1 तीमुथियुस 3:15 - ओङ राजपूत

¹⁵ कि अगर माये आणे मां देर हुवे तां तु जाणती गिहो, कि नरीकारा चा कुणम्बा, जको जीते नरीकारा ची कलीसिया छै, ते जको सच्‍चाई चा खम्बा, ते नीम छै, ओचे मां किसड़ा बर्ताव करना चाही छै।

1 तीमुथियुस 3:15 Iomraidhean Croise

मत्ती 16:16

शमौन पतरस ने उत्तर ङिला, “तु जीते नरीकारा चा पूत मसीह छी।”

मत्ती 18:18

“मैं तम्हानु सच्‍च किहे पला कि जको कोच्छ तम्ही धरती उपर ब़ांधा, ऊं स्वर्ग़ा मां ब़झी, ते जको कोच्छ तम्ही धरती उपर खोला, ऊं स्वर्ग़ा मां खुली।

यूहन्‍ना 1:17

ऐवास्ते व्यवस्था तां मूसा चे जरिये ङिली गेली, पर अनुग्रह ते सच्‍चाई ईशु मसीह चे जरिये पुज़ली।

यूहन्‍ना 14:6

ईशु ने वानु केहले, “मार्ग़, सच्‍चाई ते जीन्दगी मैं ही छै। बिना माये जरिये कुई नरीकार ब़ा गोढु पोज़ ना सग़ी।

यूहन्‍ना 18:37

पिलातुस ने ओनु केहले, “तां का तु राजा छी?” ईशु ने उत्तर ङिला, “तु किही कि मैं राजा छै। मैं ऐवास्ते जनम गेहला ते ऐवास्ते संसारा मां आला छै कि सच्‍चाई ची ग़वाही ङिये। जको कुई सच्‍चाई चे छै, ऊं माये शब्द सुणे।”

यूहन्‍ना 6:69

ते अम्ही विश्‍वास करला ते जाणती गेले कि नरीकारा चा पवित्र जन तु ही छी।”

प्रेरितां चे काम 1:2

ओ ङिओ तक जिसे बेले ओ वां प्रेरितां नु जानु ओणे चुणले ते, पवित्र आत्मा चे लारे आदेश ङिती स्वर्ग़ मां उपर चवीला ना गेला।

प्रेरितां चे काम 14:15

“हे लौक, तम्ही का करा पले? अम्ही वी तां तम्चे आलीकर ङोख सोख भोग़णे आले इन्साने छिऊं, ते तम्हानु सुसमाचार सुणाऊं पले, कि तम्ही यां बेकार चीजा कनु अलग़ हुती कर जीते नरीकारा सनु फिरा, जेह्णे स्वर्ग़ ते धरती ते समुन्दर ते जको कोच्छ वांचे मां छी बणाले।

रोमियां 3:2

हर-हेक नजरीये लारे ब़ोहत कोच्छ। सबकनु पेहले तां नरीकारा चा वचन यहूदिया नु सोंपला गेला हुता।

रोमियां 9:26

ते, “इसड़े हुवी कि जिसी जग़हा मां वानु केहले गेले हुते, कि ‘तम्ही माई प्रजा कोनी छिवा,’ वेही जग़हा मां वे जीते नरीकारा ची ऊलाद्ध किहवावे।”

1 कुरिन्थियां 10:32

तम्ही ना यहूदिया वास्ते, ना नेरीया जातिया ते ना नरीकारा ची कलीसिया वास्ते ठोकर ची वजह बणा।

1 कुरिन्थियां 3:16

का तम्ही ना जाणा, कि तम्ही नरीकारा चा मन्दर छिवा, ते नरीकारा ची आत्मा तम्चे मां बसे पला?

2 कुरिन्थियां 3:3

ईं साफ छै कि, तम्ही मसीह ची लिखली आली चिठ्ठी जिसड़े छिवा, ते अम्ची सेवकाई चा फल छिवा, ते जको सियाही लारे कोनी, पर जीते नरीकारा ची आत्मा लारे पत्थरा ची पट्टिया उपर कोनी, पर कालजे चे मांस रूपी पट्टिया उपर लिखली आली छै।

2 कुरिन्थियां 6:16

ते मूर्तिया चे लारे नरीकारा चे मन्दरा चा का रिश्ता? कांकि अम्ही तां जीते नरीकारा चे मन्दर छिऊं, जिसड़े कि नरीकारा ने केहले, “मैं वांचे मां वास करी ते वांचे मां टुरता फिरता रिही, ते मैं वांचा नरीकार हुवी, ते वे माये लौक हुवी।”

2 कुरिन्थियां 6:7

सच्‍चाई चे वचन लारे, नरीकारा ची सामर्थ लारे, धार्मिकता चे हथियारा लारे जको सज़्ज़े ते खब़्ब़े हाथा मां छी,

गलातियां 2:9

जिसे बेले वाणे ओ अनुग्रह नु जको मनु मिड़ला हुता समझती गेले, तां याकूब, ते यूहन्‍ना, ते पतरस जको कलीसिया चे खम्बे समझले जते, मनु ते बरनबास नु आपणी संगति चा सज़्ज़ा हाथ ङिला, कि अम्ही नेरीया जातिया मां जऊं ते वे खतना करले आले यहूदी लौका मां,

गलातियां 3:1

हे गलाति शहरा मां रेहणे आले ब़ुध्दु लौक तम्हानु केहणे मोहति गेले? मैं तां तम्हानु खोलती कर बावड़ती ङिले ते, जिंवे तम्चे सामणे ईशु मसीह नु क्रूसा उपर चढ़ाले गेले,

