कुलुस्सियां 3:2 - ओङ राजपूत

² धरती चीया चीजा उपर ना पर स्वर्ग़ीय चीजा उपर ध्यान लावा।

कुलुस्सियां 3:2 Iomraidhean Croise

मत्ती 16:23

ईशु ने मुड़ती कर पतरस नु केहले, “हे शैतान, माये सामणे कनु दूर हो! तु माये वास्ते ठोकर ची वजह छी। कांकि तु नरीकारा चीया बाता उपर ना, पर तु इन्साना चीया बाता उपर मन लावी।”

मत्ती 6:19

“आपणे वास्ते धरती उपर धन भेला ना करा, जिठे कीड़े ते काई बिगाड़ती नाखी, ते जिठे चोर कंधे मां सुराख करती कर चोरी करती गिहे।

लूका 12:15

ते ओणे वानु केहले, “चौकस रिहा, ते हर-तरहा चे लोभ कनु आपणे आप नु बचाती राखा, कांकि धन ची बढोतरी हुवणे उपर वी काया जीवन ओचे धन चे भरोसे खुशी लारे ना चल सग़ी।”

लूका 16:11

ऐवास्ते जब तम्ही संसारा चे धन चे उपर सच्‍चे ना ठहरले, तां सच्‍चा धन तम्हानु कूण सोंपी?

फिलिप्पियां 1:23

कांकि मैं ङुंहु चे आधे मां अधर लटकला पला, जी तां चाहवे कि आपणे जीवना कनु विदा हुती कर मसीह चे गोढु चाह्‍ला जाये। कांकि ईं माये वास्ते घणे आच्छे छै।

कुलुस्सियां 3:1

तां जिसे बेले तम्ही मसीह चे लारे जिवाले गेले, तां स्वर्ग़ीय चीजा ची खोज मां रिहा, जिठे मसीह मोजुद छै, ते नरीकारा चे सज़्ज़े पासु ब़ेहला।

कुलुस्सियां 3:5

ऐवास्ते आपणे-आपणे अंगा नु मारती नाखा, जको धरती उपर छी, यानि गन्दे काम अपवित्र, बुरी इच्छा, गन्दी आदत, लोभ जको मूर्ति चे बराबर छै।