2 पतरस 2:2 - ओङ राजपूत

² ब़ोहत सारे वांचे आलीकर लोचपण करे जाई वजह कनु सच्‍चाई चे मार्ग़ ची निन्दा करली जई।

2 पतरस 2:2 Iomraidhean Croise

मत्ती 22:16

तां वाणे आपणे चैला नु हेरोदियां चे लारे, ओचे गोढु ईं केहणे वास्ते भेज़ले, “हे गुरु, अम्ही जाणु कि तु सच्‍चा छी, ते नरीकारा चा मार्ग़ सच्‍चाई लारे सिखावी, ते काई परवाह ना करी, कांकि तु इन्साना चे मुँह ङेखती कर बाता ना करी।

मत्ती 24:24

कांकि कूड़े मसीह ते कूड़े भविष्यवक्‍ता उठती खड़े हुवे, ते बङे चैन्ह, ते अदभोत काम ङिखाणे कि अगर हो सग़े तां चुणले आला नु वी भरमाती ङियो।

मत्ती 7:14

कांकि सकड़े छै ऊं दरवाजे ते मुश्किल छै ओ मार्ग़ जको जीन्दगी सनु गेहती जाये, ते थोड़े छी जको ओनु सोती गिही।

मरकुस 12:14

वाणे आतीकर ओनु केहले, “हे गुरु, अम्ही जाणु कि तु सच्‍चा छी, ते काई परवाह ना करी, कांकि तु इन्साना चे मुँह ङेखती कर बाता ना करी, पर नरीकारा चा मार्ग़ सच्‍चाई लारे बावड़ी। तां का कैसर नु कर् ङेणा वाजिब छै, जा कोनी?

मरकुस 13:22

कांकि कूड़े मसीह ते कूड़े भविष्यवक्‍ता उठती खड़े हुवे, ते चैन्ह ते अदभोत काम ङिखाणे कि अगर हो सग़े तां चुणले आला नु वी भरमाती ङियो।

यूहन्‍ना 14:6

ईशु ने वानु केहले, “मार्ग़, सच्‍चाई ते जीन्दगी मैं ही छै। बिना माये जरिये कुई नरीकार ब़ा गोढु पोज़ ना सग़ी।

प्रेरितां चे काम 13:10

“हे सारे कप्पट ते सब चतराई लारे भरले आले शैताना, ची ऊलाद्ध, समुचे धर्मा चे दुश्मन। का तु प्रभु चे सिधे मार्ग़ा नु टेढे-मेढे करने नी छोड़े?

प्रेरितां चे काम 14:2

पर जिसा यहूदी बन्दा ने विश्‍वास कोनी करला हुता, वाणे नेरीया जातिया आला बन्दा नु भड़काती नाखले ते वांचे मना मां विश्‍वासी भावां चे विरोध जहर भरती ङिला।

प्रेरितां चे काम 16:17

वा दासी पौलुस चे ते अम्चे भांसु-भांसु यूं करती कर रौल मचाऊं लाग़ली कि, “ये इन्साने परमप्रधान नरीकारा चे दास छी, ये तम्हानु उद्धार चे मार्ग़ चा सुसमाचार सुणावी पले।”

प्रेरितां चे काम 18:26

अपुल्‍लोस प्राथनाघरा मां बेखौफ हुती कर ब़ोलु लाग़ला, जिसे बेले प्रिस्किल्‍ला ते अक्विला ने ओचे वचना नु सुणले ते ओनु आपणे ओठे गेहती गेला, ते ओठे वाणे अपुल्‍लोस नु नरीकारा ची शिक्षा नु साफ-साफ रीति लारे बावड़ले।

प्रेरितां चे काम 19:9

पर जिसे बेले कोच्छ बन्दा ने आपणे मना नु कठोर करती गेले ओची कोनी मनली यां बाता नु बुरे-भले किहुं लाग़ले, ऐवास्ते पौलुस आपणे चैला नु लारे गेहती उठु चाह्‍ला गेला, ओ तुरन्‍नुस चे स्कूला मां गेला, जिठे ओ हर ङिओ भीड़ लारे नरीकारा चे वचना लारे बहस-बाजी करता।

प्रेरितां चे काम 22:4

मैं मर्द ते असतरीया ङुंहु नु ब़ांथी ब़ांथी कर ते कैदखाने मां नाखती नाखती कर, ऐ पंथ नु इठे तक सताले कि वानु मरवाती वी नाखले।

प्रेरितां चे काम 24:14

“पर हा मैं दुधे सामणे मनती गिहे कि, मैं आपणे पुरखा चे नरीकारा ची अराधना आपणे ईशु चे पंथ चे अनुसार करे, जानु ये गलत किही। मैं हर हेक वे बाते मां विश्‍वास राखे जको व्यवस्था बावड़े ते जको भविष्यवक्‍ता चा किताबा मां लिखले पले।

रोमियां 2:24

कांकि जिसड़े कि पवित्रशास्त्रा मां लिखले वी पले, “तम्ची वजह कनु नेरीया जातिया मां नरीकारा चे नांवा ची निन्दा करली जाये।”

