1 तीमुथियुस 5:17 - ओङ राजपूत

¹⁷ जको अग़ुवे आच्छा प्रबन्ध करते हो, खास करती वे जको वचन सुणावणे ते सिखावणे मां मेहनत करी, ङोन गुणा कद्दर चे लायक समझले जाओ।

1 तीमुथियुस 5:17 Iomraidhean Croise

मत्ती 24:25

ङेखा, मैं पेहले कनु तम्हानु ईं सब कोच्छ केहती ङिले।

लूका 10:7

ओही घरा मां रिहा, ते जको कोच्छ वाकनु मिले, ऊंही खावा-पिया, कांकि मजदूरा नु आपणी मजदूरी मिलणी चाही छै, घर-घर ना फिरजा।

लूका 12:42

प्रभु ने केहले, “ओ भरोसेमन्द ते ब़ुध्दिमान भण्डारी कूण छै, जाया मालिक ओनु नौकरा चाकरा उपर सरदार बणाओ कि समय उपर वानु खाणे चा समान ङियो?

यूहन्‍ना 4:38

मैं तम्हानु ओ खेत बाढणे वास्ते भेज़ले जाये मां तम्ही मेहनत कोनी करली। ङुजा ने मेहनत करली, ते तम्ही वांची मेहनती चे फल मां भईवाल हुले।”

प्रेरितां चे काम 11:30

ते वाणे इसड़े ही करले, ते बरनबास ते शाऊल चे हाथे हर कलीसिया चे अग़ुवा चे गोढु कोच्छ भेज़ती ङिले।

प्रेरितां चे काम 20:35

मैं तम्हानु सब कोच्छ करती ङिखाणले, कि ये रीति लारे मेहनत करते हुले बेबस लौका नु सम्भालणे, ते प्रभु ईशु चा बाता नु याद राखणे जरुरी छै, कि ओणे आप ही खौद्द केहले, ‘गेहणे कनु ङेणे भले छै।’ ”

प्रेरितां चे काम 28:10

वाणे अम्चा ब़ोहत ज्यादा आदर सत्कार करला, ते जिसे बेले अम्ही टुरु लाग़ले, ते जको कोच्छ चीजा ची अम्हानु जरुरत हुती, ते वाणे वां चीजा नु जहाजा उपर मेहलती ङिलीया।

रोमियां 12:8

जानु होंसला ब़न्धावणे चा वरदान मिड़ला, ओ होंसला ब़न्धाता रिहो, ते दान ङेणे आला खुले मना लारे दान करो, जको अगुवाई करे, ओ लगन लारे करो, जको दया करे, ओ खुशी लारे करो।

रोमियां 15:27

आच्छे तां लाग़ले, पर वे वांचे कर्जदार वी छी, कांकि अगर नेरीया जातिया वांचीया आत्मिक बाता मां शामिल हुले तां वांचे वास्ते वाजिब छै कि, संसारिक चीजा लारे वांची सेवा करा।

रोमियां 16:12

त्रूफेना ते त्रूफोसा नु जको प्रभु मां मेहनत करने आलीया नु नमस्कार। प्यारी पिरसिस प्रभु मां घणी मेहनत करने आली नु नमस्कार।

1 कुरिन्थियां 15:10

पर मैं जको कोच्छ वी छै, नरीकारा चे अनुग्रह लारे छै। ते ओचा अनुग्रह जको माये उपर हुला, ओ बेकार कोनी हुला। पर मैं वां सबकनु बधती कर मेहनत वी करली तां वी ईं माये तरफु कोनी हुले पर नरीकारा चे अनुग्रह लारे जको माये उपर हुता।

1 कुरिन्थियां 16:16

ऐवास्ते मैं तम्हा कनु बिनती करे पला कि इसड़ा चे अधीन रिहा, बल्कि हर-हेक चे जको ऐ कामा मां मेहनती ते सहायक छी।

1 कुरिन्थियां 3:9

कांकि अम्ही नरीकारा चे भईवाल छिऊं। तम्ही नरीकारा ची भोंये छिवा, तम्ही नरीकारा चा भवन वी छिवा।

2 कुरिन्थियां 6:1

ते अम्ही जको नरीकारा चे भईवाल छिऊं, ईं वी समझाऊं, कि नरीकारा चा अनुग्रह जको तम्चे पर हुला, ओनु बेकार ना जऊं ङिया।

