इफिसियां 4:1 - ओङ राजपूत

¹ ऐवास्ते मैं पौलुस जको प्रभु ची सेवा करने ची वजह कनु कैद मां छै, तम्हा कनु बिनती करे पला कि जिसी बुलाहट कनु नरीकारा ने तम्हानु हकारले, ओचे अनुसार जीवन बितावा।

इफिसियां 4:1 Iomraidhean Croise

प्रेरितां चे काम 9:31

यूं करती सारे यहूदिया, ते गलील, ते सामरिया, मां कलीसिया नु चैन मिड़ला, ते वांची बढ़ोतरी हुती गेली, ते वे प्रभु चे भय ते पवित्र आत्मा ची शान्ति मां टुरते ते बधते गेले।

रोमियां 11:29

कांकि नरीकार आपणे वरदाना कनु ते ब़ुलाहट कनु कङी भांसु ना हटी।

रोमियां 12:1

ऐवास्ते हे माये भऊ, मैं तम्हानु नरीकारा ची दया याद ङिवाती कर बिनती करे पला कि, आपणे शरीरा नु जीते, ते पवित्र, ते नरीकारा नु भाता हुला बलिदान करती कर चढ़ावा, हाओ तम्ची आत्मिक सेवा छै।

1 कुरिन्थियां 4:16

ऐवास्ते मैं तम्चे कनु बिनती करे पला, कि माये जिसड़ी चाल चला।

2 कुरिन्थियां 10:1

मैं पौलुस तम्हानु मसीह ची नरमाई, ते दयालुता चे वजह निवेदन करे पला। पर कोच्छ लौक किहे कि, मैं तम्चे सामणे नरमाई लारे बर्ताव करे, पर तम्चे कनु दूर हुवणे पर सख्ताई लारे बर्ताव करे।

2 कुरिन्थियां 5:20

ऐवास्ते अम्ही मसीह चे राजदूत छिऊं, मनाकि नरीकार अम्चे जरिये समझावे। अम्ही मसीह चे तरफु बिनती करु, कि नरीकारा चे लारे मेल-मिलाप करती गिहा।

2 कुरिन्थियां 6:1

ते अम्ही जको नरीकारा चे भईवाल छिऊं, ईं वी समझाऊं, कि नरीकारा चा अनुग्रह जको तम्चे पर हुला, ओनु बेकार ना जऊं ङिया।

गलातियां 4:12

हे भऊ मैं तम्हा कनु विनती करे कि तम्ही वी माये जिसड़े हुती जावा कांकि मैं वी तम्चे जिसड़ा हुती गेला, तम्ही माये कहीं कोनी बिगाड़ले।

इफिसियां 2:10

कांकि अम्ही ओचे बणाले आले छिऊं, ईशु मसीह मां भले कामा वास्ते बणाले गेले छिऊं। नरीकारा ने अम्हानु पेहले कनु तियार करले। के अम्ही ऊं करते हुले आपणी जीन्दगी बिताऊं।

इफिसियां 3:1

ऐ वजह कनु मैं पौलुस नेरीया जातिया वास्ते ईशु मसीह चा प्रचार करने आला गुलाम बणला आला छै

इफिसियां 4:17

ऐवास्ते मैं किहे पला ते प्रभु नु ग़वाह बणाती कर तम्हानु चिताती कर किहे पला कि जिंवे नेरीया जातिया चे लौक आपणे मना ची बेकार रीति उपर चली यूंही तम्ही ना चला।

इफिसियां 4:4

हेक ही शरीर छै, हेक ही आत्मा छै ते हेक ही आस छै जिसे वास्ते तम्हानु हकारले,

इफिसियां 5:2

ते प्रेम मां चला, जिंवे मसीह ने वी अम्चे लारे प्रेम करला, ओणे आपणे आप नु सोख ङेणे आली खुश्बु ची तरह नरीकारा नु कुर्बानी ङिली जती।

फिलिप्पियां 1:27

तम्चा चाल-चलन ईशु मसीह चे सुसमाचार चे लायक हो, चाहे मैं आवे चाहे ना आवे, तम्चे बारे मां ईं सुणे कि तम्ही हेक ही पवित्र आत्मा मां मजबूत छिवा, हेक ही मन हुती कर सुसमाचार चे विश्‍वास चे वास्ते मेहनत करते रिहा।

फिलिप्पियां 3:14

निशाने सनु द्रोड़ता चाह्‍ला जाये, ताकि ओ इनाम गिहे जाये वास्ते नरीकारा ने मनु मसीह ईशु मां उपर स्वर्ग़ा सनु हकारले।

