1 थिस्सलुनीकियां 5:12 - ओङ राजपूत

¹² ते ओ माये भऊ ते ब़ेहणीया, अम्ही तम्हा कनु बिनती करु पले, कि जको तम्चे मां मेहनत करी वी, ते प्रभु मां तम्चे अग़ुवे छी, ते तम्हानु शिक्षा ङी, ते वानु मना।

1 थिस्सलुनीकियां 5:12 Iomraidhean Croise

लूका 10:7

ओही घरा मां रिहा, ते जको कोच्छ वाकनु मिले, ऊंही खावा-पिया, कांकि मजदूरा नु आपणी मजदूरी मिलणी चाही छै, घर-घर ना फिरजा।

यूहन्‍ना 4:38

मैं तम्हानु ओ खेत बाढणे वास्ते भेज़ले जाये मां तम्ही मेहनत कोनी करली। ङुजा ने मेहनत करली, ते तम्ही वांची मेहनती चे फल मां भईवाल हुले।”

प्रेरितां चे काम 20:28

ऐवास्ते आपणी ते पुरे झुन्डा ची ङेख-रेख करा, जाये मां पवित्र आत्मा ने तम्हानु नु मुखिया ठहराले कि तम्ही नरीकारा ची कलीसिया ची रखवाली करा, ओणे तम्हानु आपणे पूता चे लुहींया लारे मोल गेहती गेले।

प्रेरितां चे काम 20:35

मैं तम्हानु सब कोच्छ करती ङिखाणले, कि ये रीति लारे मेहनत करते हुले बेबस लौका नु सम्भालणे, ते प्रभु ईशु चा बाता नु याद राखणे जरुरी छै, कि ओणे आप ही खौद्द केहले, ‘गेहणे कनु ङेणे भले छै।’ ”

रोमियां 16:12

त्रूफेना ते त्रूफोसा नु जको प्रभु मां मेहनत करने आलीया नु नमस्कार। प्यारी पिरसिस प्रभु मां घणी मेहनत करने आली नु नमस्कार।

रोमियां 16:6

मरियम नु जेह्णे तम्चे वास्ते घणी मेहनत करली, नमस्कार।

1 कुरिन्थियां 12:28

कलीसिया मां नरीकारा ने हर हेके नु अलग़-अलग़ पद्दवी ङिली, पेहले प्रेरितां नु, ङुजे भविष्यवक्‍ता, नु तीजे शिक्षका नु, ते ऐचे बाद सामर्थ चे काम करने आले, बल्ति चंगाई करने आले, ते भलाई करने आले, अगुवाई करने आले, ते नेरी भाषा ब़ोलणे आला ची भरपूरी ङिली।

1 कुरिन्थियां 15:10

पर मैं जको कोच्छ वी छै, नरीकारा चे अनुग्रह लारे छै। ते ओचा अनुग्रह जको माये उपर हुला, ओ बेकार कोनी हुला। पर मैं वां सबकनु बधती कर मेहनत वी करली तां वी ईं माये तरफु कोनी हुले पर नरीकारा चे अनुग्रह लारे जको माये उपर हुता।

1 कुरिन्थियां 16:16

ऐवास्ते मैं तम्हा कनु बिनती करे पला कि इसड़ा चे अधीन रिहा, बल्कि हर-हेक चे जको ऐ कामा मां मेहनती ते सहायक छी।

1 कुरिन्थियां 16:18

ते वाणे माई ते तम्ची आत्मा नु चैन ङिला, ऐवास्ते इसड़ा नु मना।

1 कुरिन्थियां 3:9

कांकि अम्ही नरीकारा चे भईवाल छिऊं। तम्ही नरीकारा ची भोंये छिवा, तम्ही नरीकारा चा भवन वी छिवा।

2 कुरिन्थियां 11:23

का वे ही मसीह चे सेवक छी? मैं पाग़ला आलीकर किहे मैं वांचे कनु बधती कर छै। ज्यादा मेहनत करने मां, बार-बार कैद हुवणे मां, कोड़े खाणे मां, बार-बार मौत चे जोखिम चवणे मां।