गलातियां 6:6

जानु नरीकारा चा वचन सुणाला गेला ओनु चाही छै कि, जको उत्तम चीज ओकनु छै, ओचे मां आपणे वचन सुणावणे आले साथी नु आपणा हेंस्सेदार बणाती गिहो।

फिलिप्पियां 2:16

जब तम्ही जीन्दगी ङेणे आला सुसमाचार सुणावा तां तम्ही इसड़े ही करते रिहा, ताकि मसीह चे ङिओ मनु घमण्ड करने ची वजह हो कि ना माये द्रोड़ने ते ना माई मेहनत करले बेकार हुली।

फिलिप्पियां 2:29

ऐवास्ते तम्ही प्रभु मां ओचे लारे घणी खुशी लारे ओचा स्वागत करा, ते इसड़ा बन्दा चा ज्यादा कनु ज्यादा कद्दर करले करा।

फिलिप्पियां 4:3

हे सच्‍चा भईवाल, मैं दुधे कनु वी बिनती करे पला कि तु वां असतरीया ची सहायता कर। कांकि वाणे माये लारे सुसमाचार प्रचार करने मां, क्लेमेन्स ते माये नेरे भईवाला समेत मेहनत करली, जाये नां जीवन ची किताबे मां लिखले पले।

1 तीमुथियुस 3:5

कांकि कुई आपणे घरा ही चा प्रबन्ध ना करने जाणता हो, तां ओ नरीकारा ची कलीसिया ची रखवाली किवें करी?

1 तीमुथियुस 4:10

कांकि अम्ही घणी मेहनत ते जत्तन ऐवास्ते करु कि, अम्ची आस ओ जीते नरीकारा उपर छै, जको सारा बन्दा चा छै, ते खास करती कर विश्‍वास करने आला चा उद्धारकर्ता छै।

1 तीमुथियुस 4:14

ओ आत्मिक वरदाना लारे जको दुधे कनु छै, ओनु कामा मां गेहते जको भविष्यवाणी लारे अग़ुवा चे हाथ मेहलणे चे समय उपर तनु मिड़ला हुता।

1 तीमुथियुस 4:16

आपणी ते आपणे उपदेश ची चौकसी राख। यां बाता उपर टिकला रेह, कांकि अगर इसड़े करता रिहे, तां तु आपणे, ते आपणे सुणने आला चे वास्ते वी उद्धार ची वजह हुवे।

1 तीमुथियुस 4:6

अगर तु भऊ ते ब़ेहणीया नु यां बाता ची याद ङिवाता रिहे तां, ते ईशु मसीह चा आच्छा सेवक बणे, ते विश्‍वास ते ओ आच्छे उपदेश चा बाता लारे, जको तु मनता आला, दुधा पालन पोसण हुता रिही।

1 तीमुथियुस 5:19

कुई दोष कलीसिया चे अग़ुवे उपर लाला जाओ तां बिना ङोन जा तीन ग़वाहा चे ओनु ना सोण।

1 तीमुथियुस 5:3

वा बांढीया चा कद्दर कर जको सच्‍चमां बगैर कुणम्बे चा छी।

2 तीमुथियुस 2:6

जको कड़ी मेहनत करे, फला चा पेहला भाग़ ओनु मिलणा चाही छै।

2 तीमुथियुस 4:2

कि तु वचन चा प्रचार कर, समय बे समय काम करने चे वास्ते तियार रेह, हर-तरीके चा सब्र, ते शिक्षा चे लारे उलाहणा ङे, ते दड़का ते बढ़ावा ङिती कर तसल्‍ली लारे समझा।

इब्रानियां 13:17

आपणे अग़ुवा ची आज्ञापालन करा, वांचे अधीन रिहा, वे तम्ची आत्मा चे पाहरेदार छी, वानु तम्चे बारे मां हिसाब ङेणा, वांचे वास्ते ईं काम खुशी चा विषय बणला रिहो। अगर हेक कष्ट भरला बोझ बणा, तां ईं तम्चे वास्ते फायदेमन्द नी हुवी।

इब्रानियां 13:24

तम्चे सारे अग़ुवा ते सारे नरीकारा चे लौका नु माया नमस्कार केहजा, इटली वासीया चा तम्हानु नमस्कार।

इब्रानियां 13:7

जको तम्चे अग़ुवे हुते, ते जेह्णे तम्हानु नरीकारा चा वचन सुणाला हुता, वानु याद राखा ते ध्यानारीत वांचे चाल-चलन चा अन्त ङेखती कर वांचे विश्‍वास चा अनुसरण करा।