2 तीमुथियुस 4:10 - ओङ राजपूत

¹⁰ कांकि देमास ने ऐ संसारा नु प्यारा जाणती कर मनु छोड़ती ङिले, ते थिस्सलुनिके शहर सनु चाह्‍ला गेला, ते क्रेसकेंस गलातिया शहर सनु ते तीतुस दलमतिया शहर सनु चाह्‍ला गेला।

2 तीमुथियुस 4:10 Iomraidhean Croise

मत्ती 12:32

ते जको कुई मैं इन्साना चे पूता चे विरोध मां कुई बात किही, ओचा हा अपराध माफ करला जई, पर जको कुई पवित्र आत्मा चे विरोध मां कोच्छ किही, ओचा अपराध ना तां ऐ लौक मां ते ना परलोक मां माफ करला जई।

मत्ती 26:56

पर ईं सब ऐवास्ते हुले कि भविष्यवक्‍ता चे वचन पुरे हो।” बल्ति सारे चैले ईशु नु छोड़ती कर द्रोड़ती गेले।

लूका 14:33

यूं करती तम्चे महु जको कुई आपणे सारे कोच्छ छोड़ती ना ङियो, तां ओह माया चैला ना हो सग़ी।

लूका 16:13

“कुई दास ङोन मालिका ची सेवा ना कर सग़ी, कांकि ओ तां हेके लारे बैर ते ङुजे लारे प्रेम राखी, जा हेके लारे मिड़ला रिही ते ङुजे नु तोच्छ जाणी। तम्ही नरीकार ते धन ङुंहु ची सेवा ना कर सग़ा।”

लूका 17:32

लूता ची घराआली नु चैते राखजा।

प्रेरितां चे काम 13:13

पौलुस ते ओचे साथी पाफुस शहरा कनु जहाज खोलती कर पंफूलिया प्रदेस चे पिरगा शहरा मां आले, ते यूहन्‍ना वानु छोड़ती कर यरुशलेम सनु पुठा चाह्‍ला गेला।

प्रेरितां चे काम 15:38

पर पौलुस ने बरनबास नु केहले कि “आपु ओनु आपणे लारे ना गेहली चालु कांकि ओणे पंफूलिया मां आपणा साथ छोड़ती ते प्रभु चे कामा नु अधूरे छोड़ती ङिलते।”

प्रेरितां चे काम 16:6

ते वे फ्रूगिया ते गलातिया प्रदेसा महु हुती कर गेले, कांकि पवित्र आत्मा ने वानु एशिया इलाके मां वचन सुणावणे वास्ते मना करले।

प्रेरितां चे काम 17:1

बल्ति वे अम्फिपुलिस ते अपुल्‍लोनिया शहरा कनु हुते हुले थिस्सलुनिके शहरा मां पुज़ले, जिठे यहूदिया चे हेक प्राथनाघर हुते।

प्रेरितां चे काम 17:11

बिरीया शहरा चे लौक थिस्सलुनिके चे यहूदी लौका कनु घणे भले हुते, ते वाणे बङी लालसा लारे वचना नु ग्रहण करले, जको पौलुस वानु सिखाता वां बाता ची सच्‍चाई चे बारे मां हर ङिओ पवित्रशास्त्र नु बङी गहराई लारे पढ़ते रेहले।

प्रेरितां चे काम 17:13

पर जिसे बेले थिस्सलुनिके शहरा चे यहूदिया नु पता लाग़ला कि पौलुस बिरीया मां वी नरीकारा चे वचना चा प्रचार करे पला, ते ओठे वी जती कर लौका नु भड़काऊ ते हलचल मचाऊं लाग़ले।

प्रेरितां चे काम 18:23

अन्ताकिया शहर मां कोच्छ ङिहें रेहती कर, ओ उठु टुरला ते शहर-शहर यात्रा करता हुला सारे गलातिया प्रदेस ते फ्रूगिया इलाके मां सारा चैला नु पक्‍के करता फिरला।

2 कुरिन्थियां 2:13

ते माये मना मां चैन कोनी मिड़ला, कांकि मैं आपणे भऊ तीतुस नु कोनी ङेखले। ऐवास्ते मैं उठले लौका कनु विदा हुती कर मकिदुनिया प्रदेस सनु चाह्‍ला गेला।

2 कुरिन्थियां 7:6

पर नरीकार, जको दीन-ङुखिया नु तसल्‍ली ङिये, तीतुस नु इठे भेज़ती कर अम्ची हिम्मत ब़न्धवाली,

2 कुरिन्थियां 8:16

नरीकारा चा धन्यवाद हो, जेह्णे तम्चे वास्ते वाहो उमंग तीतुस चे मना मां नाखती ङिली जको अम्चे मना छै।

2 कुरिन्थियां 8:23

अगर कुई तीतुस चे बारे मां पूछे, तां ओ माया साथी छै, ते तम्चे वास्ते माया भईवाल छै, ते अगर अम्चे भावां चे बारे मां पूछे, ते वे कलीसिया चे भेज़ले हुले ते मसीह ची महिमा छी।

2 कुरिन्थियां 8:6

ऐवास्ते अम्ही तीतुस नु समझाले, कि जिंवे ओणे दान चे काम ची शुरु मां करने सहायता करली हुती, यूंही तम्चे बीच मां ओ काम पूरा करने मां सहायता करो।

गलातियां 1:2

ते माये लारे रेहणे आले सारे, भावां चे तरफु, गलाति शहरा ची कलीसिया चे लौका नु नमस्कार,

फिलिप्पियां 2:21

कांकि सब आपणे स्वार्थ चे बारे मां सोची, ना कि ईशु मसीह चे कामा चे बारे मां।

1 तीमुथियुस 6:10

कांकि पैसा चा लोभ सारीया प्रकार ची बिमारीया जा बुराई ची ज़हड़ छै। ऐ पैसे नु हांसिल करने ची कोशिस मां जाणे कितने तां विश्‍वास कनु भटकती कर आपणे आप नु नाना प्रकार चे ङुखा कनु छाणी बणाती नाखले।

1 तीमुथियुस 6:17

ऐ संसारा चे धनवाना नु हा आज्ञा ङे, कि वे अंहकारी ना हो ते चंचल धन उपर आस ना राखो, पर नरीकारा उपर आस राखो जको अम्चे सुखा चे वास्ते सारे कोच्छ ब़ोहत ज्यादा ङिये।

2 तीमुथियुस 1:15

तु जाणी कि, आसीया आले सारे मनु छोड़ती गेले, जाये मां फूगिलुस ते हिरमुगिनेस शामिल हुते।

2 तीमुथियुस 4:16

माये पेहले प्रतिवाद चे बेले किह्णी वी माया साथ कोनी ङिला, बल्कि सब ने मनु छोड़ती ङिले हुते। भले हो कि ऐचा वानु लेखा ङेणा ना पड़ो।

तीतुस 1:4

तीतुस चे नांवे, जको विश्‍वास ची भईवाली चे विचारा लारे माया सच्‍चा पूत छै। नरीकार ब़ा ते अम्चे उद्धारकर्ता मसीह ईशु ची ओर कनु तनु अनुग्रह ते शान्ति मिलती रिहो।

फिलेमोन 1:24

माये साथी कार्यकर्ता, मरकुस, अरिस्तर्खुस, देमास, ते लूका चा तम्हानु नमस्कार किही।

2 पतरस 2:15

वे सिधे मार्ग़ा कनु भटकती गेले ते बोर चे पूत बिलामा चे मार्ग़ा उपर टुरती पले ओनु हराम ची कमाई लारे प्रेम हुता।