिया नु बधावी, भ्रम चे लारे भरले आले व्यवहार कनु, ते इसड़े ढोंगीपणे कनु इंगे-ऊंगे भटकाती ङी

इफिसियां 4:14 Iomraidhean Croise

मत्ती 11:7

जब चैले उठु टुरती पले, तां ईशु यूहन्‍ना चे बारे मां लौका नु किहुं लाग़ला, “तम्ही बरब्यान मां का ङेखु गेलते? का हवाई लारे हलते हुले कान्‍नै नु?

मत्ती 24:11

ते ब़ोहत सारे कूड़े भविष्यवक्‍ता उठती खड़े हुवे, ते घणा नु भरमावे।

मत्ती 24:24

कांकि कूड़े मसीह ते कूड़े भविष्यवक्‍ता उठती खड़े हुवे, ते बङे चैन्ह, ते अदभोत काम ङिखाणे कि अगर हो सग़े तां चुणले आला नु वी भरमाती ङियो।

प्रेरितां चे काम 23:21

पर तु वांची ना मनीयो पला, कांकि वांचे महु चालीस कनु ज्यादा बन्दी पौलुस नु मारणे चे वास्ते तियार छी, वाणे हा ठानती गेले कि जब तक पौलुस नु वे मारती नी नाखे बल्ति तक वे ना कहीं खाये, ते ना ही कहीं पीयें, ते हमा वे तियार छी ते दुधे फैंसले चा इन्तजार करी पले।”

1 कुरिन्थियां 12:2

तम्ही ये बाते नु जाणा, कि जिसे बेले तम्ही अविश्‍वासी हुते, तां गूंगीया मूर्तिया मां भांसु जिंवे चलाले जते यूंही चलते रेहते।

1 कुरिन्थियां 14:20

हे माये भऊ, तम्ही समझदारी मां ब़ाले ना बणा। बल्ति वी बुराई मां तां ब़ाले रिहा, पर समझदारी मां सियाणे बणा।

1 कुरिन्थियां 3:19

कांकि सच्‍च ईं छै कि संसारिक ज्ञान नरीकारा ची नजरी मां मूर्खता छै, जिंवे पवित्रशास्त्रा मां लिखले पले, “नरीकार ज्ञानीया नु वांची चतराई मां फसाती नाखे।”

2 कुरिन्थियां 2:17

अम्ही वां ब़ोहता आलीकर कोनी, जको आपणे फायदे वास्ते नरीकारा चे वचना मां मिलावट करी। पर अम्ही मन ची सच्‍चाई लारे, ते नरीकारा चे तरफु ते नरीकारा नु मौजुद जाणती कर मसीह मां ब़ोलु।

2 कुरिन्थियां 4:2

पर अम्ही लज़्ज़ा चे गुप्त कामा नु त्याग़ती ङिले, ते ना ही चतराई लारे टुरु, ते ना ही नरीकारा चे वचना मां मिलावट करु, पर सच्‍चाई नु उजागर करु, नरीकारा चे सामणे हर हेक इन्सान चे विवेक मां आपणी भलाई ब़िसाणु।

गलातियां 3:1

हे गलाति शहरा मां रेहणे आले ब़ुध्दु लौक तम्हानु केहणे मोहति गेले? मैं तां तम्हानु खोलती कर बावड़ती ङिले ते, जिंवे तम्चे सामणे ईशु मसीह नु क्रूसा उपर चढ़ाले गेले,

इफिसियां 6:11

ते नरीकारा चे सारे हथियार ब़ांथी गिहा, ताकि तम्ही शैताना ची योजना नु रोकणे वास्ते खड़े रेह सग़ा।

1 तीमुथियुस 3:6

बल्ति हा कि नवां सिखणे आला चैला ना हो, इसड़े ना हो कि, अहंकार करती कर शैताना जिसड़ा ङण्ड पाओ।

2 तीमुथियुस 1:15

तु जाणी कि, आसीया आले सारे मनु छोड़ती गेले, जाये मां फूगिलुस ते हिरमुगिनेस शामिल हुते।

