2 थिस्सलुनीकियां 1:6 - ओङ राजपूत

⁶ कांकि नरीकारा चे गोढु हा न्यां छै, कि जको तम्हानु क्लेश ङिये, वानु बदले मां क्लेश ङियो।

2 थिस्सलुनीकियां 1:6 Iomraidhean Croise

कुलुस्सियां 3:25

कांकि जको बुरे करी, ओनु आपणी बुराई ची सजा मिली, उठे काया वी पक्षपात कोनी।

इब्रानियां 6:10

नरीकार अन्यायी कोनी, कांकि तम्चे काम ते ओ प्रेम नु भूलती ना जई, जको तम्ही ओचे नांवा वास्ते ओचे लौका ची सेवा करली ते करा वी पले।

प्रकाशितवाक्य 11:18

ते नेरीया जातिया ने गुस्सा करला, ते दुधा प्रकोप आती पड़ला, ते ओ समय आती पुज़ला, कि मरला आला चा न्यां करला जाओ, ते दुधे दास भविष्यवक्‍ता ते पवित्र लौका नु ते वां छोटे बङा नु जको दुधे नांवा लारे ङरी, बदला ङिला जाओ। ते धरती चे बिगाड़ने आले नाश करले जाओ।”

प्रकाशितवाक्य 15:4

हे प्रभु दुधे कनु कूण नी ङरी? ते दुधे नांवा ची महिमा कूण नी करी? कांकि सेर्फ तु ही पवित्र छी, ते सारीया जातिया आती कर दुधे सामणे ङण्डवत करे, कांकि दुधे न्यां चे काम उजागर हुती गेले।”

प्रकाशितवाक्य 18:20

हे स्वर्ग़, ते हे पवित्र बन्दी, ते प्रेरित, ते भविष्यवक्‍ता, ओचे उपर आनन्द करा, कांकि नरीकारा ने न्यां करती कर तम्चा पलटा गेला।”

प्रकाशितवाक्य 18:24

ते नरीकारा चे भविष्यवक्‍ता चा ते ओचे पवित्र लौका चा, ते धरती उपर सारे घात करला आला चे लुहीं बाहले गेले, यांचा जिम्मेवार हाओ शहर ही छै।”

प्रकाशितवाक्य 19:2

कांकि ओचे फैंसले सच्‍चे ते ठीक छी, ऐवास्ते कि ओणे वे बङी वेश्या नु जको आपणे व्यभिचार लारे धरती नु गन्दे करती, फैंसला करला, ते विचे कनु आपणे दासा चे लुहींया चा बदला गेहला।”

प्रकाशितवाक्य 6:10

वाणे बङी अवाजी लारे साङ मारती कर केहले, हे मालिक, “हे पवित्र, ते सच्‍चा प्रभु, तु कब तक न्यां नी करे ते धरती चे रेहणे आला कनु अम्चे लुहींया चा बदला कब तक नी गिहे?”