इफिसियां 4:21

बल्कि तम्ही सच्‍चमां ओची सुणली ते जिसड़ी ईशु मां सच्‍चाई छै, ओचे मां सिखाले वी गेले,

कुलुस्सियां 1:5

ईं वे उम्मीद ते प्रेम चे वजह हुले जको तम्चे वास्ते स्वर्ग़ा मां पली छै, जाई चर्चा तम्ही ओह सुसमाचार चे सच्‍चे वचना मां सुणती चुकले।

1 थिस्सलुनीकियां 1:9

कांकि वे आप ही अम्चे बारे मां बावड़ी कि तम्चे गोढु अम्चे आवणे किसड़े हुले, ते तम्ही कांकि मूर्ता कनु नरीकारा ची तरफ फिरले ताकि जीते ते सच्‍चे नरीकारा ची सेवा करा

1 तीमुथियुस 3:14

मैं दुधे गोढु जल्दी आणे ची उम्मीद राखणे उपर वी ये बाता तनु ऐवास्ते लिखे पला,

1 तीमुथियुस 3:16

ते ऐचे मां कुई शक्‍क कोनी, कि भग़ती चा भेद गम्भीर छै, यानिकि मसीह जको शरीरा मां प्रकट हुला, पवित्र आत्मा मां धर्मी सेद्ध ठहरला, स्वर्ग़दूता नु ङिसला, नेरीया जातिया मां ओचा प्रचार हुला, संसारा मां ओचे उपर विश्‍वास करला गेला, ते महिमा मां उपर चवीला गेला।

1 तीमुथियुस 3:2

ऐवास्ते जरुरी छै कि मुखिया निर्दोष, ते हेकी ही घराआली चा मोणस, संयम राखणे आला, समझदार, इज्जत करने आला, मेहमानी करने आला, ते सिखावणे मां आच्छा हो।

1 तीमुथियुस 3:5

कांकि कुई आपणे घरा ही चा प्रबन्ध ना करने जाणता हो, तां ओ नरीकारा ची कलीसिया ची रखवाली किवें करी?

1 तीमुथियुस 4:10

कांकि अम्ही घणी मेहनत ते जत्तन ऐवास्ते करु कि, अम्ची आस ओ जीते नरीकारा उपर छै, जको सारा बन्दा चा छै, ते खास करती कर विश्‍वास करने आला चा उद्धारकर्ता छै।

1 तीमुथियुस 6:16

ते अमरता हेको नरीकारा ची ही छै, जको घणे चमकदार सोज़ले मां रिही, ओचे सोज़ले गोढु कुई ना जा सग़ी, ते ना ओनु कुई बन्दे ने ङेखले, ते ना कङी ङेख सग़े, ओचा मान-समान ते राज़ युगानयुग हुता रिहो। आमीन।

2 तीमुथियुस 2:19

तां वी नरीकारा ची पक्‍की नीम बणली रिहे, ते ओचे उपर हा छाप लाग़ली पली, “प्रभु आपणा नु पिछाणे,” ते “जको कुई प्रभु चे नां गिहे, ऊं अधर्म कनु बचले रिहो।”

2 तीमुथियुस 2:20

बङे घरा मां ना हेको सोने चान्दी ची ठांवे रिही, बल्कि लाकड़ी ची ते माटी ची वी रिही, कुई-कुई तां कद्दर चे वास्ते ते कुई-कुई अनादर चे वास्ते।

इब्रानियां 10:21

ते ऐवास्ते अम्चा इसड़ा महान याजक छै, जको स्वर्ग़ा मां नरीकारा चे घरा चा अधिकारी छै,

इब्रानियां 12:22

पर तम्ही सिय्योन पहाड़ा चे गोढु, जीते नरीकारा चे शहर, स्वर्ग़ीय यरुशलेम चे गोढु आती गेले ते अणगिणत स्वर्ग़दूता ची खौश करने आली सभा चे गोढु आती गेले,

इब्रानियां 3:12

हे माये भऊ, चौकस रिहा, कि तम्चे मां इसड़े बुरे ते अविश्‍वासी मन ना हो जको जीते नरीकारा कनु दूर हुती जाये।

इब्रानियां 9:14

तां मसीह चे लुहीं, जेह्णे आपणे आप नु अनन्त आत्मा चे जरिये खौद्द नु नरीकारा चे सामणे निर्दोष बलि चे रूपा मां भेंट करती ङिले, जीते नरीकारा ची सेवा वास्ते तम्चे विवेक नु मरले आले कामा कनु शोद्ध किवें नी करी?

1 पतरस 2:5

तम्ही वी आप जीते पत्थरा आलीकर आत्मिक घर बणते जावा पले, जाये कनु याजका चा पवित्र समाज बणती कर, इसड़े आत्मिक बलिदान चढ़ावा, जको ईशु मसीह चे जरिये नरीकारा नु ग्रहण हो।

1 पतरस 4:17

कांकि ओ समय आती गेला, कि पेहले नरीकारा चे लौका चा न्यां करला जई, ते जबकि न्यां ची शुरुआत अम्चे ही कनु हुवी। ते वा लौका चा का अन्त हुवी जको नरीकारा चे सुसमाचार नु ना मनी? जिंवे शास्त्र मां लिखले पले,

प्रकाशितवाक्य 7:2

बल्ति मैं हेक नेरे स्वर्ग़दूता नु जीते नरीकारा ची मौहर चले हुले उभरते कनु उपर आते ङेखले ओणे वां चाहरी स्वर्ग़दूता नु जानु धरती ते समुन्दर चे नुकसान करने चा अधिकार ङिला गेला हुता ऊंची अवाजी मां साङ मारती कर केहले,