1 थिस्सलुनीकियां 5:6 - ओङ राजपूत

⁶ ऐवास्ते अम्ही नेरा आलीकर नूहले ना रिहुं, पर जाग़ते ते चौकस रिहुं।

1 थिस्सलुनीकियां 5:6 Iomraidhean Croise

मत्ती 13:25

जिसे बेले बन्दी नूहली ही पलती ली ते ओचा दुश्मन आती कर कणकी चे बीजा मां जंगली बीज राहली कर चाह्‍ला गेला।

मत्ती 24:42

“ऐवास्ते जाग़ते रिहा, कांकि तम्ही ना जाणा कि तम्चा प्रभु किसे ङिओ आवी।

मत्ती 25:13

“ऐवास्ते जाग़ते रिहा, कांकि तम्ही ना ओ ङिओ नु जाणा, ना वे घणी नु।

मत्ती 25:5

जिसे बेले बीन्दा चे आणे ची देर हुली, तां वे सारीया ऊंघु लाग़ीया, ते नूहती रेहलीया।

मत्ती 26:38

तब ओणे वानु केहले, “माये मन ब़ोहत उदास छै, इठे तक कि मैं मरणे उपर छै। तम्ही इठी रुका, ते माये लारे जाग़ते रिहा।”

मरकुस 13:37

जको मैं तम्हानु किहे ऊंही सारा नु किहे, ‘तम्ही जाग़ते रिहा।’ ”

लूका 12:37

धन्‍न छै, ओ दास, जानु मालिक आती कर सुज़ाक ङेखे, मैं तम्हानु सच्‍च किहे पला, कि ओ कमर कसती कर वानु खाणे उपर ब़िसाणी, ते गोढु आती वांची सेवा करी।

लूका 12:39

पर तम्ही ईं जाणती गिहा, कि अगर घरा चा मालिक जाणता हुवीया कि चोर केस घड़ी आवी, तां जाग़ता रिहा ते आपणे घरा मां सेंध लाग़ु ना ङिया।

लूका 21:36

ऐवास्ते जाग़ते रिहा ते हर समय प्राथना करते रिहा कि तम्ही यां सारीया आणे आलीया आफता कनु बचणे ते मैं इन्साना चे पूता चे सामणे भिले रेहणे चे लायक बणा।”

लूका 22:46

ते वानु केहले, “कां नूहले पले? ऊठा, प्राथना करा कि तम्ही परीक्षा मां ना पड़ा।”

प्रेरितां चे काम 20:31

ऐवास्ते जाग़ते रिहा, ते याद करा कि मैं तीन साला तक रात-ङिओ करती कर हींजवे बाहती-बाहती कर, हर हेक नु चिताणे कोनी छोड़ले।

1 कुरिन्थियां 15:34

खबरदार हुती जावा, पाप करने छोड़ती ङिया। ईं मैं तम्हानु कायल करने वास्ते ही किहे पला कांकि तम्चे महु कोच्छ तां नरीकारा नु जाणी ना।

1 कुरिन्थियां 16:13

जाग़ते रिहा, विश्‍वासा मां मजबूत रिहा, बेधड़क बणा, ताकतवार बणा।

इफिसियां 2:3

यांचे मां अम्ही वी सब चे सब पेहले आपणे शरीरा ची लालसा मां ङिहें गुजारते, ते शरीर ते मना ची इच्छा पुरी करते, ते नेरे लौका आलीकर सुभाव ही कनु क्रोध ची ऊलाद्ध हुते।

इफिसियां 5:14

कांकि जको ज्योति छै वा सारा नु सोज़ले ङिये, ऐवास्ते ईं केहले गेले, “हे नूहले आले जाग़, ते मुड़दा महु जीता हुती ऊठ, ते मसीह ची ज्योति तम्चे उपर चमकी।”

इफिसियां 6:18

ते हर हेक समय ते हर तरह प्राथना ते बिनती लारे पवित्र आत्मा मां हर बेले प्राथना करते रिहा, हा ध्यान राखती कर होशियार रिहा, कि कोशिस करा सारे पवित्र लौका वास्ते प्राथना करले करा।

फिलिप्पियां 4:5

तम्ची नरमाई लारे भरीली आली आत्मा चा ज्ञान सारा बन्दा उपर हो प्रभु चे आणे गोढु छै।

