1 तीमुथियुस 3:16 - ओङ राजपूत

¹⁶ ते ऐचे मां कुई शक्‍क कोनी, कि भग़ती चा भेद गम्भीर छै, यानिकि मसीह जको शरीरा मां प्रकट हुला, पवित्र आत्मा मां धर्मी सेद्ध ठहरला, स्वर्ग़दूता नु ङिसला, नेरीया जातिया मां ओचा प्रचार हुला, संसारा मां ओचे उपर विश्‍वास करला गेला, ते महिमा मां उपर चवीला गेला।

1 तीमुथियुस 3:16 Iomraidhean Croise

मत्ती 1:23

“ङेखा, हेक कुंवारी ढिड्डा लारे हुवी ते हेक पूत पैदा करी, ते ओचे नां इम्मानुएल राखले जई।” जाया मतलब, “नरीकार अम्चे लारे छै।”

मत्ती 13:11

ओणे उत्तर ङिला, “तम्हानु तां स्वर्ग़ चे राज़ चे भेदा ची समझ ङिली गेली, पर वानु कोनी।

मत्ती 28:2

ते ङेखा, हेक बङा भूकम्प हुला, कांकि प्रभु चा हेक स्वर्ग़दूत स्वर्ग़ा कनु उतरला ते गोढु आती कर ओणे पत्थरा नु रेहड़ती ङिले, ते ओचे उपर ब़ेसती रेहला।

मत्ती 3:16

ते ईशु बपतिस्मा गेहती कर तुरन्त पाणीया महु उपर आला, ते ङेखा, ओचे वास्ते आसमान खुलती गेला, ते ओणे नरीकारा ची आत्मा नु कबूतरा चे समान उतरते ते आपणे उपर आते ङेखले।

मत्ती 4:11

बल्ति शैतान ओनु छोड़ती कर चाह्‍ला गेला, ते ङेखा, स्वर्ग़दूत आती कर ओची सेवा करु लाग़ले।

मरकुस 1:13

बरब्याना मां चालीस ङिहां तक शैतान ने ओची परीक्षा गेहली, ते ओ जंगली जानवरा चे लारे रेहला, ते स्वर्ग़दूत ओची सेवा करते रेहले।

मरकुस 16:19

प्रभु ईशु वांचे लारे बाता करने चे बाद स्वर्ग़ा उपर चती गेहला गेला, ते नरीकारा चे सज़्ज़े पासु ब़ेसती रेहला।

मरकुस 16:5

कब्री चे भीतर जती कर वाणे हेके जवाना नु चिट्टी ओढ़णी घाले हुले सज़्ज़े पासु ब़ेहले ङेखले, ते ब़ोहत चकराती गेलीया।

लूका 2:32

कि ओ नेरीया जातिया नु सोज़ले ङेणे वास्ते ज्योति ते दुधे खौद्द ची प्रजा इस्राएल चे वास्ते महिमा हो।”

लूका 20:44

दाऊद ओनु प्रभु किहे, तां ओ ओचा पूत किवें ठहरला?”

लूका 22:43

तब स्वर्ग़ा कनु हेक दूत ओठे ङिसला जको ओनु ताकत ङिता।

लूका 24:4

जब वे ये बाते कनु चकराती गेलीया, तां ङेखा, ङोन मर्द झलकती ओढ़णी घाले हुले, वांचे गोढु आती भिले रेहले।

लूका 24:51

ते वानु आशीष ङिते हुले ईशु वांचे कनु अलग़ हुती गेला ते स्वर्ग़ा उपर चती गेहला गेला।

यूहन्‍ना 1:14

ते वचन देहधारी हुला, ते अनुग्रह ते सच्‍चाई लारे भरीती कर अम्चे बीच मां डेरा करला, अम्ही ओची इसड़ी महिमा ङेखली, जिसड़ी ब़ा चे हिकड़ाते ची महिमा।

यूहन्‍ना 13:3

ईशु ने ईं जाणती कर कि नरीकारा ब़ा ने सब कोच्छ ओचे हाथा मां करती ङिले, ते ओ नरीकारा कनु आला ते नरीकारा चे गोढु जाये पला,

यूहन्‍ना 15:26

“जिसे बेले ओह सहायक आवी, जानु मैं तम्चे गोढु ब़ा ची तरफु भेज़ी, यानिकि सच्‍चाई चा आत्मा जको ब़ा ची तरफु आवी, तां ओह माई ग़वाही ङिही।

यूहन्‍ना 16:28

मैं ब़ा ची तरफु संसारा मां आला, मैं बल्ति संसारा नु छोड़ती कर ब़ा चे गोढु जाये पला।”

