इफिसियां 4:11 - ओङ राजपूत

¹¹ ओणे कईयां नु प्रेरित, ते कईयां नु भविष्यवक्‍ता, ते कईयां नु सुसमाचार प्रचारक, ते कईयां नु रखवाले, ते कईयां नु विश्‍वास करने आला चे उपदेशक हुवणे चा वरदान ङिला।

इफिसियां 4:11 Iomraidhean Croise

मत्ती 28:20

ते वानु सारीया बाता जको मैं तम्हानु आज्ञा ङिली छै, मनणीया सिखावा। ते ङेखा, मैं दुनिया चे अन्त तक हमेशा तम्चे लारे छै।”

प्रेरितां चे काम 13:1

अन्ताकिया शहरा ची कलीसिया मां कई भविष्यवक्‍ता ते उपदेशक हुते, बरनबास, ते शमौन जाये ङुजे नां नीगर हुते, ते लूकियुस कुरेनी, ते मनाहेम जको चौथाई देश चे राजा हेरोदेस चा मित्र हुता, ते शाऊल।

प्रेरितां चे काम 20:28

ऐवास्ते आपणी ते पुरे झुन्डा ची ङेख-रेख करा, जाये मां पवित्र आत्मा ने तम्हानु नु मुखिया ठहराले कि तम्ही नरीकारा ची कलीसिया ची रखवाली करा, ओणे तम्हानु आपणे पूता चे लुहींया लारे मोल गेहती गेले।

प्रेरितां चे काम 21:8

ङुजे ङिओ अम्ही उठु सफर करती कर कैसरिया मां आले, ते फिलिप्पुस सुसमाचार चा प्रचारक चे घरा मां जको यरुशलेम ची कलीसिया मां साता लारे चुणला आला हेक सेवक हुता, जती कर ओचे इठे रेहले।

रोमियां 12:7

अगर कानु सेवा करने चा वरदान मिड़ला आला हो, तां सेवा मां लाग़ला रिहो, अगर कुई सिखावणे आला हो, तां सिखावणे मां लाग़ला रिही,

1 कुरिन्थियां 12:4

वरदान तां कई तरह चे छी, पर छी हेको ही पवित्र आत्मा चे।

इफिसियां 2:20

तम्ही हेक इसड़े घर छिवा, जको प्रेरित ते भविष्यवक्‍ता ची नीम उपर बणले आले छिवा जाया कूणे चा पत्थर खौद्द ईशु मसीह ही छै।

इफिसियां 3:5

पेहले ओ भेद लौका नु कोनी बावड़ला गेला ते हमा पवित्र आत्मा लारे भविष्यवक्‍ता ते प्रेरितां नु बावड़ला गेला।

इफिसियां 4:8

पवित्रशास्त्र मां लिखले पले। ओ ऊंचे उपर चढ़ला ते कैदीया नु ब़ांहती गेहती गेला, ते ओणे लौका नु वरदान ङिला।

2 तीमुथियुस 4:5

पर तु सारीया बाता कनु आपणे आप नु वशा मां राख, ङोख चा, ते सुसमाचार चे प्रचार चे काम कर, ते जको सेवा तनु ङिली गेली, विनु पुरे कर।

इब्रानियां 5:12

समय चे अनुसार तां तम्हानु गुरु हुती जाणे चाही हुते, तां वी ईं जरुरी छै कि कुई तम्हानु दुबारा नरीकारा चे वचना ची शुरु ची शिक्षा बल्ति कनु सिखाओ। तम्ही तां इसड़े हुती गेले कि तम्हानु अन्‍न चे बदले हमा तक ङूध ही चाही छै।

यहूदा 1:17

ऐवास्ते हे प्यारे, तम्ही वां बाता नु याद राखा, जको अम्चे प्रभु ईशु मसीह चे प्रेरित पेहले कनु ही केहती चुकले।

प्रकाशितवाक्य 18:20

हे स्वर्ग़, ते हे पवित्र बन्दी, ते प्रेरित, ते भविष्यवक्‍ता, ओचे उपर आनन्द करा, कांकि नरीकारा ने न्यां करती कर तम्चा पलटा गेला।”

प्रकाशितवाक्य 21:14

ते शहरा ची कंधे चा ब़ारहा नीमा चे पत्थर हुते, ते वांचे उपर मैमणे चे ब़ारहा प्रेरितां ची नांवे लिखली आली हुती।