2 पतरस 1:6 - ओङ राजपूत

⁶ ते समझ उपर संयम ते संयम उपर धीरज ते धीरज उपर भग़ती।

2 पतरस 1:6 Iomraidhean Croise

लूका 21:19

आपणे सब्रा लारे तम्ही आपणी जीन्दगी नु बचाली राखा।

लूका 8:15

पर आच्छी भोंये चे वे छी, जको वचन सुणती कर भले ते उत्तम मना मां सम्भालती राखे, ते धीरज लारे फल आणी।

प्रेरितां चे काम 24:25

जिसे बेले पौलुस धार्मिकता, ते संयम ते आणे आले न्यां चे बारे ची चर्चा करे पलता, तां फेलिक्स ने ङरती कर पौलुस नु उत्तर ङिला, “हमा तां जा, मौका ङेखती कर, मैं तनु बल्ति हकरवावी।”

रोमियां 15:4

जितनीया बाता पेहले कनु लिखलीया गेलीया वे अम्ची ही शिक्षा चे वास्ते लिखलीया गेलीया, ताकि अम्ही सब्र ते पवित्रशास्त्रा ची हिम्मत चे जरिये आस राखु।

रोमियां 2:7

जको लगातार आच्छे काम करते हुले, महिमा ते आदर ते अनन्त जीवन ची खोज मां रिही, वानु नरीकार अनन्त जीवन ङिही।

रोमियां 8:25

पर जिसी चीजे नु अम्ही ना ङेखु, अगर विची आस राखु, तां तसल्‍ली लारे विचा इंतजार वी करु।

1 कुरिन्थियां 9:25

ते हर हेक पहलवान सख्ताई लारे आपणे आप काबु करने चा पालन करे। ओ तां नाशवान मुग़ट हांसिल करने चे मकसद लारे ईं सब करे, पर अम्ही तां ईं सब अविनाशी मुग़ट हांसिल करने वास्ते करु।

2 कुरिन्थियां 6:4

पर हर बाते मां नरीकारा चे सेवका आलीकर आपणे आप नु आच्छे सेद्ध करते रिहुं, बङी हिम्मती लारे, क्लेशा लारे, कठिनाई लारे, संकटा लारे,

गलातियां 5:23

नरमाई ते संयम छी, इसड़े-इसड़े कामा चे विरोध मां कुई वी व्यवस्था कोनी।

कुलुस्सियां 1:11

ते ओची महिमा ची शक्‍ति चे अनुसार सारे प्रकार ची सामर्थ कनु ताकतवार हुते जावा, खुशी लारे हर-प्रकार कनु धीरज ते सहनशीलता ङिखाण सग़ा।

1 थिस्सलुनीकियां 1:3

ते आपणे नरीकार ते ब़ा चे सामणे तम्चे विश्‍वास चे काम, ते प्रेम ची मेहनत, ते अम्चे प्रभु ईशु मसीह मां आशा ची धीरता नु लगातार प्राथना मां याद करु।

2 थिस्सलुनीकियां 1:4

इठे तक अम्ही आप नरीकारा ची कलीसिया मां ते तम्चे बारे मां घमण्ड करु, कि जितने ङोख ते क्लेश तम्ही सहन करा, वां सारा मां तम्चा सब्र ते विश्‍वास प्रकट हुवे।

2 थिस्सलुनीकियां 3:5

नरीकारा चा प्रेम ते मसीह चे सब्र ची ओर प्रभु तम्चे मना ची अगुवाई करो।

1 तीमुथियुस 2:10

पर भले कामा चे लारे, कांकि नरीकारा ची भग़ती ग्रहण करने आलीया असतरीया नु ईं वाजिब वी छै।

1 तीमुथियुस 2:2

राजा ते हाकिमा चे वास्ते प्राथना करा, ताकि अम्ही चैन ते शान्ति समेत पुरी भग़ती ते गहराई चे लारे जी सग़ु।

1 तीमुथियुस 3:16

ते ऐचे मां कुई शक्‍क कोनी, कि भग़ती चा भेद गम्भीर छै, यानिकि मसीह जको शरीरा मां प्रकट हुला, पवित्र आत्मा मां धर्मी सेद्ध ठहरला, स्वर्ग़दूता नु ङिसला, नेरीया जातिया मां ओचा प्रचार हुला, संसारा मां ओचे उपर विश्‍वास करला गेला, ते महिमा मां उपर चवीला गेला।

