2 तीमुथियुस 1:8 - ओङ राजपूत

⁸ ऐवास्ते अम्चे प्रभु ची ग़वाही चे लारे, ते माये कनु जको ओचा मैं कैदी छै, शर्मसार ना हो, पर वे नरीकारा ची ताकत चे अनुसार सुसमाचार चे वास्ते माये लारे ङोख चा।

2 तीमुथियुस 1:8 Iomraidhean Croise

मरकुस 8:38

जको कुई ये व्यभिचार ते पापी जाति चे बीच माये कनु ते माया बाता कनु लज़ावी, मैं इन्साना चा पूत वी जिसे बेले पवित्र स्वर्ग़दूता चे लारे आपणे ब़ा नरीकारा ची महिमा लारे आवी, तब ओकनु वी लज़ावी।”

लूका 9:26

जको कुई माये कनु ते माया बाता कनु लज़ावी, मैं इन्साना चा पूत वी, जिसे बेले आपणी ते आपणे ब़ा नरीकारा ची ते पवित्र स्वर्ग़दूता ची महिमा लारे आवी, तां ओकनु वी लज़ावी।

यूहन्‍ना 15:27

ते तम्ही माये ग़वाह छिवा, कांकि तम्ही शुरु कनु माये लारे रेहले।

यूहन्‍ना 19:35

जेह्णे ईं ङेखले ओणे ही ग़वाही ङिली, ते ओची ग़वाही सच्‍ची छै। ते ओ जाणे कि सच्‍च किहे पला, ते ग़वाही उपर तम्ही वी विश्‍वास करा।

प्रेरितां चे काम 5:41

वे ये बाते लारे खौश हुती कर महासभा चे सामणे चाह्‍ले गेले कि “अम्ही ईशु मसीह चे नांवा वास्ते बेकदरे हुवणे चे काबिल तां बणले।”

रोमियां 1:16

मैं सुसमाचार वास्ते शर्मिन्दा कोनी, कांकि हा सुसमाचार नरीकारा ची सामर्थ छै, जको विश्‍वास करने आला वास्ते, पेहले तां यहूदी, बल्ति नेरीया जातिया वास्ते, उद्धार चा मार्ग़ छै।

रोमियां 16:25

हमा जको तम्हानु माया सुसमाचार यानिकि ईशु मसीह चे सनेसे चे प्रचार चे अनुसार मजबूत कर सग़े, ओ भेद चे प्रकाश चे अनुसार जको सनातन कनु लुकला रेहला,

रोमियां 8:36

जिसड़े कि पवित्रशास्त्रा मां लिखले पले, “दुधे वास्ते अम्ही हर ङिओ मौत चा सामना करु, अम्हानु बाढलीया आलीया भेङा आलीकर समझले जाये।”

रोमियां 9:33

जिसड़े कि पवित्रशास्त्रा मां लिखले पले, “ङेखा, मैं सिय्योन मां ठोकर खाणे चा पत्थर, जको ठोकर खाणे ची चट्टान छै मेहले पला। ते जको ओचे उपर विश्‍वास करी, ऊं शर्मिन्दे नी हुवी।”

1 कुरिन्थियां 1:6

कि मसीह चे बारे मां अम्ही जको ग़वाही ङिली विनु नरीकारा ने तम्चे मां पक्‍की करली।

2 कुरिन्थियां 6:7

सच्‍चाई चे वचन लारे, नरीकारा ची सामर्थ लारे, धार्मिकता चे हथियारा लारे जको सज़्ज़े ते खब़्ब़े हाथा मां छी,

इफिसियां 3:1

ऐ वजह कनु मैं पौलुस नेरीया जातिया वास्ते ईशु मसीह चा प्रचार करने आला गुलाम बणला आला छै

इफिसियां 3:13

मैं बिनती करे पला जको क्लेश माये मां हुवी पले ओचे मां तम्ही हिम्मत ना हारा कांकि वांचे मां तम्ची महिमा छै।

इफिसियां 4:1

ऐवास्ते मैं पौलुस जको प्रभु ची सेवा करने ची वजह कनु कैद मां छै, तम्हा कनु बिनती करे पला कि जिसी बुलाहट कनु नरीकारा ने तम्हानु हकारले, ओचे अनुसार जीवन बितावा।

इफिसियां 4:17

ऐवास्ते मैं किहे पला ते प्रभु नु ग़वाह बणाती कर तम्हानु चिताती कर किहे पला कि जिंवे नेरीया जातिया चे लौक आपणे मना ची बेकार रीति उपर चली यूंही तम्ही ना चला।

फिलिप्पियां 1:7

माया हा विचार तम्चे वास्ते ठीक छै, कांकि तम्ही माये दिला मां बसती गेले, ते माई कैद मां ते सुसमाचार चे वास्ते उत्तर ते प्रमाण ङेणे मां तम्ही सारे माये लारे अनुग्रह मां भईवाल छिवा।

फिलिप्पियां 3:10

मैं मसीह नु जाणना चाहवे ते वे शक्‍ति चा ऐहसास करना चाहवे, जाये कनु ओचा पुनरुत्थान हुला, तां मैं ओचे ङुखा मां शामिल हुवणा चाहवे। ते ओही रुप गेहणा चाहवे जानु ओणे आपणी मौत लारे सेहती गेलता।

