2 तीमुथियुस 2:15 - ओङ राजपूत

¹⁵ आपणे आप नु नरीकारा चे ग्रहण योग्य ते इसड़े काम करने आला ते हुवणे ची कोशिस कर, जको शर्मसार ना हो सग़ो, ते जको सच्‍चाई चे वचना नु सही तरीके चे लारे कामा मां आणता हो।

2 तीमुथियुस 2:15 Iomraidhean Croise

मत्ती 13:52

ईशु ने वानु केहले, “ऐवास्ते हर हेक शास्त्री जको स्वर्ग़ा चे राज़ ची शिक्षा पाती चुकला, ओ घरा आलीकर छै, जको आपणे भीतरु नवींया ते पुराणीया चीजा नु काढ़ी।”

मरकुस 4:33

ओ वानु इसड़े तरह चीया ब़ोहत सारीया मिसाला ङिती-ङिती वांची समझ चे अनुसार वचन सुणाता।

लूका 12:42

प्रभु ने केहले, “ओ भरोसेमन्द ते ब़ुध्दिमान भण्डारी कूण छै, जाया मालिक ओनु नौकरा चाकरा उपर सरदार बणाओ कि समय उपर वानु खाणे चा समान ङियो?

प्रेरितां चे काम 2:22

“हे इस्राएली लौक, यां वचना नु सुणा, ईशु नासरी हेक इसड़े बन्दे हुता, जाये नरीकारा ची ओर कनु हुवणे चा सबूत वा सामर्थ ची कामे ते अचम्भे ची कामे ते नेरे चैन्ह लारे प्रकट छै, जको नरीकारा ने तम्चे बीच ओचे जरिये करती ङिखाणले जानु तम्ही आप ही जाणा।

प्रेरितां चे काम 20:27

कांकि मैं नरीकारा ची सारी मनसा नु पुरी रीति लारे तम्हानु बावड़ने कनु कोनी झिझकला।

रोमियां 14:18

जको कुई ये रीति लारे मसीह ची सेवा करे, ऊं नरीकारा नु भावे ते इन्साने ओचा कद्दर करी।

रोमियां 16:10

अपिल्‍लेस नु जको मसीह मां खरा निकड़ला, नमस्कार। अरिस्तुबुलुस चे घराणे नु नमस्कार।

रोमियां 6:13

ते ना ही आपणे शरीरा चे अंगा नु अधर्म चे हथियार हुवणे वास्ते पाप नु सोंपा, पर आपणे आप नु मरला आला महु जीते हुवणे जाणती कर आपणे शरीरा चे अंगा नु धार्मिकता चे हथियार हुवणे वास्ते नरीकारा नु सोंपा।

1 कुरिन्थियां 2:6

फेर वी मैं वानु, जको मजबूत छी, ज्ञान भरला सनेसा ङिये पर हा ज्ञान ना ऐ युगा चा ते ना ऐ युगा चे हाकिमा चा, जाया नाश हुवणे तय छै।

2 कुरिन्थियां 10:18

कांकि जको आपणी बढ़ाई खौद्द करे, वा ना मनीजी, पर जाई बढ़ाई प्रभु करे, वा ही ग्रहण करली जई।

2 कुरिन्थियां 3:6

ओणे अम्हानु नवें वायदे चे सेवक हुवणे चे लायक वी बणाले। हा वायदा लिखली आली व्यवस्था चा कोनी पर पवित्र आत्मा चा छै। कांकि लिखली आली व्यवस्था मौत नु पैदा करे, पर पवित्र आत्मा जीवन ङिये।

2 कुरिन्थियां 4:2

पर अम्ही लज़्ज़ा चे गुप्त कामा नु त्याग़ती ङिले, ते ना ही चतराई लारे टुरु, ते ना ही नरीकारा चे वचना मां मिलावट करु, पर सच्‍चाई नु उजागर करु, नरीकारा चे सामणे हर हेक इन्सान चे विवेक मां आपणी भलाई ब़िसाणु।

2 कुरिन्थियां 5:9

ऐवास्ते अम्चे मना ची बङी इच्छा हा छै कि, चाहे अम्ही शरीरा मां रिहुं, चाहे अम्ही ना रिहुं पर अम्ही ओनु भाते रिहुं।

गलातियां 1:10

हमा मैं का बन्दा नु मने जा नरीकारा नु का मैं बन्दा नु खौश करना चाहवे? अगर मैं बन्दा नु खौश करने चाहवें तां ईशु मसीह चा दास ना हुवीया।

इफिसियां 1:13

ते जिसे बेले तम्ही सच्‍चाई चा वचन सुणला ओ तम्चे उद्धार चा सुसमाचार हुता, जिसे ईशु मसीह उपर तम्ही विश्‍वास करला ते वायदा करले आले पवित्र आत्मा ची छाप लाली।

1 थिस्सलुनीकियां 2:4

पर जिसड़ा नरीकारा ने अम्हानु काबिल ठहराती सुसमाचार सोंपला, अम्ही यूंही वर्णन करु, ते ऐचे मां बन्दा नु ना, पर नरीकारा नु, जको अम्चे मना नु परखे, खौश करने चे वास्ते प्रचार करु।

1 थिस्सलुनीकियां 5:14

ते ओ माये भऊ ते ब़ेहणीया, अम्ही तम्हानु समझाऊं पले कि तम्चे मां जको आलसी छी वानु समझावा, कायरा ची हिम्मत ब़न्धावा, कमजोरा नु सम्भाला, सारा बन्दा ची सहन करा।

1 तीमुथियुस 4:6

अगर तु भऊ ते ब़ेहणीया नु यां बाता ची याद ङिवाता रिहे तां, ते ईशु मसीह चा आच्छा सेवक बणे, ते विश्‍वास ते ओ आच्छे उपदेश चा बाता लारे, जको तु मनता आला, दुधा पालन पोसण हुता रिही।

इब्रानियां 4:11

ऐवास्ते अम्ही ओ विश्राम मां जाणे वास्ते पूरा जत्तन करु, कि कुई जन वांचे आलीकर आज्ञा ना मनणे उपर वंचित रेहती जाओ।

याकूब 1:12

धन्‍न छै ऊं बन्दे जको परीक्षा मां मजबूत रिहे कांकि ऊं खरे निकलती कर जीन्दगी चा ओ मुग़ट गिही जाया वायदा प्रभु ने आपणे प्रेम करने आला वास्ते करला।

याकूब 1:18

ओणे आपणी ही इच्छा लारे अम्हानु सच्‍च चे वचना चे जरिये पैदा करले कि अम्ही ओची सृष्टि करली हुली चीजा महु हेक तरह चे पेहला फल छिऊं।

2 पतरस 1:10

ऐ वजह कनु हे माये भऊ, ईशु चे हकारले आले, ते चुणले आले ते पक्‍के करले आले तां तम्ही कोशिस करते रिहा, कांकि इसड़े करने लारे तम्ही कङी वी ठोकर नी खावा।

2 पतरस 1:15

ऐवास्ते मैं ओ हर-हेक इसड़ा जत्तन करी, कि माये मरती जाणे चे बाद तम्ही यां सारीया बाता नु सदा चैते कर सग़ा।

2 पतरस 3:14

ऐवास्ते, हे माये प्यारे भऊ जबकि तम्ही यां बाता ची आस ङेखा पले तां जत्तन करा कि तम्ही शान्ति लारे ओचे सामणे बेदाग ते बेकसूर ठहरा।