2 तीमुथियुस 3:3 - ओङ राजपूत

³ प्रेमरहित, क्षमारहित, दोष लावणे आले, असंयमी, कठोर, भले चे बैरी।

2 तीमुथियुस 3:3 Iomraidhean Croise

मत्ती 10:21

“भऊ भावा नु, ते ब़ा पूता नु, मारणे वास्ते सोंपे, ते ब़ाले आई-ब़ा चे विरोध मां खड़े हुती कर वानु मरवाती नाखे।

मत्ती 4:1

तब पवित्र आत्मा ईशु नु बरब्याना मां गेहती गेला कि शैतान ओची परीक्षा गिहो।

लूका 10:16

“जको तम्ची सुणे, ओ माई सुणे, ते जको तम्हानु तोच्छ जाणे, ओ मनु तोच्छ जाणे, ते जको मनु तोच्छ जाणे, ओ माये भेज़णे आले नु तोच्छ जाणे।”

लूका 16:14

फरीसी जको लोभी हुते, ये सारीया बाता सुणती कर ईशु नु ठठा मां उङारु लाग़ले।

यूहन्‍ना 6:70

ईशु ने केहले, “का मैं तम्हानु ब़ारहा जणा नु कोनी चुणले? बल्ति वी तम्चे महु हेक शैतान छै।”

रोमियां 1:29

वे हर-तरहा चे अधर्म, ते दुष्टता, ते लोभ, ते बुराई, ते हत्या, ते झग़ड़े, ते छल, ते ईर्ष्या लारे भरीती गेले, ते चुग़लखौर,

रोमियां 1:31

निर्ब़ुध्दी, विश्‍वासघाती, प्रेम ते दया चा अभाव कम छै ते निर्दयी हुती गेले।

1 कुरिन्थियां 7:5

तम्ही हेके ङुजे कनु अलग़ ना रिहा, पर सेर्फ कोच्छ समय तक आपणी सेहमती लारे कि प्राथना वास्ते समय मिलो ते दोबारा हेक ङुजे लारे रिहा इसड़े ना हो कि तम्चे बेकाबु ची वजह कनु शैतान तम्हानु परखो।

1 कुरिन्थियां 7:9

पर अगर वे काबु ना रेह सग़ी तां बीहा करवाती गिहो कामातुर हुती कर ब़लते रेहणे ची बजाय बीहा करवाती गेहणा ही भले छै।

1 थिस्सलुनीकियां 4:8

ऐस वजह जको तोच्छ जाणे, ओ इन्साना नु कोनी, पर नरीकारा नु तोच्छ जाणे, जको आपणा पवित्र आत्मा तम्हानु ङिये।

1 तीमुथियुस 3:11

यूंही असतरीया नु वी इज्जतदार हुवणे चाही छै, दोष जा चुग़ली करने आली ना हो, पर होशियार ते सारीया बाता मां इमानदार हुवणी चाही छै।

तीतुस 1:8

पर मेहमानी करने आला, भलाई नु चाहणे आला, संयमी, न्यांयी, पवित्र ते आपणे शरीरा चे अंगा नु बसा मां करने आला हो।

तीतुस 2:3

यूं करती ब़ुढ़ीया असतरीया चा चाल-चलन पवित्र लौका आलीकर हो, वे दोष लावणे आलीया ते पियक्‍कड़ ना हो, पर आच्छीया बाता सिखावणे आलीया हो।

याकूब 2:6

पर तम्ही ओ कंगाला ची बेकदरी करली। का अमीर लौक तम्चे उपर जुलम ना करी? ते का वे ही तम्हानु कचेहरीया मां घींसती-घींसती ना गेहती जई?

2 पतरस 2:14

वांचीया आंखीया मां व्यभिचार बसला आला छै ते पाप करले बगैर आलीकर ना सग़ी वे चंचल मना आला नु बकाती गिही वांचे मना नु लोभ करने ची आदत हुली भिली वे श्राप ची ऊलाद्ध छी।

2 पतरस 2:19

वे वानु आजाद करने चा वायदा तां करी पर आप ही सड़ाहट चे गुलाम छी, कांकि जको बन्दे जाकनु हारती गेले, ऊं ओचे गुलाम बणती जाये।

2 पतरस 3:3

पेहले ईं जाणती गिहा, कि आखरी ङिहां मां ठठा मखोल करने आले आवे, जको आपणी बुरी इच्छा चे मुताबिक टुरे।

यहूदा 1:16

ये वे छी, जको कुड़कुड़ाते रिही, ते सदा खोट काढ़ते रिही, ते आपणी ही बुरी इच्छा चे मुताबिक टुरी, ते आपणे मुँहा लारे घमण्ड चा बाता करी, ते आपणी भलाई वास्ते नेरा ची चापलूसी करी।

यहूदा 1:18

वे तम्हानु केहते कि, “आखरी चे ङिहां मां हंसी मजाक करने आले इसड़े लौक हुवे, जको आपणी बुरी इच्छा लारे टुरे।”

प्रकाशितवाक्य 13:15

ते ओनु ओ ङरावणे ढौरा ची मूर्ति मां प्राण नाखणे चा अधिकार ङिला गेला, कि ढौरा ची मूर्ति ब़ोलु लाग़ो, ते जितनी बन्दी ओ ढौरा ची पूजा नी करे, वानु मारती नाखा।

प्रकाशितवाक्य 13:17

कि सेर्फ ओनु छोड़ती कर जाये उपर मौहर यानिकि ओ ङरावणे ढौरा चे नां, जा ते बल्ति ओचे नांवा चा अंक हो, ते नेरे कुई लेन-देन ना कर सग़ो।

प्रकाशितवाक्य 16:6

कांकि यांणे पवित्र लौका चे, ते भविष्यवक्‍ता चे लुहीं बाहले हुते, ऐवास्ते तु वानु लुहीं पिलाले। कांकि वे ऐचे लायक छी।”

प्रकाशितवाक्य 17:6

ते मैं वे असतरी नु पवित्र लौका चे लुहीं ते ईशु उपर विश्‍वास करने आला लौका चे लुहीं पीती कर मतवाली हुली फिरेली, ते मैं विनु ङेखती कर हैरान हुती गेला।