कुलुस्सियां 1:10

ताकि तम्चा चाल-चलन प्रभु चे लायक हो, ते ओह सारे प्रकार कनु खौश हो, ते तम्चे हर-प्रकार चे भले कामा चा फल लाग़ो, ते नरीकारा चे ज्ञान मां बढ़ते जावा।

कुलुस्सियां 2:6

तां जिंवे तम्ही ईशु मसीह नु प्रभु करती कर मनती गेहले, यूंही ओचे मां चलते रिहा।

कुलुस्सियां 4:12

इपफ्रास जको तम्चे महु हेक छै ते मसीह ईशु चा दास छै, तम्हानु नमस्कार किहे पला ते सदा तम्चे वास्ते प्राथना मां यतन करे, ताकि तम्ही सेद्ध हुती पुरे विश्‍वास चे लारे नरीकारा ची मर्जी उपर बणले रिहा।

1 थिस्सलुनीकियां 2:12

कि तम्चा चाल-चलन नरीकारा चे काबिल हो, जको तम्हानु आपणे राज़ ते महिमा मां हकारे।

2 थिस्सलुनीकियां 1:11

ऐवास्ते अम्ही सदा तम्चे वास्ते हर ङिओ प्राथना करु वी, कि अम्चा नरीकार तम्हानु ऐ ब़ुलाहट चे योग्य समझो, ते भलाई ची हर हेक इच्छा, ते विश्‍वास चे हर हेक कामा नु सामर्थ लारे पूरा करो।

2 तीमुथियुस 1:9

जेह्णे अम्चा उद्धार करला, ते पवित्र बुलाहट लारे हकारले, ते हा अम्चे कामा चे अनुसार कोनी, पर आपणी मनसा ते ओ अनुग्रह चे अनुसार छै, जको ईशु मसीह मां शुरुआत कनु अम्चे उपर हुला।

तीतुस 2:10

ताकि चोरी चलाकी ना करो, पर हर-तरहा कनु विश्‍वास करने आला निकलो, कि वे सारीया बाता मां अम्चे उद्धारकर्ता नरीकार चे उपदेश चा मान बढ़ाती ङियो।

इब्रानियां 13:21

तम्हानु हर हेक भली बाते मां सेद्ध करो, जाये कनु तम्ही ओची इच्छा पुरी करा, ते जको कोच्छ ओनु भावे ऊं ईशु मसीह चे जरिये अम्चे मां पुरे करो, ओची महिमा युगानयुग हुती रिहो। आमीन।

इब्रानियां 3:1

ऐवास्ते, हे माये विश्‍वासी भऊ, तम्ही जको स्वर्ग़ीय ब़ुलावे मां भईवाल छिवा, ईशु उपर ध्यान ङिया, जको अम्चे वास्ते नरीकारा चा प्रेरित ते महायाजक छै।

1 पतरस 2:11

हे प्यारे, मैं तम्हा कनु बिनती करे पला, कि तम्ही संसारा मां प्रदेसीया चे रूपा मां छिवा, जको तम्ची आत्मा लारे योद्ध करतीया रिही वा शरीरा चा इच्छा कनु तम्ही बचले रिहा।

1 पतरस 3:9

तम्ही बुराई चे बदले मां बुराई ना करा। ते ना गालीया चे बदले गालीया काढ़ा, पर ऐचे बदले आशीष ही ङिया। कांकि तम्ही आशीष चे वारिस हुवणे चे वास्ते हकारले गेले।

1 पतरस 5:10

हमा नरीकार जको सारे अनुग्रह चा दाता छै, जेह्णे तम्हानु मसीह मां आपणी अनन्त महिमा वास्ते हकारले, तम्चे थोड़ी देरी तक ङोख चवणे चे बाद आप ही तम्हानु सेद्ध ते मजबूत ते बलवन्त करी।

2 पतरस 1:3

आपणे जीवन चे वास्ते ते नरीकारा ची सेवा चे वास्ते जको कोच्छ अम्हानु चाही छै, आपणी ईश्‍वरीय सामर्थ चे जरिये ओणे अम्हानु सब कोच्छ ङिले। कांकि अम्ही ओनु जाणु, जेह्णे आपणी धार्मिकता ते महिमा ची वजह अम्हानु हकारले।

2 यूहन्‍ना 1:5

हमा हे असतरी, मैं तनु कुई नवीं आज्ञा कोनी, पर वाहो जको शुरु कनु अम्चे गोढु छै, लिखे पला, ते दुधे कनु बिनती करे पला कि अम्ही विश्‍वास करने आली हेके ङुजे लारे प्रेम राखु।