1 तीमुथियुस 6:13 - ओङ राजपूत

¹³ मैं तनु नरीकारा मां जको सारा नु जीवन ङिये, ते ईशु मसीह नु ग़वाह करती कर जेह्णे पुन्तियुस पिलातुस चे सामणे आच्छी ग़वाही ङिली, मैं वांची मौजुदगी मां तनु हा आज्ञा ङिये पला,

1 तीमुथियुस 6:13 Iomraidhean Croise

मत्ती 27:11

जिसे बेले ईशु राज्यपाल चे सामणे भिला हुता तां राज्यपाल ने ईशु कनु पूछले, “का तु यहूदिया चा राजा छी?” ईशु ने ओनु केहले, “तु आप ही किही पला।”

मत्ती 27:2

वाणे ईशु नु ब़न्धवाले ते गेहली जती कर पिलातुस अधिकारीया चे हाथा मां सोंपती ङिले।

यूहन्‍ना 14:6

ईशु ने वानु केहले, “मार्ग़, सच्‍चाई ते जीन्दगी मैं ही छै। बिना माये जरिये कुई नरीकार ब़ा गोढु पोज़ ना सग़ी।

यूहन्‍ना 19:11

ईशु ने पिलातुस नु केहले, “अगर उपरु अधिकार ना ङिला जईया तां दुधा माये उपर कुई अधिकार ना हुवीया। ऐवास्ते जेह्णे मनु दुधे हाथे पकड़वाले, ओणे ब़ोहत ज्यादा पाप करला।”

यूहन्‍ना 5:21

कांकि जिंवे ब़ा मरले आला नु उठाणे ते जीते करे, यूं करती पूत वी जानु चाहो ओनु जिवावे।

यूहन्‍ना 5:26

कांकि जिसी रीति लारे ब़ा आपणे आप मां जीवन राखे, वे रीति चे लारे ओणे पूता नु वी अधिकार ङिला कि आपणे आप मां जीवन राखो।

प्रेरितां चे काम 17:25

ते ओनु ना ही कुई जरुरत छै बन्दे ची सेवा ची, ते ना ही ओ काये उपर निर्भर छै। कांकि ओ तां आप ही सब नु जीवन ङिये ते सांस ते सब कोच्छ ङिहें।

2 कुरिन्थियां 9:13

तम्ची ये सेवा नु सबूत मनती कर वे नरीकारा ची महिमा करे, कांकि तम्ही मसीह चे सुसमाचार ची आज्ञा मनते हुले स्वीकार करले ते तम्ही नरीकारा चे लौका वास्ते ते सब ची सहायता करने मां उदारता ङिखाणली।

गलातियां 3:26

कांकि तम्ही सारे ओ विश्‍वास लारे जको ईशु मसीह उपर छै, नरीकारा ची ऊलाद्ध छिवा,

1 तीमुथियुस 1:12

मैं आपणे प्रभु ईशु मसीह चा, जेह्णे मनु सामर्थ ङिली, धन्यवाद करे पला, कि ओणे मनु विश्‍वास चे लायक समझती कर आपणी सेवा चे वास्ते ठहराले।

1 तीमुथियुस 1:15

हा बात सच्‍च ते हर तरह मनणे चे लायक छै, कि मसीह ईशु पापीया चा उद्धार करने चे वास्ते संसारा मां आला, जाये महु सबकनु बङा मैं छै।

1 तीमुथियुस 2:5

कांकि नरीकार हेक ही छै, ते नरीकार ते बन्दा चे बीच मां हेको ही बिचोलीया छै, यानिकि ईशु मसीह जको इन्सान वी छै।

1 तीमुथियुस 5:21

नरीकार, ते ईशु मसीह, ते चुणले आले स्वर्ग़दूता नु मौजुद जाणती कर मैं तनु चितावें पला कि तु मन खोलती कर यां बाता नु मनले कर, ते कुई काम पक्षपात लारे ना कर।

1 तीमुथियुस 6:12

विश्‍वास चे सुसमाचार चे वास्ते आच्छी कुश्ती लड़, ते ओ अनन्त जीवन नु घालती गे, जाये वास्ते तु हकरवाला गेला, ते घणे ग़वाह चे सामणे मनले हुते।

प्रकाशितवाक्य 1:5

ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।

प्रकाशितवाक्य 21:6

बल्ति ओणे मनु केहले, “ये बाता पुरीया हुती गेलीया। मैं अल्फा ते ओमेगा, आदि ते अन्त छै। मैं तरसेले नु जीवन चे पाणीया चे सोते महु मुफ्त पिलावी।

प्रकाशितवाक्य 22:1

बल्ति ओ स्वर्ग़दूता ने मनु बिल्‍लौर जिसड़ी शीशे आलीकर झलकती हुली, जीवन चे पाणीया ची नदी ङिखाणली। जको नरीकार ते मैमणे चे सिंहासन कनु निकलती कर ओ शहरा ची सड़के चे आधी मां बेहती।

प्रकाशितवाक्य 3:14

“लौदीकिया ची कलीसिया चे दूता नु ईं लेख, “जको इसड़े ही हो ते विश्‍वास चे लायक ते सच्‍चा ग़वाह छै, ते नरीकारा ची सृष्टि ची मूल वजह छै, ओ ईं किहे पला कि,