1 तीमुथियुस 1:5 - ओङ राजपूत

⁵ आज्ञा चा निचोड़ हा छै, कि शोद्ध मन ते आच्छा विवेक, ते बिना कप्पट करले विश्‍वास लारे प्रेम पैदा हुला हो।

1 तीमुथियुस 1:5 Iomraidhean Croise

मत्ती 12:35

भले इन्सान आपणे मना चे भले भण्डार कनु भलीया बाता काढ़े। ते बुरे इन्सान आपणे बुरे भण्डार कनु बुरीया बाता काढ़े।

मत्ती 5:8

धन्‍न छी वे, जाये मन शोद्ध छी, कांकि वे नरीकारा नु ङेखे।

प्रेरितां चे काम 15:9

ते नरीकारा ने वांचे विश्‍वास चे जरिये वांचे मन शोद्ध करती कर अम्चे मां ते वांचे मां कुई भेद-भाव कोनी राखला।

प्रेरितां चे काम 23:1

पौलुस ने महासभा सनु ध्यानारीत ङेखती कर केहले कि, “हे माई भऊ, मैं आज़ तक नरीकारा चे वास्ते बेलकोल इमानदारी लारे जीवन बिताला।”

प्रेरितां चे काम 24:16

ऐचे कनु मैं आप वी जत्तन करे पला कि नरीकारा ची, ते इन्साना ची तरफ माया विवेक सदा निर्दोष रिहो।

रोमियां 10:4

मसीह ने व्यवस्था चा अन्त करला ताकि हर-हेक जको विश्‍वास करे, नरीकारा चे वास्ते धार्मिक हो।

रोमियां 12:9

प्रेम निष्कपट हो, बुराई लारे नफरत करा, भलाई करने मां लाग़ले रिहा।

रोमियां 14:15

अगर दुधा भऊ दुधे खाणे ची वजह उदास हुवे तां, बल्ति तु प्रेम ची रीति उपर कोनी चली पला, जाये वास्ते मसीह मरला, ओनु तु आपणे खाणे चे जरिये नाश ना कर।

रोमियां 9:1

मैं मसीह मां सच्‍च किहे, कूड़ ना मारी, ते माया विवेक वी पवित्र आत्मा मां ग़वाही ङिये,

1 कुरिन्थियां 13:1

अगर मैं इन्साना ते स्वर्ग़दूता ची ब़ोलीया ब़ोले ते प्रेम ना राखे, तां मैं टनटनाता हुला पित्तल, ते छिणकते हुले छिणकणे छै।

2 कुरिन्थियां 1:12

कांकि अम्ही आपणे विवेक ची, ये ग़वाही उपर घमण्ड करु, कि दुनिया मां ते खास करती तम्चे बीच मां, अम्चा व्यवहार नरीकारा चे जरिये ङिली गेली पवित्रता ते सच्‍चाई सहित रेहला, जको संसारिक ज्ञान चा कोनी, पर हेको नरीकारा चे अनुग्रह चा नतीजा हुता।

गलातियां 5:22

पर आत्मा चा फल प्रेम, आनन्द, शान्ति, धीरज, कृपा, भलाई, विश्‍वास चे लायक,

गलातियां 5:6

मसीह ईशु मां ना खतना ते ना बिना खतना कुई कामा चा छै, पर सेर्फ विश्‍वास, जको प्रेम चे जरिये असर नाखे।

1 तीमुथियुस 1:18

ओ माया पूत तीमुथियुस, वा भविष्यवाणीया चे वचना चे अनुसार जको पेहले दुधे बारे मां करलीया गेलतीया, मैं ये आज्ञा तनु सोंपे पला, कि तु वांचे अनुसार आच्छी लड़ाई नु लड़ता रेह।

1 तीमुथियुस 1:19

ते विश्‍वास ते ओचे आच्छे विवेक नु पकड़ली राख, ते कोच्छ बन्दी इसड़ी छी जाणे आच्छी समझ नु छोड़ती ङिले ते वांचा विश्‍वास खत्तम हुती गेला।

1 तीमुथियुस 3:9

पर याहनु तां नरीकारा लारे प्रकट हुले विश्‍वास चे भेद नु शोद्ध विवेक लारे सम्भालती राखा।

2 तीमुथियुस 1:3

जिसे नरीकारा ची सेवा मैं आपणे ङाङा-ब़ा ची रीति उपर शोद्ध विवेक लारे करे पला, ओचा धन्यवाद हो कि आपणी प्राथना मां तनु लगातार याद करता रिहे।

