3 जको बीहा करने कनु रोके, ते खाणे ची कोच्छ चीजा कनु दूर रेहणे ची आज्ञा ङिये, जानु नरीकारा ने ऐवास्ते रचले कि विश्वास करने आला, ते सच्च नु पिछाणने आले वानु धन्यवाद चे लारे खाये।
बल्ति ओणे लौका नु खड़ा उपर ब़ेसणे वास्ते केहले, ते वां पाँच रोटीया ते ङोन माछलीया नु चले, ते स्वर्ग़ा सनु ङेखती कर नरीकारा चा धन्यवाद करला, ते रोटीया भान्ती-भान्ती कर चैला नु ङिलीया, ते चैला ने लौका नु।
जको कुई किसे ङिहां नु मने, वे प्रभु वास्ते मने, जको कुई सब कोच्छ खाये, वे प्रभु वास्ते सब कोच्छ खाये, कांकि वे नरीकारा चा धन्यवाद करी, ते जको कुई कोच्छ चीज ना खई, वे प्रभु वास्ते ना खई, वे वी नरीकारा चा धन्यवाद करी।
बदड़ली आली विचित्र प्रकार ते अणजाण शिक्षा चे बहकावे मां ना बहकजा। दिला वास्ते सही छै कि ऊं अनुग्रह चे जरिये मजबूत करले जाओ, ना कि खाणे चे चीजा जरिये, खान-पान चे सम्बन्धी प्रथा चे जरिये काये भले कोनी हुले।