इफिसियां 1:1 - ओङ राजपूत

¹ पौलुस चे तरफु जको नरीकारा ची इच्छा लारे ईशु मसीह चा प्रेरित छै, वां पवित्र ते मसीह ईशु मां विश्‍वासी लौका चे नांवे जको इफिसुस शहरा मां छी।

इफिसियां 1:1 Iomraidhean Croise

लूका 16:10

जको लौक थोड़े कनु थोड़े मां विश्‍वास चे लायक छी, वे घणा मां वी विश्‍वास चे लायक छी, ते जको थोड़े कनु थोड़े मां अधर्मी छी, वे घणा मां वी अधर्मी छी।

प्रेरितां चे काम 16:15

विणे आपणे कुणम्बे समेत बपतिस्मा गेहला, ते विणे विनती करली, “अगर तम्ही मनु प्रभु ची विश्‍वासण समझा तां चालती कर माये घरा मां रिहा।” ते वा अम्हानु राजी करती कर गेहती गेली।

प्रेरितां चे काम 18:19

ते इफिसुस शहरा मां पुज़ती कर वानु उठी छोड़ती ङिले, ते आप खौद्द जती कर प्राथनाघरा मां यहूदिया लारे बहस-बाजी करु लाग़ती गेला।

प्रेरितां चे काम 18:21

पर ईं केहती कर वांचे कनु विदा हुला कि, “अगर नरीकार चाहवी तां मैं तम्चे गोढु दुबारा आवी।” ते बल्ति ओ इफिसुस शहर छोड़ती कर पाणीया आले जहाजा मां ब़ेसती कर चाह्‍ला गेला।

प्रेरितां चे काम 9:13

पर हनन्याह ने उत्तर ङिला, “हे प्रभु, मैं ऐ इन्साना चे बारे मां घणा कनु सुणले कि ऐणे यरुशलेम मां दुधे पवित्र लौका लारे बङीया-बङीया बुराईया करलीया,

रोमियां 1:1

हा चिठ्ठी रोमियां ची कलीसिया वास्ते लिखली गेली पौलुस चे तरफु जको ईशु मसीह चा दास छै ते प्रेरित हुवणे चे वास्ते हकारला गेला ते नरीकारा चे ओ सुसमाचार वास्ते अलग़ करला गेला छै।

रोमियां 1:7

वां सारा चे नांवे जको रोम मां नरीकारा चे प्यारे ते पवित्र हुवणे वास्ते हकारले गेले। अम्चा ब़ा नरीकार ते प्रभु ईशु मसीह ची ओर कनु तम्हानु अनुग्रह ते शान्ति मिलती रिहो।

रोमियां 8:1

ऐवास्ते हमा जको मसीह ईशु मां छी, वांचे उपर ङण्ड ची आज्ञा कोनी। कांकि वे शरीरा चे अनुसार ना बल्कि आत्मा चे अनुसार चली।

1 कुरिन्थियां 4:12

अम्ही आपणे ही हाथा लारे काम करती मेहनत करु। लौक बुरे किहे अम्ही आशीर्वाद ङिऊं, वे सतावी, अम्ही सेहते रिहुं।

1 कुरिन्थियां 4:17

ऐवास्ते मैं तीमुथियुस नु जको प्रभु मां माया प्यारा ते विश्‍वासयोग पूत छै, तम्चे गोढु भेज़ले, ते ओ तम्हानु मसीह मां माया चरित्र याद करा वी, जिंवे कि मैं हर जग़हा हर हेक कलीसिया मां उपदेश करे।

2 कुरिन्थियां 1:1

हा चिठ्ठी पौलुस चे तरफु जको नरीकारा ची इच्छा लारे मसीह ईशु चा प्रेरित छै, ते भऊ तीमुथियुस ची ओर कनु नरीकारा ची वे कलीसिया चे नांवे लिखली गेली जको कुरिन्थुस मां छै, ते सारे अखाया प्रदेसा चे सब पवित्र लौका चे नांवे,