2 तीमुथियुस 1:5

ते मनु दुधे ओ निष्कपट विश्‍वास ची याद आवे, कि जको पेहले दुधी नानी लोइस, ते दुधी आई यूनीके मां हुती, ते मनु पक्‍का पता लाग़ला कि, तम्चे मां वी छै।

2 तीमुथियुस 2:22

जवानी ची बुरी लालसा कनु दूर रेह वा सारा चे लारे जको शोद्ध मना लारे प्रभु नु हकारी। वांचे लारे धर्म चा जीवन, विश्‍वास, प्रेम ते शान्ति चा पीछा कर।

तीतुस 1:15

शोद्ध लौका वास्ते सारीया बाता शोद्ध छी, पर अशुद्ध ते अविश्‍वास वास्ते कोच्छ वी शोद्ध कोनी, बल्कि वांचा दिमाक ते विवेक ङोनी अशुद्ध छी।

इब्रानियां 10:22

तां आवा, अम्ही सच्‍चे मना लारे, ते पुरे विश्‍वासा लारे, ते विवेक चा दोष दूर करने वास्ते दिला उपर मसीह चे लुहींया चा छिड़काव गेहती कर, ते शरीरा नु शोद्ध पाणीया लारे धुवाती कर, नरीकारा चे गोढु जऊं।

इब्रानियां 13:18

अम्चे वास्ते लगातार प्राथना करते रिहा कांकि अम्हानु भरोसा छै कि अम्चा विवेक शोद्ध छै, ते अम्ही सारीया बाता मां आच्छी चाल चलणे चाहु।

इब्रानियां 9:14

तां मसीह चे लुहीं, जेह्णे आपणे आप नु अनन्त आत्मा चे जरिये खौद्द नु नरीकारा चे सामणे निर्दोष बलि चे रूपा मां भेंट करती ङिले, जीते नरीकारा ची सेवा वास्ते तम्चे विवेक नु मरले आले कामा कनु शोद्ध किवें नी करी?

याकूब 4:8

नरीकारा चे गोढु आवा, ओ वी तम्चे गोढु आवी। ओ पापी बन्दी आपणे हाथा नु साफ-सुथरे राखा। ते शक्‍क करने आली बन्दी, आपणे मना नु पवित्र राखा।

1 पतरस 1:22

हमा ङेखा, जिसे बेले तम्ही सच्‍चाई चा पालन करते हुले, सच्‍चे भाईचारे चे प्रीति नु उजागर करने चे वास्ते आपणी आत्मा नु पवित्र करते गेले ते पवित्र मना लारे हेके ङुजे लारे प्रेम राखा।

1 पतरस 3:16

ते आपणे विवेक नु वी शोद्ध राखा, ऐवास्ते कि जिसीया बाता चे बारे मां वे जको मसीह मां तम्चे आच्छे चाल-चलन चा अपमान करी, शर्मसार हो।

1 पतरस 3:21

ते ओही पाणीया ची मिसाल वी यानिकि बपतिस्मा, ईशु मसीह चे जीते हुवणे चे जरिये, हमा तम्हानु बचावे, ओचे कनु शरीरा चे मैल नु दूर करने चा मतलब कोनी छै, पर शोद्ध विवेक लारे नरीकारा चे हाथा मां हुती जाणे चा मतलब छै।

1 पतरस 4:8

सबकनु खास बात हा छै कि हेके ङुजे लारे ज्यादा प्रेम राखा कांकि प्रेम ब़ोहत पापा नु ढकती नाखे।

2 पतरस 1:7

ते भग़ती उपर भाईचारा, ते भाईचारे चे प्रेम मां बधते जावा।

1 यूहन्‍ना 3:10

ऐचे कनु नरीकारा ची ऊलाद्ध ते शैताना ची ऊलाद्ध जाणली जाये, जको कुई धर्म चे काम ना करी ऊं नरीकारा कनु कोनी, ते ना ऊं जको आपणे भावां ते ब़ेहणीया लारे प्रेम ना राखी।

1 यूहन्‍ना 3:23

नरीकारा ची आज्ञा हा छै कि अम्ही नरीकारा चा पूत ईशु मसीह चे सामर्थी नांवा उपर विश्‍वास करु, ते जिसड़ा ईशु ने अम्हानु आज्ञा ङिली ओचे अनुसार आपस मां प्रेम राखु।

1 यूहन्‍ना 3:3

जको कुई ईशु मसीह कनु इसड़ी आस राखे, ओ आपणे आप नु उसड़े ही पवित्र करो जिसड़ा ओ छै।