1 तीमुथियुस 6:14 - ओङ राजपूत

¹⁴ कि तु अम्चे प्रभु ईशु मसीह चे प्रकट हुवणे तक तनु जको आज्ञा ङिली तु विश्‍वास कर ते बेकसूर टुरता चाल।

1 तीमुथियुस 6:14 Iomraidhean Croise

1 कुरिन्थियां 1:8

ओही तम्हानु अन्त तक मजबूत वी करी, कि तम्ही अम्चे प्रभु ईशु मसीह चे ङिओ मां बेकसूर ठहरा।

इफिसियां 5:27

ते विनु हेक इसड़ी तेजस्वी कलीसिया बणाती कर आपणे गोढु खड़ी करो, जाये मां ना कंलक, ना झुर्री, ना कुई इसड़ी चीज हो, बल्कि पवित्र ते निर्दोष हो।

फिलिप्पियां 1:10

इठे तक कि तम्ही आच्छीया महु आच्छीया बाता नु प्रिय जाणा ते मसीह आणे चे ङिओ तक सच्‍चे, पवित्र, ते बिना कसूरा चे बणले रिहा, ते ठोकर ना खावा,

फिलिप्पियां 1:6

मनु पूरा भरोसा छै कि ओ नरीकार जेह्णे तम्चे मां आच्छे काम शुरु करले ऊंही काम मसीह ईशु चे ङिओ तक नरीकार पुरे करी।

फिलिप्पियां 2:15

ताकि तम्ही भोले-भाले ते पवित्र बणती जावा। बल्ति टेढे ते हठीले लौका चे बीच नरीकारा ची निष्कलंक ऊलाद्ध बणती जावा। वांचे बीच मां तम्ही जीवन चा वचन चते हुले दुनिया मां तारा आलीकर चमकते ङिसा।

कुलुस्सियां 4:17

ते अर्खिप्पुस नु केहजा कि जको सेवा प्रभु मां तनु सोंपली गेली, विनु ध्यानारीत पुरी करियो।

1 थिस्सलुनीकियां 3:13

कि ईशु तम्चे मना नु इसड़े मजबूत करो, कि जब अम्चा प्रभु ईशु मसीह आपणे सारे पवित्र लौका लारे आओ, तां वे अम्चे नरीकार ते ब़ा चे सामणे पवित्रता मां बेकसूर बणाती नाखो।

1 थिस्सलुनीकियां 5:23

शान्ति चा नरीकार आप ही तम्हानु पुरी रीति लारे पवित्र करो, ते तम्ची आत्मा ते प्राण ते शरीर अम्चे प्रभु ईशु मसीह चे आणे तक पुरी रीति लारे निर्दोष सुरक्षित रिहो।

2 थिस्सलुनीकियां 2:1

ओ माये भऊ ते ब़ेहणीया, तम्ही आपणे प्रभु ईशु मसीह चे आणे ते ओचे आपणे भेले हुवणे चे बारे मां तम्हा कनु विनती करु पले,

2 थिस्सलुनीकियां 2:8

बल्ति ओ पापा चा इन्सान शैताना ची ताकत लारे प्रकट हुवी, जानु प्रभु ईशु आपणे फूके लारे मारती नाखी, ते आपणे आगमन चे तेज लारे भसम करती नाखी।

1 तीमुथियुस 6:20

हे तीमुथियुस, ऐ जिम्मेवारी ची रखवाली कर, ते जिसे ज्ञान नु ज्ञान केहणे ही भूल छै, ओचे गन्दे बकवास ते बहस-बाजी चा बाता कनु दूर रेह।

2 तीमुथियुस 4:1

नरीकारा नु ते मसीह ईशु नु आपणा ग़वाह करती कर, जको जीता ते मरला आला चा न्यां करी, कांकि ईशु चे पुठे आणे ते ओचा राज़ गोढु छै, मैं तनु हा आज्ञा ङिये पला।

तीतुस 2:13

ते वे धन्‍न आसा ची यानि आपणे महान नरीकार ते मुक्‍तिदाता ईशु मसीह ची महिमा चे उजागर हुवणे ची बाट ङेखते रिहा।

इब्रानियां 9:14

तां मसीह चे लुहीं, जेह्णे आपणे आप नु अनन्त आत्मा चे जरिये खौद्द नु नरीकारा चे सामणे निर्दोष बलि चे रूपा मां भेंट करती ङिले, जीते नरीकारा ची सेवा वास्ते तम्चे विवेक नु मरले आले कामा कनु शोद्ध किवें नी करी?

इब्रानियां 9:28

यूं करती मसीह ब़ोहता चे पाप चवणे वास्ते हेक ही वारी खौद्द नु भेंट करले। ओचे बाद हमा दुबारा प्रकट हुवी, पापा नु चवणे वास्ते ना, पर वांचे उद्धार वास्ते जको ओचे इन्तजार मां छी।

1 पतरस 1:19

पर बेकसूर ते बिना कलंक मैमणे यानिकि मसीह चे बेशकीमती लुहींया चे जरिये हुला।

1 पतरस 1:7

ईं ऐवास्ते हुले कि तम्चा परखला आला विश्‍वास जको जाखते मां नाशवान सोने कनु वी घणा कीमती छै, जिसे बेले ईशु मसीह उजागर हुवी, नरीकारा कनु तम्हानु प्रशंसा, महिमा ते कद्दर मिलो।

2 पतरस 2:21

कांकि धर्म चे मार्ग़ ना जाणने ही वांचे वास्ते ऐचे कनु भले हुवीया कि ओनु जाणती कर वे पवित्र आज्ञा कनु फिरती जईया जको वानु ङिली गेलती, ओनु जाणती कर मुँह फेरती गिही।

2 पतरस 3:14

ऐवास्ते, हे माये प्यारे भऊ जबकि तम्ही यां बाता ची आस ङेखा पले तां जत्तन करा कि तम्ही शान्ति लारे ओचे सामणे बेदाग ते बेकसूर ठहरा।

2 पतरस 3:2

कि तम्ही वां बाता नु जको, पवित्र भविष्यवक्‍ता ने पेहले कनु केहलीया ते प्रभु ते उद्धारकर्ता ची वे आज्ञा नु ध्यान करा, जको तम्चे प्रेरितां चे जरिये ङिलीया गेलतीया।

1 यूहन्‍ना 3:2

हे प्यारे, हमा वी अम्ही नरीकारा ची ऊलाद्ध छिऊं, ते हमा तक हा प्रकट कोनी हुले कि आणे आले समय मां अम्ही का कोच्छ हुं! इतने जाणु कि जिसे बेले ईशु मसीह प्रकट हुवी ते अम्ही ओचे समान हुती जऊं, कांकि ओनु उसड़े ही ङेखु जिसड़ा ओ छै।

यहूदा 1:24

हमा नरीकार जको तम्हानु ठोकर खाणे कनु बचा सग़े, ते आपणी महिमा ची भरपूरी चे सामणे मगन ते निर्दोष करती कर खड़े कर सग़े,

प्रकाशितवाक्य 1:7

ङेखा, ओ बदला चे लारे आणे आला छै, ते हर हेक आँख ओनु ङेखी, बल्कि जेह्णे ओनु सुराखे करली हुती वे वी ओनु ङेखे, ते धरती चे सारे कोल्‍ल ओची वजह कनु छात्ती कोट्टे। हांआ। आमीन।