यूहन्‍ना 17:5

हमा, हे पिताजी, तु आपणे लारे माई महिमा वे महिमा लारे कर जको संसारा ची सृष्टि कनु पेहले माई दुधे लारे हुती।

यूहन्‍ना 20:12

जिठे ईशु ची लाश मेहली गेलती ली, ओठे विणे चिट्टी ओढ़णा आलीकर ङोन स्वर्ग़दूत ङेखले, हेक तां ठोङा आले पासु ते ङुजा पग़्ग़ा आले पासु ब़ेहले ङेखले।

यूहन्‍ना 6:62

अगर तम्ही मैं इन्साना चे पूता नु उपर जते ङेखा, जिठे मैं पेहले रेहता, ते तम्ही का करा?

प्रेरितां चे काम 1:19

ते ये बाते नु यरुशलेम चे सारे रेहणे आले जाणती गेले, इठे तक कि ओ खेता चे नां वांची भाषा मां हकलदमा यानि “लुहींया चा खेत” पड़ती गेले।

प्रेरितां चे काम 10:34

बल्ति पतरस ने केहले, “हमा मैं ठानती गेले कि नरीकार काया पक्ष ना करी,

प्रेरितां चे काम 14:27

ओठे पुज़ती कर वाणे कलीसिया नु भेले करले ते वानु बावड़ले कि, “नरीकारा ने अम्चे लारे हुती कर किसड़ी बङी-बङी कामे करली, ते नेरीया जातिया चे वास्ते विश्‍वास चे दरवाजे खोलती नाखले।”

प्रेरितां चे काम 20:28

ऐवास्ते आपणी ते पुरे झुन्डा ची ङेख-रेख करा, जाये मां पवित्र आत्मा ने तम्हानु नु मुखिया ठहराले कि तम्ही नरीकारा ची कलीसिया ची रखवाली करा, ओणे तम्हानु आपणे पूता चे लुहींया लारे मोल गेहती गेले।

रोमियां 10:12

यहूदिया मां ते नेरीया जातिया मां कुई भेद कोनी, ऐवास्ते कि ओ सब चा प्रभु छै। ते ओची दया वा सब चे वास्ते छै, जको ओचे ना गिहे, अपरम्पार छै।

रोमियां 10:18

पर मैं किहे कि, “का वाणे अम्चा प्रचार कोनी सुणले?” सुणले तां सही, कांकि पवित्रशास्त्रा मां लिखले आले छै, “वांचे शब्द सारी धरती चे उपर, ते वांचे वचन संसारा चे कूणे तक पुज़ती गेले।”

रोमियां 16:25

हमा जको तम्हानु माया सुसमाचार यानिकि ईशु मसीह चे सनेसे चे प्रचार चे अनुसार मजबूत कर सग़े, ओ भेद चे प्रकाश चे अनुसार जको सनातन कनु लुकला रेहला,

रोमियां 16:26

पर हमा प्रकट हुती कर सनातन नरीकारा ची आज्ञा लारे भविष्यवक्‍ता चीया किताबा चे जरिये सब जातिया नु बावड़ला गेला कि वे विश्‍वासा लारे आज्ञा मनणे आले हुती जाओ।

रोमियां 3:4

बल्कि नरीकार सच्‍चा छै ते हर-हेक बन्दे कूड़े छै, जिसड़े कि पवित्रशास्त्रा मां लिखले पले कि, “जाये कनु तु आपणीया बाता मां धर्मी ठहरी, ते न्यां बेले तु जय पावे।”

रोमियां 8:3

कांकि जको काम व्यवस्था, शरीरा चे वजह दुर्बल हुती कर ना कर सग़ली, ओनु नरीकारा ने करले, यानिकि आपणे ही पूता नु पापमय शरीरा ची समानता मां, ते पाप चे बलिदान हुवणे चे वास्ते भेज़ती कर, शरीरा मां पापा उपर ङण्ड ची आज्ञा ङिली।

रोमियां 9:5

पुरखे वी वांचे ही छी, ते मसीह वी शरीरा चे भाव लारे वांचे महु ही हुला, जको सब चे उपर परम नरीकार युगानयुग धन्‍न छै। आमीन।

1 कुरिन्थियां 15:47

पेहले इन्सान शरीरिक हुते यानि माटी चे बणले आले हुते, ङुजे इन्सान स्वर्ग़ीय छै।

1 कुरिन्थियां 2:7

पर अम्ही नरीकारा चा गुप्त ज्ञान, भेद ची रीति चे अनुसार बावड़ु, जको नरीकारा ने युगा कनु पेहले अम्ची महिमा वास्ते तय करला हुता।

