इफिसियां 1:18 - ओङ राजपूत

¹⁸ मैं ये बाते वास्ते वी प्राथना करे कि तम्चे मना ची आंख सोज़ले मां हो, तम्ही जाणती गिहा कि ओचे हकारने ची किसड़ी आस रिहे, ते नरीकारा चे पवित्र लौका मां ओची वसीयत ची महिमा ची किसड़ी दौलत छै।

इफिसियां 1:18 Iomraidhean Croise

मत्ती 13:15

कांकि जा लौका चे मन मोटे हुती गेले, ते काना लारे ऊंचे सुणी ते आपणीया आंखीया बन्द करती गेलीया, कङी इसड़े ना हो कि वे आंखीया लारे ङेखी, ते काना लारे सुणी, ते मना लारे समझी ते फिरती जई मैं वांचा उद्धार करी।’

मरकुस 10:17

जब ईशु उठु कनु निकलती कर मार्ग़ा मां जाये पलता, तां हेक बन्दे ओचे सनु द्रोड़ते हुले आले, ते ओचे आग़ु गोङे टेकती कर ओकनु पूछले, “हे उत्तम गुरु, अनन्त जीवन चा अधिकारी हुवणे वास्ते मैं का करे?”

लूका 24:45

तब ईशु ने वांची समझ खोलती ङिली कि वे पवित्रशास्त्र नु समझो।

प्रेरितां चे काम 16:14

लुदिया नांवा ची थुआथीरा शहरा ची हेक असतरी प्रभु उपर विश्‍वास राखणे आली हुती। वा मंहगी बैंजनी रंगा ची ओढ़णी बेचणे आली हुती वा बङे ध्यान लारे अम्चीया बाता सुणे पलती। प्रभु ने विचे मना चे दरवाजे खोलती ङिले ताकि, जको कोच्छ पौलुस किहे पलता, वा बाता नु ध्यानारीत सुणो।

प्रेरितां चे काम 26:18

कि तु वांचीया आँख खोल, कि वे अन्धकार महु काढ़ती कर ज्योति मां, ते शैताना चे अधिकार महु नरीकारा चे राज़ मां गेहती आवे। वे पापा कनु माफ पाओ, ते वांचे बीच मां आती जाओ, जको माये मां विश्‍वास चे जरिये नरीकारा वास्ते पवित्र करले गेले।’

रोमियां 11:29

कांकि नरीकार आपणे वरदाना कनु ते ब़ुलाहट कनु कङी भांसु ना हटी।

रोमियां 2:4

का तु बङी भलाई ते सहनशीलता, ते धीरजरुपी धन्‍न नु तोच्छ समझी? ते का ईं ना समझी कि नरीकारा ची भलाई तनु मन फिरावणे ची ओर गेहती जाये?

2 कुरिन्थियां 4:4

ते वा अविश्‍वासीया चे वास्ते, जाई ब़ुध्दि नु ऐ संसारा चे ईश्‍वर ने यानिकि शैताना ने अन्धी करती नाखली, ताकि मसीह जको नरीकारा चा प्रतिरुप छै, कि ओचे तेजोमय सुसमाचार चे सोज़ले वांचे उपर ना चमको।

2 कुरिन्थियां 4:6

कांकि नरीकार ने आज्ञा ङिली हुती कि, “अन्धकारा महु ज्योति चमको।” ते नरीकारा ने ही अम्चे दिला मां आपणी ज्योति चमकाली कि ईशु मसीह मां नरीकारा ची महिमा चे सोज़ले मेल सग़ो।

गलातियां 5:5

पर अम्ही विश्‍वास चे वजह नरीकारा चे सामणे निर्दोष बणने ची आस राखु। पवित्र आत्मा ची सहायता लारे अम्ही ऐची बाट ङेखु भिले।

