कुलुस्सियां 1:9 - ओङ राजपूत

⁹ ऐवास्ते जिसे ङिहां कनु ईं सुणले, अम्ही वी तम्चे वास्ते हा प्राथना ते बिनती करने ना छोड़ु कि तम्ही सारे आत्मिक ज्ञान ते समझ समेत नरीकारा ची मर्जी ची पिछाण मां परिपूर्ण हुती जावा।

कुलुस्सियां 1:9 Iomraidhean Croise

याकूब 3:17

पर जको ज्ञान उपरु आवे पेहले तां ओ पवित्र रिहे बल्ति मेल-मिलाप, मुलायम ते मन-भावना ते दया, ते आच्छे फला लारे लङला आला ते बिना पक्षपात ते बिना कप्पट लारे हुवे।

याकूब 1:5

पर तम्चे महु कानु ब़ुध्दि ची घटी हो तां नरीकारा कनु मांगो जको बिना उलाहणा ङिले सारा नु उदारता लारे ङिये, ते ओनु ङिली जई।

कुलुस्सियां 4:5

मौके नु कीमती समझती कर ब़ाहर आला लारे समझदारी लारे बर्ताव करा।

इब्रानियां 13:21

तम्हानु हर हेक भली बाते मां सेद्ध करो, जाये कनु तम्ही ओची इच्छा पुरी करा, ते जको कोच्छ ओनु भावे ऊं ईशु मसीह चे जरिये अम्चे मां पुरे करो, ओची महिमा युगानयुग हुती रिहो। आमीन।

1 पतरस 2:15

कांकि नरीकारा ची इच्छा हाओ छै कि तम्ही आपणे भले कामा ची वजह कनु मूर्ख लौका चे मुँहा नु बन्द करती नाखा।

2 थिस्सलुनीकियां 1:11

ऐवास्ते अम्ही सदा तम्चे वास्ते हर ङिओ प्राथना करु वी, कि अम्चा नरीकार तम्हानु ऐ ब़ुलाहट चे योग्य समझो, ते भलाई ची हर हेक इच्छा, ते विश्‍वास चे हर हेक कामा नु सामर्थ लारे पूरा करो।

1 थिस्सलुनीकियां 5:17

लगातार प्राथना मां लाग़ले रिहा।

1 यूहन्‍ना 5:20

तां हा वी अम्ही जाणु कि, नरीकारा चा पूत आती गेला ते ओणे अम्हानु हा समझ ङिली, कि अम्ही ओ सच्‍च नु पिछाणु, ते अम्ही ओचे मां जको सच्‍चाई छै, यानिकि ओचे पूत ईशु मसीह चे लारे रिहुं, सच्‍चा नरीकार ते अनन्त जीवन हाओ छै।

कुलुस्सियां 3:16

मसीह चे वचन नु आपणे दिला मां गहराई लारे बसु ङिया ते सेद्ध ज्ञान समेत हेके ङुजे नु सिखावा ते चितावा, ते आपणे-आपणे मना मां अनुग्रह चे लारे नरीकारा चे वास्ते भज़न ते स्तुतिगान ते आत्मिक गीत गावा।

इब्रानियां 10:36

कांकि तम्हानु सब्र करना जरुरी छै, कि नरीकारा ची इच्छा नु पुरी करती कर तम्ही वायदे चा फल गिहा।

फिलिप्पियां 1:4

ते जिसे बेले कङी तम्चे सब वास्ते विनती करे, तां सदा खुशी लारे विनती करता रिहे।

फिलेमोन 1:4

मैं सदा आपणे नरीकारा चा धन्यवाद करे, ते आपणी प्राथना मां वी तम्हानु याद करे।

इफिसियां 6:6

तम्ही बन्दा नु खौश करने आला चे समान ङिखाणने वास्ते सेवा ना करा, पर मसीह चे सेवका चे समान मना लारे नरीकारा ची इच्छा उपर चला,

रोमियां 12:2

ते ऐ संसारा ची रीति उपर ना चला। पर तम्ची ब़ुध्दि चे नवें हुती जाणे लारे तम्चा चाल-चलन वी बदलता जाओ, जाये कनु तम्ही नरीकारा ची भली, ते भावणे आली, ते सेद्ध इच्छा लारे अनुभव लारे मालुम करते रिहा।

1 थिस्सलुनीकियां 1:3

ते आपणे नरीकार ते ब़ा चे सामणे तम्चे विश्‍वास चे काम, ते प्रेम ची मेहनत, ते अम्चे प्रभु ईशु मसीह मां आशा ची धीरता नु लगातार प्राथना मां याद करु।

1 यूहन्‍ना 2:17

संसार ते ओचीया बुरीया इच्छा ङोनी मिटते जई पले, पर जको कुई नरीकारा ची इच्छा उपर टुरे ऊं सदा बणले रिही।

1 पतरस 4:2

ऐवास्ते कि भविष्य मां आपणे बाकि शरीरिक जीन्दगी बन्दा ची इच्छा चे अनुसार ना बल्कि नरीकारा ची इच्छा चे अनुसार बितावा।

कुलुस्सियां 4:12

इपफ्रास जको तम्चे महु हेक छै ते मसीह ईशु चा दास छै, तम्हानु नमस्कार किहे पला ते सदा तम्चे वास्ते प्राथना मां यतन करे, ताकि तम्ही सेद्ध हुती पुरे विश्‍वास चे लारे नरीकारा ची मर्जी उपर बणले रिहा।

कुलुस्सियां 1:6

हा सुसमाचार पुरे जग़त मां सफल हुवे पला, ते फैलता जाये, जिंवे तम्चे मां ओस समय कनु सफल हुं लाग़ला, जिसे बेले तम्ही नरीकारा ची कृपा चे बारे मां सुणले ते सच्‍चमां तम्ही समझले हुते।

इफिसियां 5:17

बैवकूफ ना बणा ध्यानारीत रीत समझा कि प्रभु ची मर्जी का छै,

इफिसियां 5:10

ते हा परखा कि ङेखा प्रभु नु का आच्छे लाग़े?

इफिसियां 1:8

जिंवे ओणे सारे ज्ञान ते समझी समेत अम्चे उपर ब़ोहत करला,

यूहन्‍ना 7:17

अगर कुई ओची इच्छा उपर चलणे चाहवे तां ओ माया उपदेशा चे बारे मां जाणती जई कि ईं नरीकारा चे तरफु छै जा मैं आपणे तरफु किहे पला।

1 कुरिन्थियां 1:5

कांकि ओचे मां हुती कर तम्ही हर बाते मां यानि ब़ोलणे ते सारे ज्ञान मां मजबूत करले गेले,

प्रेरितां चे काम 12:5

कैदखाने मां पतरस ची रखवाली हुवे पलते, पर कलीसिया ओचे वास्ते हेक मन लाती कर नरीकारा कनु प्राथना करे पलती।

फिलेमोन 1:6

मैं प्राथना करे पला कि विश्‍वास मां दुधे सहभागी हुवणे, तम्ची सारी भलाई ची पिछाण मां, मसीह चे वास्ते प्रभावशाली हो।