1 तीमुथियुस 1:17 - ओङ राजपूत

¹⁷ हमा सनातन राजा यानिकि अविनाशी, अणङेखले, हेको नरीकारा चा आदर ते महिमा युगानयुग हुती रिहो। आमीन।

1 तीमुथियुस 1:17 Iomraidhean Croise

मत्ती 25:34

“मैं राजा आपणे सज़्ज़े पासे आला नु किही, ‘हे माये ब़ा ची धन्‍न बन्दी, आवा, ओ राज़ चे अधिकारी हुती जावा, जको संसार चे शुरुआत कनु तम्चे वास्ते तियार करला आला छै।

मत्ती 28:20

ते वानु सारीया बाता जको मैं तम्हानु आज्ञा ङिली छै, मनणीया सिखावा। ते ङेखा, मैं दुनिया चे अन्त तक हमेशा तम्चे लारे छै।”

मत्ती 6:13

ते अम्हानु परीक्षा मां ना आण, पर बुराई कनु बचा, कांकि राज़ ते पराक्रम ते महिमा सदा दुधे ही छी।’ आमीन।

यूहन्‍ना 1:18

नरीकारा नु कङी वी किह्णी कोनी ङेखले, पर हिकड़ाते पूत जको ब़ा ची गोङी मां छै, ते खौद्द नरीकार छै, ओणे नरीकारा नु प्रकट करले।

यूहन्‍ना 5:44

तम्ही माये मां विश्‍वास किवें कर सग़ा? कांकि तम्ही तां आपस मां हेके ङुजे चा कद्दर चाहवा ते ओ कद्दर नु तां ना ङेखा जको सेर्फ नरीकारा कनु आवे।

रोमियां 1:20

जिसे बेले कनु संसारा ची रचना हुली, नरीकारा चे अणङेखले गोण, ते हमेशा ची शक्‍ति, ते नरीकारा चा सुभाव, साफ-साफ ङिसे ते सृष्टि चे जरिये नरीकारा नु जाणले वी जाये। ऐवास्ते लौका कनु कुई बहाना कोनी।

रोमियां 1:23

कांकि वाणे अविनाशी नरीकारा ची महिमा नु नाशवान इन्सान, ते पखीयां, ते ढौरा ते ढिड्डा भराणे चलणे आले जींया ची मूर्ति ची समानता बदलती ङिले।

रोमियां 11:36

कांकि ओची ओर कनु, ते ओचे ही जरिये, ते ओचे ही वास्ते सब कोच्छ छै। ओची महिमा युगानयुग हुती रिहो। आमीन।

रोमियां 16:27

ओही अद्वैत ब़ुध्दिमान नरीकारा ची ईशु मसीह चे जरिये युगानयुग महिमा हुती रिहो। आमीन।

रोमियां 2:10

पर महिमा ते आदर ते शान्ति हर-हेक नु मिली, जको भले करी, पेहले यहूदिया नु बल्ति नेरीया जातिया नु।

रोमियां 2:7

जको लगातार आच्छे काम करते हुले, महिमा ते आदर ते अनन्त जीवन ची खोज मां रिही, वानु नरीकार अनन्त जीवन ङिही।

कुलुस्सियां 1:15

मसीह अणङेखले नरीकारा चा ङेखला आला रुप छै ते सारे संसारा मां पलेठी चा छै।

इब्रानियां 11:27

विश्‍वासा लारे ही ओ राजे चे क्रोधा कनु नी ङरला ते ओणे मिस्र देशा नु छोड़ती ङिले, कांकि ओ अणङेखले नरीकारा नु, मनती गेहले ङेखता हुला मजबूत रेहला।

इब्रानियां 2:7

तु ओनु सेर्फ थोड़े समय वास्ते स्वर्ग़दूता कनु थोड़े ही तले राखले, तु ओचे उपर महिमा ते आदर चा मुग़ट मेहला

1 पतरस 5:11

ओचा साम्राज्य युगानयुग रिहो। आमीन।

2 पतरस 3:18

पर अम्चे प्रभु ते उद्धारकर्ता ईशु मसीह चे अनुग्रह ते पिछाण मां बधते जावा। ओची महिमा हमा वी हो ते युगानयुग तक हुती रिहो, आमीन।

1 यूहन्‍ना 4:12

नरीकारा नु कङी किह्णी कोनी ङेखले, अगर अम्ही आपस मां प्रेम राखु, ते नरीकार अम्चे मां बणला रिहे, ते ओचा प्रेम अम्चे मां सेद्ध हुती गेला।

यहूदा 1:25

ओ हेक मात्र नरीकार अम्चे उद्धारकर्ता ची महिमा ते गौरव ते पराक्रम ते अधिकार, अम्चे प्रभु ईशु मसीह चे जरिये जिंवे सनातन काल कनु छै, हमा वी हो ते युगानयुग रिहो। आमीन।

प्रकाशितवाक्य 15:3

वे नरीकारा चे दास मूसा चे गीत ते मैमणे चे गीत गावी भिलते, ते किही भिलते कि “हे सर्वशक्‍तिमान प्रभु नरीकार, दुधी कामे बङी छी, ते अचम्भे ची छी, ओ युग-युग चा राजा, दुधी चाल सच्‍ची ते ठीक छै।

प्रकाशितवाक्य 17:14

वे मैमणे लारे योद्ध करे, ते मैमणे वांचे कनु जीतती जई, कांकि ओ प्रभुआं चा प्रभु ते राजा चा राजा छै, ते जको हकारले गेले, ते चुणले आले, ते विश्‍वासी छी ओ ओचे लारे छै, वे वी जीतती जाये।”

प्रकाशितवाक्य 19:1

ऐचे बाद स्वर्ग़ा मां मैं हेक भीड़ नु ऊंची अवाजी लारे ईं केहते सुणले कि, “हालेलुय्याह! उद्धार, ते महिमा, ते सामर्थ अम्चे नरीकारा ची ही छै।

प्रकाशितवाक्य 19:16

ते ओचे ओढ़णा उपर ते ओची सतले उपर ईं नां लिखले आले छै कि, राजा चा राजा ते प्रभुआं चा प्रभु।

प्रकाशितवाक्य 19:6

बल्ति मैं बङी भीड़ी चा ते घणे पाणीया चे झरने ची ते बदला चे गरजणे चा बङा शब्द सुणला कि, “हालेलुय्याह! ऐवास्ते कि प्रभु अम्चा नरीकार, सर्वशक्‍तिमान राज़ करे।

प्रकाशितवाक्य 7:12

“इसड़े ही हो! अम्चे नरीकारा ची स्तुति ते महिमा ते ज्ञान ते धन्यवाद ते आदर ते सामर्थ ते ताकत युगानयुग बणली रिहो। आमीन!”