2 तीमुथियुस 4:5 - ओङ राजपूत

⁵ पर तु सारीया बाता कनु आपणे आप नु वशा मां राख, ङोख चा, ते सुसमाचार चे प्रचार चे काम कर, ते जको सेवा तनु ङिली गेली, विनु पुरे कर।

2 तीमुथियुस 4:5 Iomraidhean Croise

मत्ती 25:16

ते जानु पाँच घड़े मिड़ले हुते, ओणे तुरन्त जती कर वांचे लारे लेन-देन करला, ते ओणे पाँच घड़े नेरे कमाले।

मरकुस 13:34

हा ओ इन्साना ची दशा छै, जको प्रदेस जते बेले आपणे घर छोड़ती जाये ते आपणे दासा नु अधिकार ङियो, ते हर हेक नु ओचे काम बावड़ती ङियो, ते द्वारपाल नु जाग़ते रेहणे ची आज्ञा ङियो।

मरकुस 13:37

जको मैं तम्हानु किहे ऊंही सारा नु किहे, ‘तम्ही जाग़ते रिहा।’ ”

लूका 12:37

धन्‍न छै, ओ दास, जानु मालिक आती कर सुज़ाक ङेखे, मैं तम्हानु सच्‍च किहे पला, कि ओ कमर कसती कर वानु खाणे उपर ब़िसाणी, ते गोढु आती वांची सेवा करी।

प्रेरितां चे काम 21:8

ङुजे ङिओ अम्ही उठु सफर करती कर कैसरिया मां आले, ते फिलिप्पुस सुसमाचार चा प्रचारक चे घरा मां जको यरुशलेम ची कलीसिया मां साता लारे चुणला आला हेक सेवक हुता, जती कर ओचे इठे रेहले।

रोमियां 15:19

ते चैन्ह ते अदभोत कामा ची सामर्थ लारे, ते पवित्र आत्मा ची सामर्थ लारे माये ही जरिये करले गेले। इठे तक मैं यरुशलेम कनु लाती कर चऊं पासु ते इल्‍लुरिकुम तक मसीह चे सुसमाचार चा पूरा-पूरा प्रचार करला।

इफिसियां 4:11

ओणे कईयां नु प्रेरित, ते कईयां नु भविष्यवक्‍ता, ते कईयां नु सुसमाचार प्रचारक, ते कईयां नु रखवाले, ते कईयां नु विश्‍वास करने आला चे उपदेशक हुवणे चा वरदान ङिला।

इफिसियां 4:12

ओणे इसड़े करले कि नरीकारा चे पवित्र लौक सेवा करने चे लायक बणो ताकि मसीह ची देह जको कलीसिया छै विनु मजबूत करो।

कुलुस्सियां 1:25

जाया मैं नरीकारा चे ओ प्रबन्ध चे अनुसार सेवक बणला, जको तम्चे वास्ते मनु सोंपला गेला, ताकि मैं नरीकारा चे वचन नु पूरा-पूरा प्रचार करे,

कुलुस्सियां 4:17

ते अर्खिप्पुस नु केहजा कि जको सेवा प्रभु मां तनु सोंपली गेली, विनु ध्यानारीत पुरी करियो।

1 थिस्सलुनीकियां 5:6

ऐवास्ते अम्ही नेरा आलीकर नूहले ना रिहुं, पर जाग़ते ते चौकस रिहुं।

1 तीमुथियुस 4:12

कुई दुधी जवानी नु तोच्छ ना समझ सग़ो पर वचन, ते चाल-चलन, ते प्रेम, ते विश्‍वास, ते पवित्रता मां विश्‍वास करने आला चे वास्ते नमुना बणती जा।

1 तीमुथियुस 4:15

वां बाता नु सोचता रेह, ताकि वा बढ़ोतरी सारा लौका उपर प्रकट हो।

2 तीमुथियुस 1:8

ऐवास्ते अम्चे प्रभु ची ग़वाही चे लारे, ते माये कनु जको ओचा मैं कैदी छै, शर्मसार ना हो, पर वे नरीकारा ची ताकत चे अनुसार सुसमाचार चे वास्ते माये लारे ङोख चा।

2 तीमुथियुस 2:10

ऐह वजह कनु मैं चुणला आला बन्दा चे वास्ते सारे कोच्छ सहन करे पला, कि वे ओ उद्धार नु जको ईशु मसीह मां छै, हमेशा ची महिमा नु पाओ।

2 तीमुथियुस 2:3

ईशु मसीह चे आच्छे योद्धा ची तरह माये लारे ङोख चा।

2 तीमुथियुस 4:17

पर प्रभु माया सहायक रेहला, ते मनु सामर्थ ङिली, ताकि माये जरिये पूरा प्रचार हो, ते सारीया नेरीया जातिया सुणती गिहा ते मैं तां शेरा चे मुँहा कनु छुड़ाला गेला।

इब्रानियां 13:17

आपणे अग़ुवा ची आज्ञापालन करा, वांचे अधीन रिहा, वे तम्ची आत्मा चे पाहरेदार छी, वानु तम्चे बारे मां हिसाब ङेणा, वांचे वास्ते ईं काम खुशी चा विषय बणला रिहो। अगर हेक कष्ट भरला बोझ बणा, तां ईं तम्चे वास्ते फायदेमन्द नी हुवी।

1 पतरस 1:13

ऐवास्ते पुरी ब़ुध्दि लारे चौकस रिहा ते आपणे उपर काबु राखा। ओ अनुग्रह ची पुरी उम्मीद राखा जको ईशु मसीह चे उजागर हुवणे उपर तम्हानु ङिली जाणे आली छै।

प्रकाशितवाक्य 3:2

सुज़ाक हो ते वां चीजा नु जको बाकि रेहती गेलीया, ते जको मिटणे उपर छी वानु मजबूत कर, कांकि मैं दुधे कुई कामा नु आपणे नरीकारा चे गोढु पुरे कोनी ङेखले।