इफिसियां 3:15 - ओङ राजपूत

¹⁵ जाये कनु स्वर्ग़ ते धरती उपर, हर हेक कुणम्बे चे नां राखले जाये,

इफिसियां 3:15 Iomraidhean Croise

प्रेरितां चे काम 11:26

ते जिसे बेले वानु मिड़ला तां ओनु अन्ताकिया मां आणले ते इसड़े हुले कि वे हेक साला तक कलीसिया चे लारे मिलते ते ब़ोहत सारे लौका नु उपदेश ङिते रेहले। ते चैले सारा कनु पेहले अन्ताकिया मां ही “मसीह” किहवाले।

इफिसियां 1:10

कि समया चे पुरे हुवणे चा इसड़ा प्रबन्ध हो कि जको कोच्छ स्वर्ग़ा मां छै ते जको कोच्छ धरती उपर छै, सब कोच्छ नरीकार मसीह मां भेले करो।

इफिसियां 1:21

सब प्रकार ची प्रधानता, ते अधिकार, ते सामर्थ ते प्रभुता चे, ते हर हेक नांवा चे उपर, जो ना केवल ऐ युगा मे, पर आणे आली लौका मां वी गेहले जई।

इफिसियां 3:14

मैं ये वजह कनु ओ नरीकारा चे सामणे गोङे टेके पला,

इफिसियां 3:16

मैं प्राथना करे कि ओ आपणी महिमा ची दौलत चे अनुसार तम्हानु हा दान ङियो कि तम्ही ओचे पवित्र आत्मा कनु आपणे दिला मां सामर्थ गेहती कर ताकतवार बणते जावा।

कुलुस्सियां 1:20

ते ओचे क्रूसा उपर बेहले आले लुहींया चे जरिये मेल-मिलाप करती कर, सारीया चीजा चा ओचे जरिये लारे आपणे लारे मेल करती गिहो, चाहे वे धरती उपर ची हो चाहे स्वर्ग़ा मां हो।

प्रकाशितवाक्य 2:17

“जाये कान हो वे सुणती गिहो कि आत्मा कलीसिया नु का किहे पला। “जको जीतती जई, ओनु मैं लुकले आले मन्‍ने महु ङी, ते ओनु हेक चिट्टा पत्थर वी ङी, ते ओ पत्थरा उपर हेक नां लिखले आले हुवी, जानु ओचे गेहणे आले चे सिवाय नेरे कुई नी जाणी।

प्रकाशितवाक्य 3:12

जको जीतती जई, ओनु मैं आपणे नरीकारा चे मन्दरा मां हेक खम्बा बणावी, ते ओ बल्ति कङी ब़ाहर नी निकली, ते मैं आपणे नरीकारा चे नां ते आपणे नरीकारा चा शहर यानि नवें यरुशलेम शहरा चे नां, जको माये नरीकारा चे गोढु कनु स्वर्ग़ा कनु उतरने आला छै, ते आपणे नां, ओचे उपर लिखी।