1 तीमुथियुस 5:14

ऐवास्ते मैं हा चाहवे, कि जवान बांढीया बीहा करो, ते ब़ाले जमाओ ते घर ब़ार सम्भालो, ते कुई विरोधीया नु बदनाम करने चा मौका ना ङियो।

तीतुस 2:5

ते संयमी, पत्तिव्रता, घरा ची कारोबार करने आली, भली ते आपणे आपणे मुणसा चे अधीन रेहणे आली हो, ताकि नरीकारा चे वचना ची निन्दा ना हो सग़ो।

तीतुस 2:8

ते इसड़ी खराई मिलो, कि कुई विनु बुरे ना केह सग़ो, जाये कनु विरोधी अम्चे उपर कुई दोष लावणे चा मौका ना सोती कर शर्मिन्दा हो।

1 पतरस 2:12

नेरीया जातिया मां तम्चा चाल-चलन भला हो, ऐवास्ते कि जिसीया जिसीया बाता मां वे तम्हानु बदनाम करी, वे तम्चे भले कामा नु ङेखती कर, प्रभु चे आणे चे ङिओ वे नरीकारा ची महिमा करो।

2 पतरस 2:12

पर ईं लौक बेवकूफ ढौरा आलीकर छी जको ब़झणे वास्ते ते रुसणे वास्ते पैदा हुले ते जिसीया बाता नु जाणी ही ना, वांचे बारे मां ङुजा नु बुरे-भले किही, वे आपणी सड़ाहट मां आप ही सड़ती जाये।

2 पतरस 2:15

वे सिधे मार्ग़ा कनु भटकती गेले ते बोर चे पूत बिलामा चे मार्ग़ा उपर टुरती पले ओनु हराम ची कमाई लारे प्रेम हुता।

2 पतरस 2:18

वे बेकार घमण्ड चा बाता करती करती लोचपण चे कामा लारे, वां लौका नु शरीरिक इच्छा लारे फसाती गिही, जको भटकले आला महु हमा निकली ही पले।

2 पतरस 2:21

कांकि धर्म चे मार्ग़ ना जाणने ही वांचे वास्ते ऐचे कनु भले हुवीया कि ओनु जाणती कर वे पवित्र आज्ञा कनु फिरती जईया जको वानु ङिली गेलती, ओनु जाणती कर मुँह फेरती गिही।

2 पतरस 2:7

पर ओणे धर्मी लूत नु जको अधर्मीया चे अशुद्ध चाल-चलन कनु ब़ोहत ङुखी हुता छुटकारा ङिला।

यहूदा 1:10

पर ईं लौक जिसीया बाता नु ना जाणी, वानु बुरे-भले किही। पर जिसीया बाता नु बेसमझ ढौरा आलीकर सुभाव कनु ही जाणी वांचे मां आपणे आप नु नाश करी।

यहूदा 1:15

कि सारा लौका चा न्यां करो, ते दुष्टा नु वांचे सारे बुरे कामा वास्ते, जको वाणे बुराई लारे करले, ते दुष्ट पापीया नु, जेह्णे नरीकारा चे विरोध मां कड़वे वचन इस्तेमाल करले, दोषी ठहरावी।”

यहूदा 1:4

कांकि कितनी इसड़ी इन्साने चोप-चाप तम्चे मां घिरती आली, जाये ऐ ङण्ड चे बारे मां शास्त्रा ने पेहले कनु ही भविष्यवाणी करती ङिलती। ये भग़तीहीन छी, ते अम्चे नरीकारा चे अनुग्रह नु लोचपण करने वास्ते पट्टा समझती गेला, ते अम्चे सेर्फ स्वामी प्रभु ईशु मसीह चा इन्कार करी।

यहूदा 1:7

जिंवे करती सदोम ते अमोरा ते वांचे आस-पास चे शहर, जको वांचे आलीकर व्यभिचारी हुती गेलते ते बुराई चे मार्ग़ उपर टुरती पले। वानु कङी ना ब़िझणे आले जाखते मां नाखती ङेणे चा ङण्ड ङिला गेला, वे अम्चे वास्ते मिसाल चे रुप मां ठहराले गेले।

प्रकाशितवाक्य 12:9

ते ओ बङा अजगर यानिकि ओही पुराणा नाग़, जको इबलीस शैतान किहवावे, ते सारे संसारा नु भरमावे, धरती उपर ढाती ङिला गेला, ते ओचे दूत ओचे लारे तले भुकाती ङिले गेले।

प्रकाशितवाक्य 13:14

ओ धरती चे बन्दा नु भरमाता गेला कांकि ओचे कनु पेहले ङरावणे ढौरा ची मौजुदगी मां चमत्कार ङिखाणने ची शक्‍ति हुती। ङुजे ङरावणे ढौरा ने धरती उपर रेहणे आला बन्दा कनु ओ पेहले ढौरा नु आदर ङेणे वास्ते जाये उपर तलवार लाग़ली हुती ओ जीता हुती गेलता, ओची मूर्ति बणावणे चे वास्ते केहले।

प्रकाशितवाक्य 13:8

धरती चे सब रेहणे आले, जाई नांवे ओ मैमणे ची जीवन ची किताबे मां लिखली कोनी गेली, जको संसारा ची शुरुआत चे समय कनु ही बलिदान हुला, ओ ढौरा ची पूजा करे।