11 पर ओ नरीकारा चे जन, तु यां बाता कनु द्रोड़, ते धर्म, भग़ती, विश्वास, प्रेम, सब्र, ते नरमाई चा पीछा कर।
ऐवास्ते अम्ही वां बाता ची कोशिस करु, जाये लारे शान्ति मिलो ते हेके-ङुजे ची आत्मिक बढोतरी हो।
ऐवास्ते, हे माये प्यारे, तम्ही मूर्तिपूजा कनु बचले रिहा।
ऐवास्ते प्रेम चा सुभाव राखते हुले, आत्मिक वरदाना ची धोन्न मां रिहा, खास करती भविष्यवाणी चे वरदाना ची।
व्यभिचार कनु बचले रिहा। ङुजे सारे पाप इन्सान करे वे शरीरा चे ब़ाहर छी, पर व्यभिचार करने आले आपणे ही शरीरा चे खिलाप पाप करे।
ते अम्चे प्रभु चा अनुग्रह ओ विश्वास ते प्रेम चे लारे जको ईशु मसीह मां छै, ब़ोहत ज्यादा हुला।
कुई दुधी जवानी नु तोच्छ ना समझ सग़ो पर वचन, ते चाल-चलन, ते प्रेम, ते विश्वास, ते पवित्रता मां विश्वास करने आला चे वास्ते नमुना बणती जा।
ते भले कामा मां सरनाम रेहली हो, जेह्णे ब़ाला चा पालन पोसण करला हो, मेहमाना ची सेवा करली हो, प्रभु चे पवित्र लौका चे पग़्ग़ धोले हो, ङुखीया ची सहायता करली हो, ते हर हेक भले कामा मां मन लाले हो।
हे तीमुथियुस, ऐ जिम्मेवारी ची रखवाली कर, ते जिसे ज्ञान नु ज्ञान केहणे ही भूल छै, ओचे गन्दे बकवास ते बहस-बाजी चा बाता कनु दूर रेह।
अगर कुई आपणे आप नु बुराईया कनु शोद्ध करी, ते ऊं कद्दर चे ठां, ते पवित्र बणले रिही, ते मालिका चे कामे आवी, ते हर भले कामा चे वास्ते तियार हुवी।
जवानी ची बुरी लालसा कनु दूर रेह वा सारा चे लारे जको शोद्ध मना लारे प्रभु नु हकारी। वांचे लारे धर्म चा जीवन, विश्वास, प्रेम ते शान्ति चा पीछा कर।
पर तु तां उपदेश, चाल-चलन, मनसा, विश्वास, सहनशीलता, प्रेम, तसल्ली,
ताकि नरीकारा चा जण सेद्ध बणो, ते हर हेक भले कामा वास्ते तियार हुती जाओ।
सारा लारे शान्ति बणाली राखा ते वे पवित्रता ची खोज मां रिहा, जाये बिना कुई वी प्रभु नु ङेख ना सग़ी।
ऊं बुराई चा साथ छोड़ती ङियो, ते भलाई चा ही बाता करो। ऊं मेल-मिलाप नु सोधो, ते ओचा जत्तन करना चाही छै।