इफिसियां 1:11

मसीह मां बणले आले जको आपणी इच्छा चे भली समझ चे अनुसार सब कोच्छ करी, ओणे आपणी योजना चे अनुसार अम्हानु पेहले कनु ठहराले कि उत्तरा अधिकारी बणने चा अधिकार मिलो।

इफिसियां 1:7

अम्हानु ओचे मां ओचे लुहींया चे जरिये छुटकारा, यानि पापा ची माफी, ओचे ओ अनुग्रह चे धन चे अनुसार मिड़ला।

इफिसियां 2:12

तम्हानु याद छै कि तम्ही पेहले मसीह कनु अलग़, इस्राएल ची प्रजा चे पद्द कनु अलग़ करले हुले, नरीकारा ने आपणे पवित्र लौका लारे जको वायदा करला हुता ओचे मां हेंस्सेदार कोनी हुते, ते दुनिया मां सच्‍चे नरीकारा चे बिना आसा चा जीवन जीते।

इफिसियां 3:16

मैं प्राथना करे कि ओ आपणी महिमा ची दौलत चे अनुसार तम्हानु हा दान ङियो कि तम्ही ओचे पवित्र आत्मा कनु आपणे दिला मां सामर्थ गेहती कर ताकतवार बणते जावा।

इफिसियां 3:8

मैं सारे पवित्र लौका कनु छोटा छै, मनु हा वरदान मिड़ला कि मैं नेरीया जातिया मां जती कर मसीह चा बेशकीमती शान्ति चा धन चा सुसमाचार सुणावे।

इफिसियां 4:1

ऐवास्ते मैं पौलुस जको प्रभु ची सेवा करने ची वजह कनु कैद मां छै, तम्हा कनु बिनती करे पला कि जिसी बुलाहट कनु नरीकारा ने तम्हानु हकारले, ओचे अनुसार जीवन बितावा।

इफिसियां 4:4

हेक ही शरीर छै, हेक ही आत्मा छै ते हेक ही आस छै जिसे वास्ते तम्हानु हकारले,

इफिसियां 5:8

कांकि पेहले तम्ही अन्धारे मां हुती पर हमा प्रभु मां आणे चे बाद तम्ही ज्योति मां आती गेली, ज्योति ची ऊलाद्धी आलीकर चला।

फिलिप्पियां 3:14

निशाने सनु द्रोड़ता चाह्‍ला जाये, ताकि ओ इनाम गिहे जाये वास्ते नरीकारा ने मनु मसीह ईशु मां उपर स्वर्ग़ा सनु हकारले।

कुलुस्सियां 1:12

ते ब़ा चा धन्यवाद करते रिहा, जेह्णे अम्हानु ऐस लायक बणाले कि ज्योति मां पवित्र लौका चे लारे वसीयत मां भईवाल हुले।

कुलुस्सियां 1:23

ईं तां हो सग़े कि तम्ही विश्‍वास ची ढाल उपर मजबूत बणले रिहा ते ओ सुसमाचार ची आस नु जानु तम्ही सुणले, ना छोड़ा, जाया प्रचार आसमाना चे तले सारे संसारा मां करला गेला ते जाया मैं पौलुस सेवक बणला।

कुलुस्सियां 1:27

जाये उपर नरीकारा ने प्रकट करने चाह्‍ले, कि वानु पता लाग़ो कि सारे लौका मां ओ भेदा ची कीमत चा धन का छै? ते वा हाओ छै, कि मसीह जको महिमा ची उम्मीद छै वा तम्चे मां बणली रिहो।

कुलुस्सियां 1:5

ईं वे उम्मीद ते प्रेम चे वजह हुले जको तम्चे वास्ते स्वर्ग़ा मां पली छै, जाई चर्चा तम्ही ओह सुसमाचार चे सच्‍चे वचना मां सुणती चुकले।

कुलुस्सियां 2:2

ईं मैं ऐवास्ते किहे ताकि वांचे मना मां बढावा मिलो ते वे प्रेम मां आपस मां ग़ठले रिहो, ते वे पुरी समझ चा सारे धन नु प्राप्त करो, जाये कनु वे नरीकारा चे भेद नु यानि मसीह नु पिछाणती गिहो।