2 तीमुथियुस 3:13

पर दुष्ट, ते बहकाणे आले धोक्‍का ङिते हुले, बिगड़ते हुले चाह्‍ले जाये।

2 तीमुथियुस 4:3

कांकि इसड़ा समय आवी, लौक खरा वचन नी सुणना चाहवे पर आपणी मर्जी चे अनुसार आपणे वास्ते घणे उपदेश ङेणे आले सोती गिहे।

इब्रानियां 13:9

बदड़ली आली विचित्र प्रकार ते अणजाण शिक्षा चे बहकावे मां ना बहकजा। दिला वास्ते सही छै कि ऊं अनुग्रह चे जरिये मजबूत करले जाओ, ना कि खाणे चे चीजा जरिये, खान-पान चे सम्बन्धी प्रथा चे जरिये काये भले कोनी हुले।

याकूब 1:6

पर विश्‍वासा लारे मांगा, ते कहीं शक्‍क ना करा। कांकि शक्‍क करने आला समुन्दरा ची लहर आलीकर छै जको हवाई लारे बीहे ते उछलती रिहे।

याकूब 3:4

जा बल्ति जहाजा चा वी उदाहरण ङेखला जा सग़े, चाहे ओ केङा ही बङा के वास्ते ना हो ते हवाई लारे भले ही बाहला जाओ, बल्ति वी ओ जहाज चलाणे आले ची इच्छा चे अनुसार हेक छोटी जा पतवारी लारे चलाला जाये।

2 पतरस 2:18

वे बेकार घमण्ड चा बाता करती करती लोचपण चे कामा लारे, वां लौका नु शरीरिक इच्छा लारे फसाती गिही, जको भटकले आला महु हमा निकली ही पले।

1 यूहन्‍ना 2:19

तां मसीह चे विरोधी अम्चे महु निकली, पर अम्चे जिसड़े हुते कोनी, कांकि अगर वे सच्‍चमां अम्चे लारे हुवीया तां, अम्चे लारे रिहा, पर निकलती ऐवास्ते गेले कि हा प्रकट हो कि वे सच्‍चमां सारे अम्चे कोनी।

1 यूहन्‍ना 2:26

मैं ये बाता तम्हानु वांचे बारे मां लिखलीया, जको तम्हानु भरमावी।

1 यूहन्‍ना 4:1

हे प्यारे, हर हेक आत्मा चा विश्‍वास ना करा, बल्कि आत्मा नु परखा कि वे नरीकारा ची ओर कनु छी जा कोनी। कांकि ब़ोहत सारे कूड़े भविष्यवक्‍ता संसारा महु निकलती खड़े हुले।

यहूदा 1:12

ईं मतलबी लौक तम्चे प्रेम-भोज मां तम्चे लारे खई-पी। वे नुकसान करने आली चट्टानी आलीकर छी जको समुन्दरा मां लुकलीया रिही। याहनु सेर्फ आपणे ही स्वार्थ ची ही चिन्ता रिहे। वे बिना पाणीया चे बदल छी, जानु हवा उङारती जाये। वे पतझड़ चे इसड़े पेड़ छी, जाये फल ना लाग़ी, ते जको ङोन वारी मरती चुकले ते ज़हड़े कनु उखड़ती चुकले।

प्रकाशितवाक्य 19:20

ते ऊं ङरावणे ढौर ते ओचे लारे ओ कूड़ा भविष्यवक्‍ता पकड़ीला गेला, जेह्णे ओचे सामणे इसड़े चैन्ह ङिखाणले हुते, जाये जरिये ओणे वानु भरमाले हुते, जाणे ओ ङरावणे ढौरा ची मौहर लवाली हुती, ते जको वे मूर्ति ची पूजा करते। ऊं ङरावणे ढौर ते कूड़े भविष्यवक्‍ता नु जीते-जी ओ जाखते ची झील मां जको गन्धक लारे ब़लती रिहे, नाखती ङिले गेले।