2 पतरस 1:3 - ओङ राजपूत

³ आपणे जीवन चे वास्ते ते नरीकारा ची सेवा चे वास्ते जको कोच्छ अम्हानु चाही छै, आपणी ईश्‍वरीय सामर्थ चे जरिये ओणे अम्हानु सब कोच्छ ङिले। कांकि अम्ही ओनु जाणु, जेह्णे आपणी धार्मिकता ते महिमा ची वजह अम्हानु हकारले।

2 पतरस 1:3 Iomraidhean Croise

मत्ती 28:18

ईशु ने वांचे गोढु आती कर केहले, “स्वर्ग़ ते धरती चा सारा अधिकार मनु ङिला गेला।

रोमियां 8:32

नरीकार, जेह्णे आपणे पूता नु वी कोनी राखले, बल्कि ओनु अम्चे सब चे पापा वास्ते मरणे वास्ते ङिती ङिले, तां ओ ओचे लारे अम्हानु होर सब कोच्छ कां नी ङिही?

रोमियां 9:24

यानिकि अम्चे उपर जानु ओणे ना सेर्फ यहूदिया महु बल्कि नेरीया जातिया महु वी हकारले।

1 कुरिन्थियां 1:9

नरीकार विश्‍वास भरला छै, जेह्णे तम्हानु आपणे पूत अम्चे प्रभु ईशु मसीह ची संगति मां हकारले।

2 कुरिन्थियां 12:9

ते ओणे मनु केहले कि, “माया अनुग्रह दुधे वास्ते घणा छै, कांकि माई ताकत कमजोरी मां पक्‍की हुवे।” ऐवास्ते मैं बङी खुशी लारे आपणीया कमजोरीया उपर घमण्ड करी, कि मसीह ची सामर्थ माये उपर छां करती रिहो।

इफिसियां 4:1

ऐवास्ते मैं पौलुस जको प्रभु ची सेवा करने ची वजह कनु कैद मां छै, तम्हा कनु बिनती करे पला कि जिसी बुलाहट कनु नरीकारा ने तम्हानु हकारले, ओचे अनुसार जीवन बितावा।

इफिसियां 4:4

हेक ही शरीर छै, हेक ही आत्मा छै ते हेक ही आस छै जिसे वास्ते तम्हानु हकारले,

फिलिप्पियां 3:8

ऐकनु वी बङी बात हा छै कि मैं आपणे प्रभु ईशु मसीह चे ज्ञान ची श्रेष्टता ची वजह कनु आज़ तक सब चीजा नु फायदा चीया ना समझी। ओचे वास्ते मैं सब कोच्छ त्याग़ती ङिले ते मैं सब चीजा कनु नफरत करु लाग़ला। ताकि मसीह नु गे सग़े।

फिलिप्पियां 4:8

हे भऊ ते ब़ेहणीया, जको-जको बाता सच्‍च छी, ते जको-जको बाता आदरमान चा छी, ते जको-जको बाता वाजिब छी। ते जको-जको पवित्र छी,ते जको-जको बाता सुहावनीया छी, ते जको-जको बाता मन भावनीया छी। यानि जको सदगुण ते प्रशंसा चीया बाता छी, वांचे उपर ध्यान लाले करा।

कुलुस्सियां 1:16

कांकि ओचे मां सारीया चीजा नु बणाले गेले, स्वर्ग़ ची हो जा धरती ची, ङेखली हो जा अणङेखली, का सिंहासन, का प्रभुतांए, का प्रधानताए, का अधिकार, सारीया चीजा ओणे रचलीया, ते ओचे वास्ते बणालीया गेलीया।

1 थिस्सलुनीकियां 2:12

कि तम्चा चाल-चलन नरीकारा चे काबिल हो, जको तम्हानु आपणे राज़ ते महिमा मां हकारे।

1 थिस्सलुनीकियां 4:7

कांकि नरीकारा ने अम्हानु अशुद्ध हुवणे वास्ते कोनी, पर पवित्र हुवणे वास्ते हकारले।

2 थिस्सलुनीकियां 2:14

जाये वास्ते ओणे तम्हानु अम्चे सुसमाचार चे जरिये हकारले, कि तम्ही अम्चे प्रभु ईशु मसीह ची महिमा नु प्राप्त करा।

1 तीमुथियुस 4:8

कांकि कसरत लारे शरीरा नु थोड़ा फायदा तां हुवे वे, पर नरीकारा ची भग़ती सारीया बाता चे वास्ते लाभदायक छै, कांकि ऐ समय ची ते आणे आले जीवन ची आशीषा ची प्रतिज्ञा ऐचे वास्ते छै।

