7 ते भग़ती उपर भाईचारा, ते भाईचारे चे प्रेम मां बधते जावा।
भाईचारे चे प्रेम लारे हेके-ङुजे उपर दया करो, आपस मां हेके-ङुजे नु आदर चे लारे आपणे आप कनु ज्यादा समान ङिया।
ऐवास्ते जिठे तक मौका मिले अम्ही सारा लारे भलाई करु इठे तक कि खास करती आपणे विश्वास करने आला भावां लारे।
यां सारा चे उपर जको प्रेम नु धारण करती गिहा जको प्रेम सारा नु एकता मां ब़ांधे।
ते प्रभु इसड़े करो, कि जिसड़ा अम्ही तम्चे लारे प्रेम राखु, उसड़ा ही तम्चा प्रेम वी आपस मां, ते सारे बन्दा लारे बधो, ते बढ़ोतरी करते जावा।
चौकस! कुई काये लारे बुराई चे बदले बुराई ना करो, पर सदा भलाई करने चे वास्ते तियार रिहा, ते अापस मां ते सारा लारे वी भलाई ही ची कोशिस करा।
विश्वासी भावां आलीकर हेके ङुजे लारे प्रेम राखा।
हमा ङेखा, जिसे बेले तम्ही सच्चाई चा पालन करते हुले, सच्चे भाईचारे चे प्रीति नु उजागर करने चे वास्ते आपणी आत्मा नु पवित्र करते गेले ते पवित्र मना लारे हेके ङुजे लारे प्रेम राखा।
सारा चा कद्दर करा, विश्वासी भावां चे लारे प्रेम राखा, नरीकारा चा आदरभाव करते रिहा, राजे चा कद्दर करा।
ऐचा मतलब हा छै कि तम्ही सारे चे सारे हेक मन हुती कर, दयालु, ते भाईचारे ची प्रीति राखणे आले, ते दयावन्त ते नर्म बणा।
अम्ही जाणु कि अम्ही मौत कनु पार हुती कर जीवन मां पुज़ले। कांकि अम्ही भावां ते ब़ेहणीया लारे प्रेम राखु। जको प्रेम ना राखी ओ मौत ची दशा मां रिहे।
अम्ही प्रेम ऐचे कनु जाणला, कि ईशु मसीह ने अम्चे वास्ते आपणे प्राण ङिती ङिले, ते अम्हानु वी आपणे भावां ते ब़ेहणीया चे वास्ते प्राण ङेणे चाही छै।
ते अम्हानु ईशु कनु हा आज्ञा मिड़ली, कि जको कुई आपणे नरीकारा लारे प्रेम राखे, ऊं आपणे भावां ते ब़ेहणीया लारे वी प्रेम राखे।
