प्रेरितां चे काम 2:5 - ओङ राजपूत

⁵ ते सब देशा महु आले यहूदी भग़त यरुशलेम मां आती कर रेहते।

प्रेरितां चे काम 2:5 Iomraidhean Croise

मत्ती 24:14

ते स्वर्ग़ राज़ चा हा सुसमाचार सारे संसारा चीया जातिया मां प्रचार करला जई कि सारीया जातिया उपर ग़वाही हो, तब अन्त आती जई।

लूका 17:24

कांकि जिंवे बिजली आसमाना चे हेक कूणे कनु चमकती कर आसमाना चे ङुजे कूणे तक चमकती जाये, यूंही मैं इन्साना चे पूता चे वी आपणे ङिहां मां आणे हुवी।

लूका 2:25

ते ङेखा, यरुशलेम मां शमौन नांवा चे हेक बन्दे हुते ते ऊं बन्दे धर्मी ते भग़त हुते, ते इस्राएल ची शान्ति ची बाट ङेखे पलते, ते पवित्र आत्मा ओचे उपर हुता।

लूका 24:18

ईं सुणती कर वांचे महु क्लियोपास नांवा चे हेक शक्स ने केहले, “का तु यरुशलेम मां हेकला प्रदेसी छी, जको ना जाणी कि यां ङिहां मां ओचे मां का हुले?”

यूहन्‍ना 12:20

जको बन्दी ओ तेंहवारा मां अराधना करने वास्ते आली हुती वांचे महु कई यूनानी हुती।

प्रेरितां चे काम 10:2

ओ नरीकारा चा भग़त हुता, ते आपणे सारे घराणे समेत नरीकारा कनु ङरता, ते यहूदी गरीब लौका नु बङा दान ङिता, ते लगातार नरीकारा कनु प्राथना करता रेहता।

प्रेरितां चे काम 10:7

जिसे बेले ओ स्वर्ग़दूत जेह्णे ओचे लारे बाता करलीया हुतीया चाह्‍ला गेला, तां कुरनेलियुस चे ङोन सेवका नु, ते हेक जको ओचे गोढु हाजिर रेहता भग़त सिपाहीया नु हकारले,

प्रेरितां चे काम 13:50

पर यहूदिया ने शहरा चा भलीया, ऊंचे कोल्‍ल चीया असतरीया नु ते शहरा चा खास बन्दा नु भड़काती नाखले, ते पौलुस ते बरनबास उपर दोष लवाती कर वानु आपणी हद्दी कनु ब़ाहरु कढ़वाती छोड़ले।

प्रेरितां चे काम 2:1

जिसे बेले पिन्तेकुस्त तेंहवार चा ङिओ आला, वे सारे हेकी जग़हा भेले हुले।

प्रेरितां चे काम 22:12

“तब हनन्याह नांवा चा व्यवस्था चे अनुसार हेक भग़त इन्सान, जको ओठे रेहणे आले सारे यहूदिया मां सरनाम हुता, माये गोढु आला।

प्रेरितां चे काम 8:2

ते नरीकारा चे भग़ता ने स्तिफनुस नु कब्री मां मेहले, ते ओचे वास्ते बङी मुकाण झड़ली।

प्रेरितां चे काम 8:27

ओ ऊठती कर टुरती पला, ते बल्ति कूश देशा चा हेक नामी शक्स आवे पलता, जको कूशिया ची राणी कन्दाके चा मंत्री ते खजांची हुता, ते अराधना करती यरुशलेम कनु वापिस जाये पलता।

कुलुस्सियां 1:23

ईं तां हो सग़े कि तम्ही विश्‍वास ची ढाल उपर मजबूत बणले रिहा ते ओ सुसमाचार ची आस नु जानु तम्ही सुणले, ना छोड़ा, जाया प्रचार आसमाना चे तले सारे संसारा मां करला गेला ते जाया मैं पौलुस सेवक बणला।