2 तीमुथियुस 1:9

जेह्णे अम्चा उद्धार करला, ते पवित्र बुलाहट लारे हकारले, ते हा अम्चे कामा चे अनुसार कोनी, पर आपणी मनसा ते ओ अनुग्रह चे अनुसार छै, जको ईशु मसीह मां शुरुआत कनु अम्चे उपर हुला।

इब्रानियां 1:3

ओ नरीकारा ची महिमा चे सोज़ले, ते ओचे सुभाव ची छाप छै, ते सारीया चीजा नु आपणी सामर्थ चे वचना लारे, सम्भाले। ओ अम्चे पापा नु धोती कर, स्वर्ग़ा मां सर्वशक्‍तिमान नरीकारा चे सज़्ज़े पासु जती ब़ेहला।

1 पतरस 1:15

बल्कि जिंवे तम्हानु हकारने आला नरीकार पवित्र छै, यूंही तम्ही वी आपणे हर कामा मां पवित्र बणा।

1 पतरस 1:5

तम्ची रखवाली नरीकारा ची शक्‍ति लारे, विश्‍वास चे लारे ओ उद्धार वास्ते, जको आणे आले समय मां उजागर हुवणे आली छै, करली जई।

1 पतरस 2:21

नरीकारा ने तम्हानु ऐवास्ते हकारले, कांकि मसीह ने वी तम्चे वास्ते ङोख भोग़ले, ते इसड़े करती कर तम्चे वास्ते हेक मिसाल छोड़ली, कि तम्ही वी ओचे चैन्ह उपर चला। कांकि यूं लिखले पले,

1 पतरस 2:9

पर तम्ही तां हेक चुणला आला वंश, ते राज़ पदधारी, याजका चा हेक समाज, ते पवित्र लौक, ते हेक इसड़ा झोण्ड जको नरीकारा चा आपणा छै, ताकि तम्ही नरीकारा चे महान कामा ची घोषणा कर सग़ा जेह्णे तम्हानु अन्धारे महु काढ़ती कर अदभोत सोज़ले मां हकारले। ओचे गोण उजागर करा। जिंवे पवित्रशास्त्र मां लिखले पले,

1 पतरस 3:9

तम्ही बुराई चे बदले मां बुराई ना करा। ते ना गालीया चे बदले गालीया काढ़ा, पर ऐचे बदले आशीष ही ङिया। कांकि तम्ही आशीष चे वारिस हुवणे चे वास्ते हकारले गेले।

1 पतरस 5:10

हमा नरीकार जको सारे अनुग्रह चा दाता छै, जेह्णे तम्हानु मसीह मां आपणी अनन्त महिमा वास्ते हकारले, तम्चे थोड़ी देरी तक ङोख चवणे चे बाद आप ही तम्हानु सेद्ध ते मजबूत ते बलवन्त करी।

2 पतरस 1:10

ऐ वजह कनु हे माये भऊ, ईशु चे हकारले आले, ते चुणले आले ते पक्‍के करले आले तां तम्ही कोशिस करते रिहा, कांकि इसड़े करने लारे तम्ही कङी वी ठोकर नी खावा।

2 पतरस 1:2

नरीकारा ची ओर ते अम्चे प्रभु ईशु ची पिछाण चे जरिये अनुग्रह ते शान्ति तम्चे मां घणी सारी बधती जाओ।

2 पतरस 1:5

ऐवास्ते तम्ही पुरी लगन लारे यतन करते रिहा कि तम्चा विश्‍वासा नु बधा सग़ा, विश्‍वासा उपर सदगुण, सदगुणा उपर समझ,

2 पतरस 1:6

ते समझ उपर संयम ते संयम उपर धीरज ते धीरज उपर भग़ती।

2 पतरस 1:8

कांकि अगर ये बाता तम्चे मां मोजुद रिहे ते बधतीया जाये तां, तम्हानु अम्चे प्रभु ईशु मसीह ची पिछाण मां कामयाब ते फलवन्त हुते जावा।

2 पतरस 2:20

जब वे प्रभु ते उद्धारकर्ता ईशु मसीह ची पिछाण चे जरिये संसारा ची कई तरह ची अशोद्धता कनु बचती निकलो, ते बल्ति वांचे मां फसती कर हारती गेले, तां वांची दशा पेहली कनु वी बुरी हुती गेली छै।

2 पतरस 3:18

पर अम्चे प्रभु ते उद्धारकर्ता ईशु मसीह चे अनुग्रह ते पिछाण मां बधते जावा। ओची महिमा हमा वी हो ते युगानयुग तक हुती रिहो, आमीन।