2 यूहन्‍ना 1:5 - ओङ राजपूत

⁵ हमा हे असतरी, मैं तनु कुई नवीं आज्ञा कोनी, पर वाहो जको शुरु कनु अम्चे गोढु छै, लिखे पला, ते दुधे कनु बिनती करे पला कि अम्ही विश्‍वास करने आली हेके ङुजे लारे प्रेम राखु।

2 यूहन्‍ना 1:5 Iomraidhean Croise

यूहन्‍ना 15:12

माया आज्ञा हा छै कि जिंवे मैं तम्चे लारे प्रेम करला यूंही तम्ही हेके ङुजे लारे प्रेम करा।

यूहन्‍ना 15:17

मैं तम्हानु हा आदेश ङिये पला कि तम्ही हेके ङुजे लारे प्रेम राखा।

गलातियां 5:22

पर आत्मा चा फल प्रेम, आनन्द, शान्ति, धीरज, कृपा, भलाई, विश्‍वास चे लायक,

इफिसियां 5:2

ते प्रेम मां चला, जिंवे मसीह ने वी अम्चे लारे प्रेम करला, ओणे आपणे आप नु सोख ङेणे आली खुश्बु ची तरह नरीकारा नु कुर्बानी ङिली जती।

1 थिस्सलुनीकियां 4:9

पर भाईचारे चे भरोसे चे बारे मां ईं जरुरी कोनी, कि मैं तम्चे सनु कहीं लिखे, कांकि आपस मां प्रेम राखणे तम्ही आप ही नरीकारा कनु सिखले।

इब्रानियां 13:1

विश्‍वासी भावां आलीकर हेके ङुजे लारे प्रेम राखा।

1 पतरस 4:8

सबकनु खास बात हा छै कि हेके ङुजे लारे ज्यादा प्रेम राखा कांकि प्रेम ब़ोहत पापा नु ढकती नाखे।

2 पतरस 1:7

ते भग़ती उपर भाईचारा, ते भाईचारे चे प्रेम मां बधते जावा।

1 यूहन्‍ना 3:11

कांकि जको समाचार तम्ही शुरु कनु सुणला ओ हा छै, कि अम्ही हेके-ङुजे लारे प्रेम राखु,

1 यूहन्‍ना 3:23

नरीकारा ची आज्ञा हा छै कि अम्ही नरीकारा चा पूत ईशु मसीह चे सामर्थी नांवा उपर विश्‍वास करु, ते जिसड़ा ईशु ने अम्हानु आज्ञा ङिली ओचे अनुसार आपस मां प्रेम राखु।

1 यूहन्‍ना 4:20

अगर कुई किहे, “मैं नरीकारा लारे प्रेम राखे,” ते आपणे ब़ेहण भावां लारे बैर राखे, तां ऊं कूड़े छै। कांकि जको आपणे ब़ेहण भावां लारे, जानु ओणे ङेखले, प्रेम ना राखी, तां ऊं नरीकारा लारे वी जानु ओणे कोनी ङेखले, प्रेम ना राख सग़ी।

2 यूहन्‍ना 1:1

मैं यहून्‍ना, कलीसिया चा अग़ुवा हा चिठ्ठी वांचे नांवे लिखे पला। वा चुणली आली असतरी ते विचे ब़ाला चे नांवे, जाये लारे मैं सच्‍चा प्रेम राखे, ते सेर्फ मैं ही कोनी बल्कि वे वी सारे प्रेम राखी जको सच्‍चाई नु जाणी।