2 कुरिन्थियां 13:4 - ओङ राजपूत

⁴ ओ निर्बलता ची वजह क्रूसा उपर चढ़ाला तां गेला, तांवी नरीकारा ची सामर्थ लारे जीता छै। अम्ही वी ओचे मां कमजोर छिऊं, पर नरीकारा ची सामर्थ लारे जको तम्चे वास्ते छै, ओचे लारे जिऊं।

2 कुरिन्थियां 13:4 Iomraidhean Croise

यूहन्‍ना 10:18

कुई विनु माये कनु खौश ना, बल्कि मैं आप ही विनु ङिये। मनु विनु ङेणे चा अधिकार छै ते ओनु बल्ति गेहणे चा वी अधिकार छै। हा आज्ञा माये ब़ा कनु मनु मिड़ली।”

प्रेरितां चे काम 2:36

“ऐवास्ते हमा इस्राएल चे सारे घराणे पक्‍के जाणती गिहो कि नरीकारा ने ओनु ही, ईशु नु जेह्णे तम्ही क्रूसा उपर चढ़ाले, प्रभु वी ठहराले ते मसीह वी।”

प्रेरितां चे काम 3:16

“ते ईशु नांवा ने ओ विश्‍वासा चे जरिये जको ओचे नांवा उपर छै, ऐ बन्दे नु जानु तम्ही ङेखा पले, ते जाणा वी छिवा, ताकत ङिली। ओही विश्‍वासा ने जको ओचे जरिये छै, ऐनू तम्चे सारा सामणे चंगे भले करती ङिले।

रोमियां 1:4

ते पवित्रता ची आत्मा चे तौरा पे मरला आला महु जीते हुवणे ची वजह सामर्थ चे लारे नरीकारा चा पूत ठहरला।

रोमियां 14:9

कांकि मसीह ऐवास्ते मरला ते जीता वी हुती गेला, कि ओ मरला आला चा ते जीता चा, ङुंहु चा प्रभु हो।

रोमियां 6:4

ऐवास्ते वे मौत चा बपतिस्मा गेहणे लारे अम्ही ओचे लारे दफनाले गेले, ताकि जिंवे मसीह परमपिता ची महिमा चे जरिये मरला आला महु जिवाला गेला, यूहीं ही अम्ही वी नवें जीवन चे अनुसार चाल चलु।

1 कुरिन्थियां 1:25

कांकि नरीकारा ची मूर्खता इन्साना चे ज्ञान कनु ज्ञानवान छै, ते नरीकारा ची निर्बलता इन्सान चे बल कनु घणी बलवान छै।

1 कुरिन्थियां 15:43

ऊं बेकदरी लारे राहले जाये, ते तेज लारे जीते उठती जाये। कमजोरी लारे राहले जाये ते सामर्थ लारे जीते हुती जाये।

1 कुरिन्थियां 2:3

ते मैं कमजोर ते खौंफा लारे, ते घणा कांपता हुला तम्चे लारे रेहला।

1 कुरिन्थियां 6:14

ते नरीकारा ने आपणी सामर्थ लारे प्रभु नु मरले आला महु जिवाले ते यूं अम्हानु वी जिवावी।

2 कुरिन्थियां 10:10

कांकि कोच्छ लौक तां किही कि, “ओचीया चिठ्ठीया तां कठिन ते असरदार छी, ते जिसे बेले ओ आप आवे तां ओचे शरीर कमजोर लाग़े ते ओची ब़ोलणे ची ताकत ना चे बराबर छै।”

2 कुरिन्थियां 12:10

ये वजह कनु मैं मसीह चे वास्ते कमजोरीया, अपमान, कष्ट, संकट, ते मुसीबता मां पुरी तरावें सन्तुष्ट छै। कांकि जिसे बेले मैं कमजोर रिहे, ओ बेले ही मैं बलवन्त रिहे।

2 कुरिन्थियां 13:9

जिसे बेले अम्ही कमजोर छिऊं ते तम्ही ताकतवार छिवा, तां अम्ही खौश हुं। ते हा प्राथना वी करु कि तम्ही सेद्ध हुती जावा।

फिलिप्पियां 3:10

मैं मसीह नु जाणना चाहवे ते वे शक्‍ति चा ऐहसास करना चाहवे, जाये कनु ओचा पुनरुत्थान हुला, तां मैं ओचे ङुखा मां शामिल हुवणा चाहवे। ते ओही रुप गेहणा चाहवे जानु ओणे आपणी मौत लारे सेहती गेलता।

इब्रानियां 5:7

ईशु ने आपणी देह मां रेहणे चे ङिहां मां ऊंची अवाजी मां हींजवे बाहती-बाहती कर ओकनु जको ओनु मौत कनु बचा सग़ेला, प्राथना ते बिनती करली ते भग़ती ची वजह ओची सुणली गेली।

1 पतरस 3:18

कांकि मसीह ने वी अम्चे पापा चे वास्ते ङोख भोग़ले। यानिकि ओ बेकसूर हुता। अम्चे पापा चे वास्ते हेक वारी मरती गेला कि अम्हानु नरीकारा चे गोढु गेहती जाओ। शरीरा चे जरिये तां ओ मारला गेला, पर आत्मा चे जरिये जिवाला गेला।

1 पतरस 3:22

ओ स्वर्ग़ा मां जती कर नरीकारा चे सज़्ज़े पासु जती कर ब़ेसती रेहला, ते स्वर्ग़दूत ते अधिकारी ते सामर्थी ओचे अधीन मां करती ङिले गेले।