1 तीमुथियुस 1:4 - ओङ राजपूत

⁴ ते वे इसड़ीया मनघड़न्त कहाणीया ते बेअन्त पीढ़ीया उपर मन ना लावा, जाये कनु लड़ाई-झगडे़ हुवी, ते नरीकारा ची वा इच्छा चे अनुसार कोनी, जको विश्‍वास लारे ही पुरी हो सग़े, यूंही ही मैं बल्ति किहे पला।

1 तीमुथियुस 1:4 Iomraidhean Croise

2 कुरिन्थियां 1:12

कांकि अम्ही आपणे विवेक ची, ये ग़वाही उपर घमण्ड करु, कि दुनिया मां ते खास करती तम्चे बीच मां, अम्चा व्यवहार नरीकारा चे जरिये ङिली गेली पवित्रता ते सच्‍चाई सहित रेहला, जको संसारिक ज्ञान चा कोनी, पर हेको नरीकारा चे अनुग्रह चा नतीजा हुता।

इफिसियां 3:2

अगर तम्ही नरीकारा चे ओ अनुग्रह चे प्रबन्ध चा समाचार सुणला हो, जको तम्चे वास्ते मनु ङिला गेला,

1 तीमुथियुस 3:16

ते ऐचे मां कुई शक्‍क कोनी, कि भग़ती चा भेद गम्भीर छै, यानिकि मसीह जको शरीरा मां प्रकट हुला, पवित्र आत्मा मां धर्मी सेद्ध ठहरला, स्वर्ग़दूता नु ङिसला, नेरीया जातिया मां ओचा प्रचार हुला, संसारा मां ओचे उपर विश्‍वास करला गेला, ते महिमा मां उपर चवीला गेला।

1 तीमुथियुस 4:7

पर अशुद्ध ते ब़ुढीया जिसड़ी कहाणीया कनु अलग़ रेह, ते भग़ती नु साधना कर।

1 तीमुथियुस 6:11

पर ओ नरीकारा चे जन, तु यां बाता कनु द्रोड़, ते धर्म, भग़ती, विश्‍वास, प्रेम, सब्र, ते नरमाई चा पीछा कर।

1 तीमुथियुस 6:20

हे तीमुथियुस, ऐ जिम्मेवारी ची रखवाली कर, ते जिसे ज्ञान नु ज्ञान केहणे ही भूल छै, ओचे गन्दे बकवास ते बहस-बाजी चा बाता कनु दूर रेह।

2 तीमुथियुस 2:14

यां बाता ची याद वानु ङिवा ते प्रभु चे सामणे चिताती ङे कि अक्षरा उपर बहस-बाजी ना करले करो, जाये कनु कहीं फायदा ना हुवी बल्कि सुणने आले बिगड़ती जई।

2 तीमुथियुस 2:22

जवानी ची बुरी लालसा कनु दूर रेह वा सारा चे लारे जको शोद्ध मना लारे प्रभु नु हकारी। वांचे लारे धर्म चा जीवन, विश्‍वास, प्रेम ते शान्ति चा पीछा कर।

2 तीमुथियुस 2:23

पर मूर्खता, ऐ बुरे संसारा ची बहस-बाजी कनु दूर रेह, कांकि तु जाणी, कि याकनु झग़ड़े हुवी।

2 तीमुथियुस 4:4

ते आपणे कान सच्‍चाई कनु फेरती कर, कथा-कहाणीया उपर लावे।

तीतुस 1:1

हा चिठ्ठी पौलुस चे तरफु जको नरीकारा चा दास ते मसीह ईशु चा प्रेरित छै, नरीकारा चे चुणले आले लौक चा विश्‍वास ते वे सच्‍चाई ची पिछाण चे अनुसार जको भग़ती चे अनुसार छै,

तीतुस 1:14

वानु आज्ञा ङे कि वे यहूदिया ची मनघड़न्त किसे कहाणीया उपर मन ना लाओ, जको सच्‍चाई कनु भटकती जई।

तीतुस 3:9

पर मूर्खता चे लफड़े कनु, ते वंशावलीया, ते बैर विरोध, ते वां झग़ड़ा कनु, जको व्यवस्था चे बारे हो बचला रिहो। कांकि वे निष्फल ते बेकार छी।

इब्रानियां 13:9

बदड़ली आली विचित्र प्रकार ते अणजाण शिक्षा चे बहकावे मां ना बहकजा। दिला वास्ते सही छै कि ऊं अनुग्रह चे जरिये मजबूत करले जाओ, ना कि खाणे चे चीजा जरिये, खान-पान चे सम्बन्धी प्रथा चे जरिये काये भले कोनी हुले।

2 पतरस 1:16

कांकि जिसे बेले अम्ही तम्हानु आपणे प्रभु ईशु मसीह ची ताकत चा, ते आवणे चा समाचार ङिला हुता तां वे चतराई लारे घड़लीया आलीया कहाणीया चा सहारा कोनी गेला हुता। बल्कि अम्ही तां आप ही खौद्द ओची महानता चे ग़वाह छिऊं।