2 यूहन्‍ना 1:1 - ओङ राजपूत

¹ मैं यहून्‍ना, कलीसिया चा अग़ुवा हा चिठ्ठी वांचे नांवे लिखे पला। वा चुणली आली असतरी ते विचे ब़ाला चे नांवे, जाये लारे मैं सच्‍चा प्रेम राखे, ते सेर्फ मैं ही कोनी बल्कि वे वी सारे प्रेम राखी जको सच्‍चाई नु जाणी।

2 यूहन्‍ना 1:1 Iomraidhean Croise

लूका 1:3

ऐवास्ते मनु वी ईं आच्छे लाग़ले कि वा सारीया बाता चा सब हाल शुरु कनु ठीक-ठीक जांच करती कर, वानु दुधे वास्ते क्रमानुसार लिखे,

यूहन्‍ना 8:32

तम्ही सच्‍च नु जाणा, ते सच्‍च तम्हानु आजाद करी।”

प्रेरितां चे काम 11:30

ते वाणे इसड़े ही करले, ते बरनबास ते शाऊल चे हाथे हर कलीसिया चे अग़ुवा चे गोढु कोच्छ भेज़ती ङिले।

रोमियां 16:13

रूफुस नु जको प्रभु मां चुणला आला छै, ते ओची आई नु जको माई वी आई आलीकर छै, ङुंहु नु नमस्कार।

गलातियां 2:14

पर जब मैं ङेखले कि वे सुसमाचार ची सच्‍चाई उपर सिधी चाल ना चली, तां सारा चे सामणे पतरस नु केहले, “जब तु यहूदी हुती कर नेरीया जातिया आलीकर चली ते यहूदिया चे जिसड़ा ना तां नेरीया जातिया नु कां किही यहूदिया जिसड़े चलणे वास्ते?

गलातियां 2:5

हेक घड़ी भर वी अम्ही वांचे अधीन हुवणे कोनी मनले ऐवास्ते कि सुसमाचार ची सच्‍चाई तम्चे मां बणली रिहो,

गलातियां 3:1

हे गलाति शहरा मां रेहणे आले ब़ुध्दु लौक तम्हानु केहणे मोहति गेले? मैं तां तम्हानु खोलती कर बावड़ती ङिले ते, जिंवे तम्चे सामणे ईशु मसीह नु क्रूसा उपर चढ़ाले गेले,

गलातियां 5:7

तम्ही तां आच्छी तरह हेक मसीह जीन्दगी जीवा पलते हमा इसड़ा का हुती गेला जको तम्हानु सच्‍चाई उपर चलणे वास्ते रोके पला?

कुलुस्सियां 1:5

ईं वे उम्मीद ते प्रेम चे वजह हुले जको तम्चे वास्ते स्वर्ग़ा मां पली छै, जाई चर्चा तम्ही ओह सुसमाचार चे सच्‍चे वचना मां सुणती चुकले।

1 तीमुथियुस 2:4

नरीकार ईं चाहवे, कि सारे बन्दा चा उद्धार हो, ते वे सच्‍चाई नु भली भान्ती जाणती गिहो।

इब्रानियां 10:26

अगर सच्‍चाई ची पिछाण गेहणे चे बाद वी अम्ही जाणती ब़ुझती पाप करु तां पाप वास्ते कुई बलिदान बाकि ना रेहती जई।

1 पतरस 1:2

ते नरीकार ब़ा चे भविष्य ज्ञान चे अनुसार, पवित्र आत्मा चे पवित्र करने चे जरिये आज्ञा मनणे ते ईशु मसीह चे लुहींया चे छिड़कले जाणे चे वास्ते चुणले गेले। तम्हानु अनुग्रह ते शान्ति ब़ोहत मिलती रिहो।

1 पतरस 5:1

तम्चे महु जको अग़ुवा छै, मैं वांचे आलीकर अग़ुवा ते मसीह चे ङुखा चा ग़वाह ते प्रकट हुवणे आली महिमा मां भईवाल हुती कर वानु ईं समझावे पला,

1 पतरस 5:13

जको बेबीलोन मां तम्चे आलीकर चुणले आले कलीसिया चे लौक छी, वे ते माया पूत मरकुस तम्हानु नमस्कार किही पले।

1 यूहन्‍ना 2:21

मैं तम्हानु ऐवास्ते कोनी लिखले कि तम्ही सच्‍चाई नु ना जाणते, तम्ही सच्‍चाई नु जाणा, ते हा वी जाणा कि जिठे सच्‍चाई छै ओठे कूड़ कोनी।

1 यूहन्‍ना 3:18

हे माई प्यारी ब़ाले, अम्ही प्रेम सेर्फ वचन ते जुबानी ही कनु ना करु, पर काम ते सच्‍चाई चे जरिये वी प्रेम करु।

2 यूहन्‍ना 1:13

दुधी ब़ेहणी ची ब़ाले जानु नरीकारा ने चुणले तनु नमस्कार किही।

2 यूहन्‍ना 1:5

हमा हे असतरी, मैं तनु कुई नवीं आज्ञा कोनी, पर वाहो जको शुरु कनु अम्चे गोढु छै, लिखे पला, ते दुधे कनु बिनती करे पला कि अम्ही विश्‍वास करने आली हेके ङुजे लारे प्रेम राखु।

3 यूहन्‍ना 1:1

मैं यहून्‍ना, कलीसिया चा अग़ुवा हा चिठ्ठी प्यारे गयुस चे नांवे लिखे पला, जाये लारे मैं सच्‍चा प्रेम राखे।