ते ओणे वानु केहले, “चौकस रिहा, ते हर-तरहा चे लोभ कनु आपणे आप नु बचाती राखा, कांकि धन ची बढोतरी हुवणे उपर वी काया जीवन ओचे धन चे भरोसे खुशी लारे ना चल सग़ी।”
ते सिपाहीया ने वी ओकनु ईं पूछले, “अम्ही का करु?” ओणे वानु केहले, “कि तम्ही काये उपर वी जुलम ना करा, ते ना काये उपर कूड़ा दोष लावा, ते आपणी तनखाई पर सब्र करजा।”
ते अम्ही जाणु कि, जको लौक नरीकारा लारे प्रेम राखे, वांचे वास्ते सारीया बाता मिलती कर भलाई ही नु पैदा करी यानिकि वांचे ही वास्ते जको ओची इच्छा चे अनुसार हकारले गेले छै।
कांकि कसरत लारे शरीरा नु थोड़ा फायदा तां हुवे वे, पर नरीकारा ची भग़ती सारीया बाता चे वास्ते लाभदायक छै, कांकि ऐ समय ची ते आणे आले जीवन ची आशीषा ची प्रतिज्ञा ऐचे वास्ते छै।
आपणे जीवन नु धन चे लालच कनु दूर राखा, ते जको तम्चे गोढु छै, ओचे उपर संतुष्टी करा, कांकि नरीकारा ने आप केहले, “मैं तनु कङी ना छोड़ी, ते ना कङी तनु त्याग़ी।”
