इफिसियां 1:10 - ओङ राजपूत

¹⁰ कि समया चे पुरे हुवणे चा इसड़ा प्रबन्ध हो कि जको कोच्छ स्वर्ग़ा मां छै ते जको कोच्छ धरती उपर छै, सब कोच्छ नरीकार मसीह मां भेले करो।

इफिसियां 1:10 Iomraidhean Croise

मत्ती 25:32

ते सारीया जातिया माये सामणे भेलिया करलीया जाये, ते जिंवे आजड़ी भेङा नु ब़ाकरीया कनु अंज करती ङिये, यूंही मैं वानु हेके ङुजे कनु अंज करती ङी।

मरकुस 1:15

ते ओणे केहले, “समय पूरा हुला, ते नरीकारा चा राज़ गोढु आती गेला, तम्ही आपणे पापा कनु मन फिरावा ते सुसमाचार चे उपर विश्‍वास करा।”

1 कुरिन्थियां 10:11

वांचे उपर बितलीया आलीया ये घटना नमुना हुता जको अम्चे वास्ते चितावनी चे रूपा मां लिखलीया गेलीया कांकि अम्ही ओ युगा मां छिऊं, जको अन्त चे गोढु छै।

1 कुरिन्थियां 11:3

मैं चाहवें कि तम्ही ये बाते नु समझती गिहा कि हर-हेक मर्दा चे ठोङ मसीह छै ते असतरी चे ठोङ मर्द छै ते मसीह चे ठोङ नरीकार छै।

गलातियां 4:4

पर जिसे बेले समय पूरा हुला तां नरीकारा ने आपणे पूता नु भेज़ले, ओ हेक असतरी महु जमला ते व्यवस्था चे अधीन पैदा हुला।

इफिसियां 1:22

नरीकारा ने सब कोच्छ ओचे वशा मां करती ङिले, ओनु सारा महु बङे बणाती कर कलीसिया नु ङिले जती।

इफिसियां 2:15

ते आपणे शरीरा मां बैर यानि वा व्यवस्था जाया आज्ञा विधिया ची रीतिया उपर हुतीया, मिटाती ङिले कि ङुंहु लारे आपणे मां हेक नवें इन्सान पैदा करती कर मेल कराती ङियो।

इफिसियां 3:15

जाये कनु स्वर्ग़ ते धरती उपर, हर हेक कुणम्बे चे नां राखले जाये,

इफिसियां 3:2

अगर तम्ही नरीकारा चे ओ अनुग्रह चे प्रबन्ध चा समाचार सुणला हो, जको तम्चे वास्ते मनु ङिला गेला,

कुलुस्सियां 1:16

कांकि ओचे मां सारीया चीजा नु बणाले गेले, स्वर्ग़ ची हो जा धरती ची, ङेखली हो जा अणङेखली, का सिंहासन, का प्रभुतांए, का प्रधानताए, का अधिकार, सारीया चीजा ओणे रचलीया, ते ओचे वास्ते बणालीया गेलीया।

कुलुस्सियां 1:20

ते ओचे क्रूसा उपर बेहले आले लुहींया चे जरिये मेल-मिलाप करती कर, सारीया चीजा चा ओचे जरिये लारे आपणे लारे मेल करती गिहो, चाहे वे धरती उपर ची हो चाहे स्वर्ग़ा मां हो।

कुलुस्सियां 3:11

मतलब हा छै कि मसीह मां हमा ना तां कुई यूनानी रेहला, ना यहूदी, ना खतना, ते ना ही खतनारहित, ना जंगली, ना असभ्य, ना दास ते ना आजादी, मसीह यां सारा मां छै, ये सारी मसीह मां छी।

इब्रानियां 1:2

पर यां ङिहां चे अन्त मां अम्चे लारे आपणे पूता चे जरिये बाता करलीया, जानु ओणे सारीया चीजा चा वारिस ठहराले ते ओचे जरिये ओणे सारी सृष्टि वी रचली छै।

इब्रानियां 11:40

कांकि नरीकारा ने अम्चे वास्ते पेहले कनु हेक उत्तम बात ठहराली कि वे अम्चे लारे जुड़ले बिना सेद्ध ना बण सग़ो।

इब्रानियां 9:10

ऐवास्ते कि वे सेर्फ खाणे-पीणे चीया चीजा, तरह तरह चे इश्नान विधि चे अधार उपर शरीरिक नियम छी, जको नरीकारा चे नवें विधान तक नियुक्‍त करले गेले छी।

1 पतरस 1:20

ऐ संसारा ची शुरुआत कनु ही पेहले ओनु चुणती गेलते ले, पर तम्चे वास्ते ओनु यां आखरी ङिहां मां ओणे उजागर करले।

प्रकाशितवाक्य 5:9

वे ईं नवें गीत गाऊं लाग़ले, “तु ये किताबे नु गेहणे, ते ऐचीया मोहरा खोलणे चे लायक छी, कांकि तु बलि हुती कर, आपणे लुहींया लारे हर हेक कोल्‍ल ते भाषा ते लौक ते जाति महु नरीकारा वास्ते लौका नु मोल गेहले।