2 पतरस 2:19 - ओङ राजपूत

¹⁹ वे वानु आजाद करने चा वायदा तां करी पर आप ही सड़ाहट चे गुलाम छी, कांकि जको बन्दे जाकनु हारती गेले, ऊं ओचे गुलाम बणती जाये।

2 पतरस 2:19 Iomraidhean Croise

यूहन्‍ना 8:34

ईशु ने वानु उत्तर ङिला, “मैं तम्हानु सच्‍च-सच्‍च किहे पला, हर बन्दे जको पाप करे ऊं पाप चे गुलाम छै।

प्रेरितां चे काम 19:16

ते ओ बन्दे ने जाये मां दुष्टात्मा हुती, वांचे उपर झपटा मारती कर वानु सारा नु आपणे वशा मां करती कर वांची इसड़ी कुटाई करली कि वे ओ घरा कनु उघाड़े ते जखमी हुती कर द्रोड़ले।

गलातियां 5:1

मसीह ने आजादी वास्ते अम्हानु आजाद करले, तां ऐचे मां आपणे विश्‍वास नु पक्‍के राखा ते बल्ति नियम विधान चे जूले चे रुप मां गुलामी चा वजन ना चवा।

गलातियां 5:13

हे माये भऊ, तम्ही आजाद हुवणे वास्ते हकारले गेले छिवा, पर इसड़े ना कि ये आजादी नु शरीरा चे कामा चे वास्ते मौका बणावा, बल्कि प्रेमा लारे हेके ङुजे चे दास बणा।

2 तीमुथियुस 2:26

ते ऐचे जरिये ओची इच्छा पुरी करने चे वास्ते सचेत हुती कर शैताना चे फन्दे कनु छुटती जाओ।

तीतुस 3:3

कांकि अम्ही वी पेहले, बेअक्‍कल, ते आज्ञा ना मनणे आले, ते वहमा मां ढेले आले, ते हर हेक रंगा ची इच्छा ते सोख भोग़णे चे गुलाम हुते, ते बैरबन्दी, ते खार खाणे मां जीन्दगी गुजारते, ते किज़ड़े हुते, ते हेके ङुजे लारे बैर राखते।

1 पतरस 2:16

आपणे आप नु तम्ही आजाद जाणा, पर आपणी ये आजादी नु बुराई चे वास्ते ओट ना बणावा, पर आपणे आप नु नरीकारा चे दास समझती कर चला।

2 पतरस 1:4

जाये जरिये ओणे अम्हानु बेशकीमती ते ब़ोहत ही बङे वायदे ङिले कि यांचे जरिये तम्ही वे सड़ाहट कनु छुटती कर जको संसारा मां बुरी अभिलाषा कनु हुवे ईश्‍वरीय सुभाव चे भईवाल हुती जावा।

2 पतरस 2:20

जब वे प्रभु ते उद्धारकर्ता ईशु मसीह ची पिछाण चे जरिये संसारा ची कई तरह ची अशोद्धता कनु बचती निकलो, ते बल्ति वांचे मां फसती कर हारती गेले, तां वांची दशा पेहली कनु वी बुरी हुती गेली छै।