1 तीमुथियुस 3:2 - ओङ राजपूत

² ऐवास्ते जरुरी छै कि मुखिया निर्दोष, ते हेकी ही घराआली चा मोणस, संयम राखणे आला, समझदार, इज्जत करने आला, मेहमानी करने आला, ते सिखावणे मां आच्छा हो।

1 तीमुथियुस 3:2 Iomraidhean Croise

लूका 1:6

ते वे ङोनी नरीकारा चे सामणे धर्मी हुती, ते प्रभु चीया सारीया आज्ञा ते विधिया उपर निर्दोष चलणे आली हुती।

लूका 2:36

ते अशेर चे गोत्र महु हन्‍नाह नांवा ची फनुएल ची धूउ भविष्यवक्‍तनी हुती, वा घणी ब़ुढी हुती, ते बीहा हुवणे चे बाद सात साल ही आपणे मुणसा लारे रेहली।

रोमियां 12:13

नरीकारा चे लौका नु जको कोच्छ जरुरी हो, ओचे मां वांची सहायता करा। मेहमाना ची सेवा करने मां लाग़ले रिहा।

फिलिप्पियां 2:15

ताकि तम्ही भोले-भाले ते पवित्र बणती जावा। बल्ति टेढे ते हठीले लौका चे बीच नरीकारा ची निष्कलंक ऊलाद्ध बणती जावा। वांचे बीच मां तम्ही जीवन चा वचन चते हुले दुनिया मां तारा आलीकर चमकते ङिसा।

1 तीमुथियुस 3:12

कलीसिया चा सेवक हेक ही घराआली चे मोणस हो ते ब़ाला-ब़च्‍चा चा ते कुणम्बे चा आच्छा प्रबन्ध करना जाणते हो।

1 तीमुथियुस 3:8

यूंही सेवका नु वी आच्छे विचारा चे हुवणे चाही छै, जाई बाता उपर भरोसा करला जाओ, ङोन रंगी ना हो, पीणे आला ना हो, ते नीच कमाई चा लोभी ना हो।

1 तीमुथियुस 4:3

जको बीहा करने कनु रोके, ते खाणे ची कोच्छ चीजा कनु दूर रेहणे ची आज्ञा ङिये, जानु नरीकारा ने ऐवास्ते रचले कि विश्‍वास करने आला, ते सच्‍च नु पिछाणने आले वानु धन्यवाद चे लारे खाये।

1 तीमुथियुस 5:10

ते भले कामा मां सरनाम रेहली हो, जेह्णे ब़ाला चा पालन पोसण करला हो, मेहमाना ची सेवा करली हो, प्रभु चे पवित्र लौका चे पग़्ग़ धोले हो, ङुखीया ची सहायता करली हो, ते हर हेक भले कामा मां मन लाले हो।

1 तीमुथियुस 5:22

कलीसिया चा अग़ुवा बणावणे चे वास्ते काये उपर तुरन्त हाथ ना मेहलजा। ङुजा चे पापा मां भाग़ी ना हुजा। आपणे आप नु पवित्र बणाती राखा।

1 तीमुथियुस 5:9

वे बांढी चे नां सहायता सूची मां लिखले जाओ, जको साठ साल ची उम्री ची ना हो, ते हेके ही मुणसा ची घराआली रेहली हो।

2 तीमुथियुस 2:24

ते प्रभु चे दास नु झग़ड़ालु नी हुवणे चाही छै, ते सारा चे लारे मुलायम ते बन्दा नु शिक्षा ङेणे मां समझदार हुवणे चाही छै, ते सहन करने आला हो।

तीतुस 2:2

यानि ब़ुढ़े मर्दा नु समझाती ङे, सचेत ते गम्भीर ते संयमी हो, ते वांचा विश्‍वास ते प्रेम ते सब्र पक्‍का हो।

इब्रानियां 13:2

अतिथि-सत्कार करने ना भूलजा, कांकि इसड़े करने लारे कोच्छ लौका ने अणजाणे मां स्वर्ग़दूता चा अतिथि-सत्कार करला।

इब्रानियां 3:14

अगर अम्ही आपणे पेहले भरोसे नु अन्त तक बणाली रिहुं, तां अम्ही मसीह चे भईवाल बणले रिहुं।

1 पतरस 4:7

सारीया बाता चा अन्त तुरन्त हुवणे आला छै। ऐवास्ते काबु हुती कर प्राथना वास्ते चौकस रिहा।

1 पतरस 4:9

बिना बुड़कले हेके ङुजे ची मेहमानी ते कद्दर करा।

1 पतरस 5:8

सचेत हुवा ते जाग़ते रिहा कांकि तम्चा विरोधी शैतान गरजणे आले शेरा आलीकर ईं सोता रिहे कि कानु फाड़ती खाये