2 कुरिन्थियां 1:19

कांकि नरीकारा चा पूत ईशु मसीह, जाया अम्चे जरिये यानिकि माये ते सिलवानुस ते तीमुथियुस चे जरिये तम्चे बीच मां प्रचार हुला, ओचे मां, “हां” ते “ना” ङोनी कोनी हुते पर ओचे मां “हां” ची “हां” ही हुली।

गलातियां 2:8

नरीकारा ने पतरस नु हेक प्रेरित चे रुप मां काम करने ची ताकत ङिली हुती, पतरस यहूदी लौका वास्ते हेक प्रेरित छै, नरीकारा ने मनु वी हेक प्रेरित चे रुप मां काम करने ची ताकत ङिली, पर मैं वां लौका चा प्रेरित छै जको नेरीया जातिया छी,

गलातियां 4:4

पर जिसे बेले समय पूरा हुला तां नरीकारा ने आपणे पूता नु भेज़ले, ओ हेक असतरी महु जमला ते व्यवस्था चे अधीन पैदा हुला।

इफिसियां 1:9

कांकि ओणे आपणी इच्छा चा भेद, ओ बेले कामा चे अनुसार अम्चे उपर उजागर करला, जानु ओणे आपणे आप मां मसीह मां तय करती गेलते।

इफिसियां 6:19

माये वास्ते वी प्राथना करा, कि मनु ब़ोलते बेले इसड़ा ताकत भरला वचन मिलो, कि मैं हिम्मती चे लारे सुसमाचार चे भेदा नु बावड़ सग़े।

कुलुस्सियां 1:23

ईं तां हो सग़े कि तम्ही विश्‍वास ची ढाल उपर मजबूत बणले रिहा ते ओ सुसमाचार ची आस नु जानु तम्ही सुणले, ना छोड़ा, जाया प्रचार आसमाना चे तले सारे संसारा मां करला गेला ते जाया मैं पौलुस सेवक बणला।

कुलुस्सियां 1:27

जाये उपर नरीकारा ने प्रकट करने चाह्‍ले, कि वानु पता लाग़ो कि सारे लौका मां ओ भेदा ची कीमत चा धन का छै? ते वा हाओ छै, कि मसीह जको महिमा ची उम्मीद छै वा तम्चे मां बणली रिहो।

कुलुस्सियां 1:6

हा सुसमाचार पुरे जग़त मां सफल हुवे पला, ते फैलता जाये, जिंवे तम्चे मां ओस समय कनु सफल हुं लाग़ला, जिसे बेले तम्ही नरीकारा ची कृपा चे बारे मां सुणले ते सच्‍चमां तम्ही समझले हुते।

कुलुस्सियां 2:2

ईं मैं ऐवास्ते किहे ताकि वांचे मना मां बढावा मिलो ते वे प्रेम मां आपस मां ग़ठले रिहो, ते वे पुरी समझ चा सारे धन नु प्राप्त करो, जाये कनु वे नरीकारा चे भेद नु यानि मसीह नु पिछाणती गिहो।

2 थिस्सलुनीकियां 1:10

हा ओ ङिओ हुवी, जिसे बेले ओ आपणे पवित्र लौका मां महिमा पाणे, ते सारे विश्‍वास करने आला मां आश्‍चर्य ची वजह हुवणे चे वास्ते आवी, तम्ही वी वां लौका मां शामिल हुवा, कांकि तम्ही मसीह चे सुसमाचार उपर विश्‍वास करला।

2 थिस्सलुनीकियां 2:7

कांकि अधर्म चा भेद हमा वी काम करे, पर हमा हेक रोकणे आला छै, ते जब तक ओ दूर ना हुती जई, ओ रोकली रिही।

1 तीमुथियुस 3:9

पर याहनु तां नरीकारा लारे प्रकट हुले विश्‍वास चे भेद नु शोद्ध विवेक लारे सम्भालती राखा।

इब्रानियां 1:3

ओ नरीकारा ची महिमा चे सोज़ले, ते ओचे सुभाव ची छाप छै, ते सारीया चीजा नु आपणी सामर्थ चे वचना लारे, सम्भाले। ओ अम्चे पापा नु धोती कर, स्वर्ग़ा मां सर्वशक्‍तिमान नरीकारा चे सज़्ज़े पासु जती ब़ेहला।

