1 तीमुथियुस 6:17 - ओङ राजपूत

¹⁷ ऐ संसारा चे धनवाना नु हा आज्ञा ङे, कि वे अंहकारी ना हो ते चंचल धन उपर आस ना राखो, पर नरीकारा उपर आस राखो जको अम्चे सुखा चे वास्ते सारे कोच्छ ब़ोहत ज्यादा ङिये।

1 तीमुथियुस 6:17 Iomraidhean Croise

मत्ती 12:32

ते जको कुई मैं इन्साना चे पूता चे विरोध मां कुई बात किही, ओचा हा अपराध माफ करला जई, पर जको कुई पवित्र आत्मा चे विरोध मां कोच्छ किही, ओचा अपराध ना तां ऐ लौक मां ते ना परलोक मां माफ करला जई।

मत्ती 19:23

बल्ति ईशु ने आपणे चैला नु केहले, “मैं तम्हानु सच्‍च किहे पला कि धनवान चे स्वर्ग़ चे राज़ मां जाणे मुश्किल छै।

मत्ती 25:16

ते जानु पाँच घड़े मिड़ले हुते, ओणे तुरन्त जती कर वांचे लारे लेन-देन करला, ते ओणे पाँच घड़े नेरे कमाले।

मत्ती 27:57

जब आथण हुले तां यूसुफ नांवा अरिमतिया चे हेक साहुकार बन्दे, जको आप ही ईशु चा चैला हुता, आला।

मत्ती 6:32

कांकि नरीकारा नु ना जाणने आले लौक यां सारीया चीजा ची खोज मां रिही, पर तम्चा स्वर्ग़ीय ब़ा जाणे कि तम्हानु यां सारीया चीजा ची जरुरत छै।

मरकुस 10:24

चैले ओचीया बाता कानु अचम्भित हुले। ऐचे पर ईशु ने बल्ति वानु केहले, “हे ब़ाले, जको धन चे उपर भरोसा राखी, वांचे वास्ते नरीकारा चे राज़ मां जाणे कितने मुश्किल छै!

लूका 19:2

ते ओठे जक्‍कई नांवा चे हेक बन्दे हुते, जको चुंगी गेहणे आला चा सरदार हुता ते धनवान हुता।

लूका 3:11

बल्ति यूहन्‍ना ने वानु उत्तर ङिला, “जाये कनु ङोन चोले हो, ओ ओचे लारे जाकनु कोनी, बांटती ङियो, ते जाये कनु भोज़न छै, ओ यूंही करो।”

प्रेरितां चे काम 14:17

तां वी ओणे आपणे आप नु बे ग़वाह कोनी छोड़ले, पर ओ भलाई करता रेहला, ते आसमाना कनु बारश ते मौसमा चे अनुसार अम्हानु पैदावार ङिता रेहला, तम्चे मना नु रोटी ते खुशी लारे भरता रेहला।”

प्रेरितां चे काम 14:27

ओठे पुज़ती कर वाणे कलीसिया नु भेले करले ते वानु बावड़ले कि, “नरीकारा ने अम्चे लारे हुती कर किसड़ी बङी-बङी कामे करली, ते नेरीया जातिया चे वास्ते विश्‍वास चे दरवाजे खोलती नाखले।”

प्रेरितां चे काम 17:25

ते ओनु ना ही कुई जरुरत छै बन्दे ची सेवा ची, ते ना ही ओ काये उपर निर्भर छै। कांकि ओ तां आप ही सब नु जीवन ङिये ते सांस ते सब कोच्छ ङिहें।

रोमियां 11:20

हा सच्‍च बात छै, कि वे तां अविश्‍वास चे वजह भांलीया गेलीया, पर तु विश्‍वासा मां बणला रिही। ऐवास्ते घमण्डी ना हो, पर भय राख।

इफिसियां 5:5

कांकि तम्ही हा जाणा कि इसड़ा कुई वी बन्दे जको व्यभिचारी छै ते अशुद्ध, जा लालच, लालची बन्दे जको मूर्ति पुज़ा करने आले चे बराबर छै, मसीह ते नरीकारा चे राज़ मां ना जा सग़ी,