कुलुस्सियां 4:2

प्राथना मां लाग़ले रिहा, ते हमेशा नरीकारा नु धन्यवाद करते रिहा ते ओचे मां जाग़ते रिहा।

1 थिस्सलुनीकियां 4:13

हे माये भऊ ते ब़ेहणीया अम्ही ना चाहु, कि तम्ही वांचे बारे मां जको विश्‍वास करने आला नूहती रिहे, ना समझ रिहा, इसड़े ना हो कि, तम्ही नेरा आलीकर शोक मनावा, जानु उम्मीद कोनी।

1 थिस्सलुनीकियां 5:10

ईशु मसीह अम्चे वास्ते ऐ वजह मरला, कि अम्ही चाहे जीते रिहुं चाहे मरती जऊं जिसे बेले ओ पुठा आवी ओचे लारे जिऊं।

1 थिस्सलुनीकियां 5:8

पर अम्ही तां ङिहां चे छिऊं, ऐवास्ते अम्हानु आपणे आप नु बसा मां राखणे चाही छै, विश्‍वास ते प्रेम ची झिलम घालती कर ते उद्धार ची आस चा टोप घालती कर चौकस रिहा।

1 तीमुथियुस 2:15

तां वी ब़ाले जणने चे जरिये उद्धार पावी, अगर वे तसल्‍ली लारे विश्‍वास, प्रेम, ते पवित्रता मां टिकली रिहो।

1 तीमुथियुस 2:9

यूंही असतरीया कनु वी चाहवे कि सिधे सादे पेहरावे लारे आपणे आप नु सजाओ, ते ना कि माल गूंथणे, ते सोने, ते मोतीयां, ते बेशकीमती ओढ़णा लारे सजाओ,

1 तीमुथियुस 3:11

यूंही असतरीया नु वी इज्जतदार हुवणे चाही छै, दोष जा चुग़ली करने आली ना हो, पर होशियार ते सारीया बाता मां इमानदार हुवणी चाही छै।

1 तीमुथियुस 3:2

ऐवास्ते जरुरी छै कि मुखिया निर्दोष, ते हेकी ही घराआली चा मोणस, संयम राखणे आला, समझदार, इज्जत करने आला, मेहमानी करने आला, ते सिखावणे मां आच्छा हो।

2 तीमुथियुस 4:5

पर तु सारीया बाता कनु आपणे आप नु वशा मां राख, ङोख चा, ते सुसमाचार चे प्रचार चे काम कर, ते जको सेवा तनु ङिली गेली, विनु पुरे कर।

तीतुस 2:12

ते नरीकारा चा अनुग्रह अम्हानु चितावे, कि अम्ही अभग़ति ते संसारिक इच्छा कनु मन फेरती कर ऐ युगा मां संयम ते धर्म ते भग़ती लारे जीन्दगी बिताऊं।

तीतुस 2:6

यूंही जवान मर्दा नु वी समझाले कर, कि संयमी हो।

1 पतरस 1:13

ऐवास्ते पुरी ब़ुध्दि लारे चौकस रिहा ते आपणे उपर काबु राखा। ओ अनुग्रह ची पुरी उम्मीद राखा जको ईशु मसीह चे उजागर हुवणे उपर तम्हानु ङिली जाणे आली छै।

1 पतरस 4:7

सारीया बाता चा अन्त तुरन्त हुवणे आला छै। ऐवास्ते काबु हुती कर प्राथना वास्ते चौकस रिहा।

1 पतरस 5:8

सचेत हुवा ते जाग़ते रिहा कांकि तम्चा विरोधी शैतान गरजणे आले शेरा आलीकर ईं सोता रिहे कि कानु फाड़ती खाये

प्रकाशितवाक्य 16:15

ते, “ङेखा, मैं चोरा आलीकर आवी। धन्‍न छै ओ जको जाग़ता रिहे, ते आपणे ओढ़णा ची रखवाली करता हो, कि उघाड़ा ना फिरता रिहो, ते लौक ओचा नंगापन ना ङेखो।”

प्रकाशितवाक्य 3:2

सुज़ाक हो ते वां चीजा नु जको बाकि रेहती गेलीया, ते जको मिटणे उपर छी वानु मजबूत कर, कांकि मैं दुधे कुई कामा नु आपणे नरीकारा चे गोढु पुरे कोनी ङेखले।