गलातियां 1:1

पौलुस नु प्रेरित चा अधिकार, ना इन्साना ची ओर कनु ते ना ही इन्साना चे तरफु, बल्कि ईशु मसीह ते नरीकार ब़ा चे जरिये, जेह्णे ईशु मसीह नु मरले आला महु जिवाले, मिड़ला।

गलातियां 3:26

कांकि तम्ही सारे ओ विश्‍वास लारे जको ईशु मसीह उपर छै, नरीकारा ची ऊलाद्ध छिवा,

गलातियां 3:28

हमा ना कुई यहूदी रेहला ना कुई यूनानी, ना कुई गुलाम रेहला ना कुई आजाद, ना मर्द रेहला ना कुई असतरी कांकि तम्ही सारे ईशु मसीह मां हेक छिवा,

गलातियां 3:9

ऐवास्ते जको विश्‍वास करे ओ विश्‍वास करने आला अब्राहम लारे आशीष पावे।

इफिसियां 1:15

ऐवास्ते, जिसे बेले मैं प्रभु ईशु मां तम्चे विश्‍वास ते सारे पवित्र लौका वास्ते तम्चे प्रेम चे बारे मां सुणले,

इफिसियां 2:10

कांकि अम्ही ओचे बणाले आले छिऊं, ईशु मसीह मां भले कामा वास्ते बणाले गेले छिऊं। नरीकारा ने अम्हानु पेहले कनु तियार करले। के अम्ही ऊं करते हुले आपणी जीन्दगी बिताऊं।

इफिसियां 2:13

पर नरीकारा मां तम्ही जको पेहले दूर हुते, ईशु मसीह चे लुहींया चे जरिये साफ हुती कर हमा नरीकारा चे गोढु आती गेले।

इफिसियां 2:6

ते अम्ही मसीह ईशु मां छिऊं ऐवास्ते नरीकारा ने अम्हानु मसीह मां जीते करले ते मसीह ईशु लारे स्वर्ग़ा मां ब़िसाणले,

इफिसियां 6:21

तुखिकुस, जको प्यारा भऊ ते प्रभु मां विश्‍वास चे लायक सेवक छै, तम्हानु सारीया बाता बावड़ी कि तम्ही वी माई दशा नु जाणा कि मैं किवें रिहे पला।

कुलुस्सियां 1:2

मसीह मां वां पवित्र ते विश्‍वासी भावां चे नांवे जको कुलुस्से मां रिही, अम्चे ब़ा नरीकार ची ओर कनु तम्हानु अनुग्रह ते शान्ति मिलती रिहो।

प्रकाशितवाक्य 17:14

वे मैमणे लारे योद्ध करे, ते मैमणे वांचे कनु जीतती जई, कांकि ओ प्रभुआं चा प्रभु ते राजा चा राजा छै, ते जको हकारले गेले, ते चुणले आले, ते विश्‍वासी छी ओ ओचे लारे छै, वे वी जीतती जाये।”

प्रकाशितवाक्य 2:10

जको ङोख तनु भोग़णे हुवे वाकनु ना ङर। कांकि ङेखा, शैतान तम्हा महु कईयां नु कैदखाने मां नाखणे उपर छै, कि तम्ही परखले जावा ते तम्हानु ङस ङिहां तक क्लेश चवणे पड़े। मरणे तक विश्‍वासी बणले रिहा तां मैं तम्हानु जीवन चा मुग़ट ङी।

प्रकाशितवाक्य 2:13

मैं ईं जाणे कि तु ओठे रिही जिठे शैताना चा सिंहासन छै, तु माये नांवा उपर मजबूत रिही, ते माये उपर विश्‍वास करने मां वां ङिहां मां वी भांसु कोनी हटला जाये मां माया विश्‍वास लायक ग़वाह अन्तिपास, तम्चे आधे मां वे जग़हा उपर मारला गेला जिठे शैतान रिहे।