कुलुस्सियां 3:15

ते मसीह ची शान्ति जिसे वास्ते तम्ही हेक शरीर मां हकारले गेले तम्चे दिला मां राज़ करो, ते तम्ही शुक्रगुजारी बणले रिहा।

1 थिस्सलुनीकियां 2:12

कि तम्चा चाल-चलन नरीकारा चे काबिल हो, जको तम्हानु आपणे राज़ ते महिमा मां हकारे।

1 थिस्सलुनीकियां 5:8

पर अम्ही तां ङिहां चे छिऊं, ऐवास्ते अम्हानु आपणे आप नु बसा मां राखणे चाही छै, विश्‍वास ते प्रेम ची झिलम घालती कर ते उद्धार ची आस चा टोप घालती कर चौकस रिहा।

2 थिस्सलुनीकियां 1:11

ऐवास्ते अम्ही सदा तम्चे वास्ते हर ङिओ प्राथना करु वी, कि अम्चा नरीकार तम्हानु ऐ ब़ुलाहट चे योग्य समझो, ते भलाई ची हर हेक इच्छा, ते विश्‍वास चे हर हेक कामा नु सामर्थ लारे पूरा करो।

2 थिस्सलुनीकियां 2:16

अम्चा प्रभु ईशु मसीह आप ही, ते अम्चा ब़ा नरीकार, जेह्णे अम्चे लारे प्रेम राखला ते अनुग्रह चे लारे हमेशा ची शान्ति ते आच्छी आस ङिली,

1 तीमुथियुस 6:12

विश्‍वास चे सुसमाचार चे वास्ते आच्छी कुश्ती लड़, ते ओ अनन्त जीवन नु घालती गे, जाये वास्ते तु हकरवाला गेला, ते घणे ग़वाह चे सामणे मनले हुते।

तीतुस 2:13

ते वे धन्‍न आसा ची यानि आपणे महान नरीकार ते मुक्‍तिदाता ईशु मसीह ची महिमा चे उजागर हुवणे ची बाट ङेखते रिहा।

तीतुस 3:7

अम्ही नरीकारा चे अनुग्रह लारे धर्मी हुती कर, ते अनन्त जीवन ची आस चे अनुसार वारिस बणले।

इब्रानियां 10:32

पर वां पेहले ङिहां नु याद करा, जब तम्ही मसीह चे बारे जाणने चे बाद तम्ही कष्टा ची हालती मां संघर्ष करते रेहले।

इब्रानियां 6:4

जेह्णे कुई समय सच्‍च चे ज्ञान चे सोज़ले गेहती गेले हुते, जेह्णे स्वर्ग़ीय वरदान चा स्वाद चाखती गेलता, जको पवित्र आत्मा चे भईवाल हुती गेलते,

1 पतरस 1:3

अम्चे प्रभु ईशु मसीह चा नरीकारा ते ब़ा चा धन्यवाद हो, जेह्णे ईशु मसीह नु मरले आला महु जीते हुवणे चे जरिये, आपणी बङी दया लारे अम्हानु जीती उम्मीद चे वास्ते नवां जनम ङिला।

1 पतरस 3:9

तम्ही बुराई चे बदले मां बुराई ना करा। ते ना गालीया चे बदले गालीया काढ़ा, पर ऐचे बदले आशीष ही ङिया। कांकि तम्ही आशीष चे वारिस हुवणे चे वास्ते हकारले गेले।

1 पतरस 5:10

हमा नरीकार जको सारे अनुग्रह चा दाता छै, जेह्णे तम्हानु मसीह मां आपणी अनन्त महिमा वास्ते हकारले, तम्चे थोड़ी देरी तक ङोख चवणे चे बाद आप ही तम्हानु सेद्ध ते मजबूत ते बलवन्त करी।