2 पतरस 2:9 - ओङ राजपूत

⁹ यूं करती प्रभु भग़ता नु परीक्षा महु काढ़ती गेहणे ते अधर्मीया नु न्यां चे ङिओ तक ङण्ड ची हालती मां राखणे जाणे।

2 पतरस 2:9 Iomraidhean Croise

मत्ती 10:15

मैं तम्हानु सच्‍च किहे पला कि न्यां चे ङिओ, ओ शहरा ची दशा कनु सदोम ते अमोरा चे देशा ची दशा घणी सेहणे चे लायक हुवी।

मत्ती 6:13

ते अम्हानु परीक्षा मां ना आण, पर बुराई कनु बचा, कांकि राज़ ते पराक्रम ते महिमा सदा दुधे ही छी।’ आमीन।

रोमियां 2:5

पर आपणी कठोरता ते हठीले मन चे अनुसार, ओचे क्रोध चे ङिओ वास्ते, जाये मां नरीकारा चा सच्‍चा न्यां प्रकट हुवी, आपणे वास्ते क्रोध कमावी पला।

1 कुरिन्थियां 10:13

तम्ही कुई इसड़ी परीक्षा मां कोनी पड़ले, जको इन्साना चे सेहणे कनु ब़ाहर छै। ते नरीकार भरोसेमन्द छै ओ तम्हानु कुई इसड़ी परीक्षा मां नी पड़ु ङी, जको तम्चे सेहणे कनु पार हो। पर ओ परीक्षा चे लारे उपा वी करी कि तम्ही मजबूत रेह सग़ा।

2 तीमुथियुस 3:12

पर जितने ईशु मसीह ची सेवा मां जको नेकी ते भग़ती चे लारे जीवन बिताणे चाहवी वे सारे सताले जाये।

तीतुस 2:14

जेह्णे आपणे आप नु अम्चे वास्ते ङिती ङिले, कि अम्हानु हर-तरहा चे अधर्म कनु छुड़ाती गिहो, शोद्ध करती आपणे वास्ते हेक इसड़ी जाति बणाती गिहो जको भले-भले कामा मां तियार हो।

2 पतरस 2:4

कांकि नरीकारा ने वां स्वर्ग़दूता नु जेह्णे पाप करला नी छोड़ले, पर वानु पताल मां भेज़ती कर अन्धे कुण्डा मां नाखती ङिले कि न्यां चे ङिओ तक वे बन्द रिहो।

2 पतरस 3:7

पर ऐ समय चा आसमान ते धरती ओह वचना चे जरिये ऐवास्ते राखले गेले कि ब़ाड़ले जाओ ते अधर्मी बन्दा चा न्यां ते नाश हुवणे चे ङिओ तक यूंही मेहले रिहे।

यहूदा 1:6

मैं तम्हानु ईं वी याद ङिवाणा चाहवे कि जिसा स्वर्ग़दूता ने आपणे पद्द नु मजबूत कोनी राखले बल्कि आपणी खौद्द ची रेहणे ची जग़हा नु छोड़ती ङिले, ते नरीकारा ने वानु वी ओ महान न्यां चे ङिओ चे वास्ते अन्धकार मां, जको सदा वास्ते छै, संगला मां ब़ांहती नाखले।

प्रकाशितवाक्य 3:10

तु माये सब्रा चे वचना नु थामले, ऐवास्ते मैं वी तनु परीक्षा ची वे घड़ी कनु बचाती राखी जको धरती उपर रेहणे आला चे परखणे वास्ते सारे संसारा उपर आणे आली छै।