फिलिप्पियां 4:13

मसीह, जको मनु ताकत ङिये ओचे मां मैं सारीया दशा चा सामना कर सग़े।

कुलुस्सियां 1:11

ते ओची महिमा ची शक्‍ति चे अनुसार सारे प्रकार ची सामर्थ कनु ताकतवार हुते जावा, खुशी लारे हर-प्रकार कनु धीरज ते सहनशीलता ङिखाण सग़ा।

कुलुस्सियां 1:24

हमा मैं वां ङुखा चे वजह खुशी मनावे, जको तम्चे वास्ते चवे, मसीह ची देह रूपी कलीसिया चे क्लेश मां हमेशा भईवाल हुता रिहे।

1 थिस्सलुनीकियां 3:4

कांकि पेहले वी, जब अम्ही तम्चे इठे हुते, तां तम्ही केहते रेहते, कि अम्हानु क्लेश चवणे पड़े, ते इसड़े ही हुले, ते तम्ही जाणा वी।

1 तीमुथियुस 2:6

जेह्णे आपणे आप नु सारा बन्दा चे छुटकारे ची कीमत मां ङिती ङिले, ताकि ओची ग़वाही ठीक समय उपर ङिली जाओ।

2 तीमुथियुस 1:10

पर हमा अम्चे उद्धार करने आला ईशु मसीह चे प्रकट हुवणे चे जरिये प्रकाशित हुला, जेह्णे मौत चा नाश करला, ते जीवन ते अमरता नु ओ सुसमाचार चे जरिये प्रकाशमान करती ङिला।

2 तीमुथियुस 1:12

येही वजह मैं ऐ कैदखाने चे ङुखा नु चवे पला, पर शर्म ना करी, कांकि मैं ओनु जाये उपर मैं विश्‍वास करला, जाणे पला, ते मनु पक्‍के छै कि जको मनु सोंपला गेला ओ आखरी ङिओ तक रखवाली करी।

2 तीमुथियुस 1:16

उनेसिफुरुस चे घराणे उपर प्रभु दया करो, कांकि ओणे घणा वारी माये जीया नु ठाडे करले, ते माये संगला कनु शर्मसार कोनी हुला।

2 तीमुथियुस 2:3

ईशु मसीह चे आच्छे योद्धा ची तरह माये लारे ङोख चा।

2 तीमुथियुस 2:8

ईशु मसीह नु याद राख, जको दाऊद चे वंशा कनु पैदा हुला, ते मरला आला महु जीता हुला, ते हाओ माये सुसमाचार चे अनुसार छै।

2 तीमुथियुस 2:9

जाये वास्ते मैं कुकर्मी जिसड़ा ङोख चवे पला, इठे तक कि कैद वी छै, पर नरीकारा चा वचन कैद कोनी।

2 तीमुथियुस 4:17

पर प्रभु माया सहायक रेहला, ते मनु सामर्थ ङिली, ताकि माये जरिये पूरा प्रचार हो, ते सारीया नेरीया जातिया सुणती गिहा ते मैं तां शेरा चे मुँहा कनु छुड़ाला गेला।

2 तीमुथियुस 4:5

पर तु सारीया बाता कनु आपणे आप नु वशा मां राख, ङोख चा, ते सुसमाचार चे प्रचार चे काम कर, ते जको सेवा तनु ङिली गेली, विनु पुरे कर।

1 पतरस 1:5

तम्ची रखवाली नरीकारा ची शक्‍ति लारे, विश्‍वास चे लारे ओ उद्धार वास्ते, जको आणे आले समय मां उजागर हुवणे आली छै, करली जई।

1 यूहन्‍ना 4:14

ते अम्ही ङेखती वी गेले ते ग़वाही वी ङियु, कि ब़ा नरीकारा ने आपणे पूता नु संसारा चा उद्धारकर्ता चे रूपा मां भेज़ले।

यहूदा 1:24

हमा नरीकार जको तम्हानु ठोकर खाणे कनु बचा सग़े, ते आपणी महिमा ची भरपूरी चे सामणे मगन ते निर्दोष करती कर खड़े कर सग़े,

प्रकाशितवाक्य 1:2

जेह्णे नरीकारा चे वचन ते ईशु मसीह ची ग़वाही, यानिकि जको कोच्छ ओणे ङेखले हुते ओची ग़वाही ङिली।

प्रकाशितवाक्य 1:9

मैं यूहन्‍ना जको तम्चा भऊ, ते ईशु मसीह चे क्लेश, ते राज़ ते सब्रा मां तम्चा भईवाल छै, नरीकारा चे वचन ते ईशु ची ग़वाही ची वजह कनु पतमुस चे टापू मां मनु भेज़ले गेले हुते।

प्रकाशितवाक्य 12:11

ते वे मैमणे चे लुहींया ची वजह कनु, ते आपणी ग़वाही चे वचन ची वजह कनु, ओचे कनु जीतती गेले, ते वाणे आपणे प्राण नु प्यारे कोनी जाणले, इठे तक कि मौत नु वी सहन करती गेले।

प्रकाशितवाक्य 19:10

ते मैं ओनु ङण्डवत करने चे वास्ते ओचे पग़्ग़ा मां ढेला, ओणे मनु केहले, ङेख, “इसड़े ना कर, मैं दुधा ते दुधे भावां चे लारे चा दास छै, जको ईशु ची ग़वाही ङेणे उपर मजबूत छै, नरीकारा नु ही ङण्डवत कर, कांकि ईशु ची ग़वाही भविष्यवाणी ची आत्मा छै।”