इब्रानियां 12:2

ते विश्‍वास चे कर्ता ते सेद्ध करने आले ईशु ची तरफ तकते रिहुं, जेह्णे ओ आनन्द वास्ते जको ओचे वास्ते पला हुता, लाज़ ची कुई चिन्ता ना करते हुले क्रूस चे ङोख सेहले, ते नरीकारा चे सिंहासन चे सज़्ज़े पासु जती ब़ेहला।

इब्रानियां 7:7

ते ऐचे मां शक्‍क कोनी कि छोटा बङे कनु आशीष गिहे।

इब्रानियां 8:1

हमा जको बाता अम्ही किहुं पले, वांचे महु सबकनु बङी बात हा छै, कि अम्चा इसड़ा महायाजक छै, जको स्वर्ग़ा चे उपर महिमामय नरीकारा चे सिंहासना चे सज़्ज़े पासु जती ब़ेहला।

1 पतरस 1:12

वांचे उपर ईं वी उजागर करले गेले, कि वे आपणी कोनी बल्कि तम्ची सेवा करने चे वास्ते ये बाता किही पलते ले, जाया समाचार तम्हानु हमा वांचे जरिये मिड़ला जेह्णे पवित्र आत्मा चे जरिये जको स्वर्ग़ा कनु भेज़ला गेला तम्हानु सुसमाचार सुणाला, जा बाता नु जाणने चे वास्ते तां स्वर्ग़दूत वी तरसते रिही।

1 पतरस 1:20

ऐ संसारा ची शुरुआत कनु ही पेहले ओनु चुणती गेलते ले, पर तम्चे वास्ते ओनु यां आखरी ङिहां मां ओणे उजागर करले।

1 पतरस 1:21

जको ओचे जरिये ओ नरीकारा उपर विश्‍वास करा, जेह्णे ओनु मरले आला महु जीते करले, ते महिमा ङिली, कि तम्चा विश्‍वास ते उम्मीद नरीकारा उपर हो।

1 पतरस 3:18

कांकि मसीह ने वी अम्चे पापा चे वास्ते ङोख भोग़ले। यानिकि ओ बेकसूर हुता। अम्चे पापा चे वास्ते हेक वारी मरती गेला कि अम्हानु नरीकारा चे गोढु गेहती जाओ। शरीरा चे जरिये तां ओ मारला गेला, पर आत्मा चे जरिये जिवाला गेला।

1 पतरस 3:22

ओ स्वर्ग़ा मां जती कर नरीकारा चे सज़्ज़े पासु जती कर ब़ेसती रेहला, ते स्वर्ग़दूत ते अधिकारी ते सामर्थी ओचे अधीन मां करती ङिले गेले।

1 यूहन्‍ना 1:2

ओ जीवना चा ज्ञान अम्हानु ङिला गेला, ते अम्ही ओनु ङेखले, ते ओची ग़वाही ङिऊं पले, ते तम्हानु अनन्त जीवन ङेणे आले ची घोषणा करु पले जको ब़ा नरीकार चे लारे हुता अम्चे उपर प्रकट हुला।

1 यूहन्‍ना 3:5

तम्ही जाणा कि ईशु मसीह ऐवास्ते आला कि बन्दा चे पापा नु नाश करती नाखो। ते ओणे कङी पाप कोनी करला।

1 यूहन्‍ना 3:8

जको कुई पाप करे ऊं शैताना ची ओर कनु छै, कांकि शैतान शुरु कनु पाप करता आला। नरीकारा चा पूत ऐवास्ते प्रकट हुला कि शैताना चे कामा नु नाश करो।

प्रकाशितवाक्य 17:5

ते विचे मत्थे उपर रहस्यमय नां लिखले आले हुते, “भेद बङा बेबीलोन, धरती चा वेश्या, ते गन्दिया चीजा ची आई।”

प्रकाशितवाक्य 17:7

ओ स्वर्ग़दूता ने मनु केहले, “तु कां हैरान हुला? मैं तनु ऐ असतरी चा ते ओ ङरावणे ढौरा चा जिसे उपर वा ब़ेहली ली, ते जाया सात ठोङीया ते ङस सींगे छी, तनु मैं भेद बावड़े।

प्रकाशितवाक्य 7:9

ऐचे बाद मैं नजर करली, ते ङेखा, हर हेक जाति, ते कोल्‍ल, ते लौक ते भाषा महु हेक इसड़ी बङी भीड़, जानु कुई गेण ना सग़ते। चिट्टी ओढ़णी घाली आले ते आपणे हाथा मां खज्जी चा लड़ीया चले हुले सिंहासना चे सामणे ते मैमणे चे सामणे भिली।