1 तीमुथियुस 6:11

पर ओ नरीकारा चे जन, तु यां बाता कनु द्रोड़, ते धर्म, भग़ती, विश्‍वास, प्रेम, सब्र, ते नरमाई चा पीछा कर।

1 तीमुथियुस 6:3

अगर कुई नेरे ही तरीके चा उपदेश ङेणा, ते खरिया बाता नु, यानिकि अम्चे प्रभु ईशु मसीह चा बाता नु ते ओ उपदेशा नु ना मनी, जको भग़ती चे अनुसार छी।

1 तीमुथियुस 6:6

पर सब्रा लारे भग़ती करने आला ही सच्‍चा धनवान छै।

2 तीमुथियुस 3:5

वे भग़ती चा भेष घाले, पर नरीकारा ची शक्‍ति नु नी मने, इसड़ा बन्दा कनु दूर रेहजा।

तीतुस 1:1

हा चिठ्ठी पौलुस चे तरफु जको नरीकारा चा दास ते मसीह ईशु चा प्रेरित छै, नरीकारा चे चुणले आले लौक चा विश्‍वास ते वे सच्‍चाई ची पिछाण चे अनुसार जको भग़ती चे अनुसार छै,

तीतुस 1:8

पर मेहमानी करने आला, भलाई नु चाहणे आला, संयमी, न्यांयी, पवित्र ते आपणे शरीरा चे अंगा नु बसा मां करने आला हो।

तीतुस 2:2

यानि ब़ुढ़े मर्दा नु समझाती ङे, सचेत ते गम्भीर ते संयमी हो, ते वांचा विश्‍वास ते प्रेम ते सब्र पक्‍का हो।

इब्रानियां 10:36

कांकि तम्हानु सब्र करना जरुरी छै, कि नरीकारा ची इच्छा नु पुरी करती कर तम्ही वायदे चा फल गिहा।

इब्रानियां 12:1

ये वजह कनु जबकि ग़वाहा ची इसड़ी बङी भीड़ अम्हानु घेरले आले छै, तां आवा, हर हेक रोकणे आली चीज ते उलझाणे आले पापा नु दूर करती कर, वा द्रोड़ जिसे मां अम्हानु द्रोड़ने छै, धीरज लारे उग़ते बधते जऊं,

इब्रानियां 6:12

तम्ही आलसी ना बणा, बल्कि वांचे कदमा उपर चला जको विश्‍वास ते सब्रा लारे वायदे चे वारिस छी।

इब्रानियां 6:15

ऐवास्ते अब्राहम सब्र करती कर इन्तजार करता रेहला ते ओनु ऊं मिड़ले, जाया वायदा करला गेलता।

2 पतरस 1:3

आपणे जीवन चे वास्ते ते नरीकारा ची सेवा चे वास्ते जको कोच्छ अम्हानु चाही छै, आपणी ईश्‍वरीय सामर्थ चे जरिये ओणे अम्हानु सब कोच्छ ङिले। कांकि अम्ही ओनु जाणु, जेह्णे आपणी धार्मिकता ते महिमा ची वजह अम्हानु हकारले।

2 पतरस 3:11

जबकि ये सारीया चीजा, यूं करती पिघलणे आलीया छी तां तम्हानु पवित्र चाल-चलन ते भग़ती मां आच्छे हुवणे चाही छै।

प्रकाशितवाक्य 1:9

मैं यूहन्‍ना जको तम्चा भऊ, ते ईशु मसीह चे क्लेश, ते राज़ ते सब्रा मां तम्चा भईवाल छै, नरीकारा चे वचन ते ईशु ची ग़वाही ची वजह कनु पतमुस चे टापू मां मनु भेज़ले गेले हुते।

प्रकाशितवाक्य 13:10

जानु कैदखाने मां जाणे, ऊं कैदखाने मां जई, जको तलवारी लारे मारी, जरुरी छै कि ऊं वी तलवारी लारे मारले जई। पवित्र लौका चा सब्र ते विश्‍वास ऐचे मां छै।

प्रकाशितवाक्य 14:12

पवित्र लौका चा सब्र ऐचे मां छै, जको नरीकारा ची आज्ञा नु मने, ते ईशु उपर विश्‍वास राखी।

प्रकाशितवाक्य 2:2

मैं दुधे काम, ते दुधी मेहनत, ते दुधे सब्रा नु जाणे। ते ईं वी कि तु बुरे लौका नु ङेख ना सग़ी, ते जको आपणे आप नु प्रेरित किही, ते छी कोनी, वानु तु परखती कर कूड़े ङेखले।