कुलुस्सियां 3:16

मसीह चे वचन नु आपणे दिला मां गहराई लारे बसु ङिया ते सेद्ध ज्ञान समेत हेके ङुजे नु सिखावा ते चितावा, ते आपणे-आपणे मना मां अनुग्रह चे लारे नरीकारा चे वास्ते भज़न ते स्तुतिगान ते आत्मिक गीत गावा।

1 थिस्सलुनीकियां 1:9

कांकि वे आप ही अम्चे बारे मां बावड़ी कि तम्चे गोढु अम्चे आवणे किसड़े हुले, ते तम्ही कांकि मूर्ता कनु नरीकारा ची तरफ फिरले ताकि जीते ते सच्‍चे नरीकारा ची सेवा करा

1 तीमुथियुस 1:3

जिंवे मैं तनु मकिदुनिया सनु जते बेले, तनु समझाले हुते, कि इफिसुस मां रेहती कर लौका नु हा आज्ञा ङे कि, कूड़ी शिक्षा ना ङे।

1 तीमुथियुस 3:15

कि अगर माये आणे मां देर हुवे तां तु जाणती गिहो, कि नरीकारा चा कुणम्बा, जको जीते नरीकारा ची कलीसिया छै, ते जको सच्‍चाई चा खम्बा, ते नीम छै, ओचे मां किसड़ा बर्ताव करना चाही छै।

1 तीमुथियुस 4:10

कांकि अम्ही घणी मेहनत ते जत्तन ऐवास्ते करु कि, अम्ची आस ओ जीते नरीकारा उपर छै, जको सारा बन्दा चा छै, ते खास करती कर विश्‍वास करने आला चा उद्धारकर्ता छै।

1 तीमुथियुस 5:21

नरीकार, ते ईशु मसीह, ते चुणले आले स्वर्ग़दूता नु मौजुद जाणती कर मैं तनु चितावें पला कि तु मन खोलती कर यां बाता नु मनले कर, ते कुई काम पक्षपात लारे ना कर।

1 तीमुथियुस 6:13

मैं तनु नरीकारा मां जको सारा नु जीवन ङिये, ते ईशु मसीह नु ग़वाह करती कर जेह्णे पुन्तियुस पिलातुस चे सामणे आच्छी ग़वाही ङिली, मैं वांची मौजुदगी मां तनु हा आज्ञा ङिये पला,

1 तीमुथियुस 6:9

पर जको धनी हुवणे चाहवे, ओ इसड़ी परीक्षा मां पड़ती कर फन्दे मां फसती कर ते घणे बेकार मूर्खता ते नुकसान पुचाणे आलीया बाता मां फसती जई, जको बन्दा नु बिगाड़ती नाखे ते विनाश चे समुन्दरा मां ब़ुङाती नाखे।

2 तीमुथियुस 4:10

कांकि देमास ने ऐ संसारा नु प्यारा जाणती कर मनु छोड़ती ङिले, ते थिस्सलुनिके शहर सनु चाह्‍ला गेला, ते क्रेसकेंस गलातिया शहर सनु ते तीतुस दलमतिया शहर सनु चाह्‍ला गेला।

तीतुस 2:12

ते नरीकारा चा अनुग्रह अम्हानु चितावे, कि अम्ही अभग़ति ते संसारिक इच्छा कनु मन फेरती कर ऐ युगा मां संयम ते धर्म ते भग़ती लारे जीन्दगी बिताऊं।

तीतुस 3:6

हा पवित्र आत्मा जानु नरीकारा ने अम्चे मुक्‍तिदाता ईशु मसीह चे जरिये अम्चे उपर भरपूर रेड़ला।

2 पतरस 1:11

बल्कि यूं करती तम्ही अम्चे प्रभु ते उद्धारकर्ता ईशु मसीह चे अनन्त राज़ मां बङे कद्दरा लारे स्वागत करला जई।