2 कुरिन्थियां 5:9

ऐवास्ते अम्चे मना ची बङी इच्छा हा छै कि, चाहे अम्ही शरीरा मां रिहुं, चाहे अम्ही ना रिहुं पर अम्ही ओनु भाते रिहुं।

2 कुरिन्थियां 6:1

ते अम्ही जको नरीकारा चे भईवाल छिऊं, ईं वी समझाऊं, कि नरीकारा चा अनुग्रह जको तम्चे पर हुला, ओनु बेकार ना जऊं ङिया।

गलातियां 4:11

मैं तम्चे बारे मां ङरे कि कहीं इसड़े ना हुती जाये जको मेहनत मैं तम्चे वास्ते करली वा खराब ना हुती जाओ।

फिलिप्पियां 2:16

जब तम्ही जीन्दगी ङेणे आला सुसमाचार सुणावा तां तम्ही इसड़े ही करते रिहा, ताकि मसीह चे ङिओ मनु घमण्ड करने ची वजह हो कि ना माये द्रोड़ने ते ना माई मेहनत करले बेकार हुली।

फिलिप्पियां 2:19

मनु प्रभु ईशु मसीह मां आस छै कि मैं तीमुथियुस नु तम्चे गोढु भेज़ी, ताकि तम्ची हालत सुणती कर मनु शान्ति मिलो।

कुलुस्सियां 1:29

ऐचे ही वास्ते मैं ओची वे शक्‍ति चे अनुसार जको माये मां सामर्थ चे लारे असर नाखे, तन मन लाती कर मेहनत वी करे।

1 थिस्सलुनीकियां 2:9

कांकि, हे माये भऊ ते ब़ेहणीया, तम्ही अम्ची मेहनत ते ङुखा नु याद राखा, कि अम्ही ऐवास्ते रात-ङिओ काम धन्धा करते हुले तम्चे महु काये उपर वी बोझ कोनी बणने ची इच्छा लारे तम्हानु नरीकारा चा सुसमाचार प्रचार सुणाला।

1 थिस्सलुनीकियां 4:1

तां, हे माये भऊ ते ब़ेहणीया, अम्ही तम्हा कनु बिनती करु पले, ते तम्हानु प्रभु ईशु मां समझाऊं पले, कि जिंवे तम्ही अम्हा कनु काबिल चाल चलणी, ते नरीकारा नु खौश करने सिखले, ते जिंवे तम्ही चला वी हुवा, यूंही होर वी बधते जावा।

1 थिस्सलुनीकियां 5:14

ते ओ माये भऊ ते ब़ेहणीया, अम्ही तम्हानु समझाऊं पले कि तम्चे मां जको आलसी छी वानु समझावा, कायरा ची हिम्मत ब़न्धावा, कमजोरा नु सम्भाला, सारा बन्दा ची सहन करा।

1 तीमुथियुस 5:1

कुई ब़ुढ़े नु ना दड़का, पर ओनु ब़ा जाणती कर समझाती ङे, ते जवाना नु भऊ जाणती कर।

1 तीमुथियुस 5:20

पाप करने आला नु सारा चे सामणे ङराती ङे, ताकि नेरे लौक वी ङरो।

2 तीमुथियुस 2:6

जको कड़ी मेहनत करे, फला चा पेहला भाग़ ओनु मिलणा चाही छै।

तीतुस 1:3

नरीकारा ने सही समय उपर ओ वचना नु जको ओ प्रचार चे लारे उजागर करला, जको अम्चे मुक्‍तिदाता नरीकारा ची आज्ञा चे अनुसार मनु सोंपला गेला।

तीतुस 1:5

मैं ऐवास्ते तनु क्रेते मां छोड़ली आलता, कि तु बाकि रेहले आले कामा नु सुधार, ते माई आज्ञा चे अनुसार शहरा शहरा मां अग़ुवा नु नियुक्‍त कर।

तीतुस 2:15

पुरे अधिकारा लारे ये बाता केह, ते समझाता ते सिखाता रेह, कुई तनु तोच्छ ना जाण सग़ो।

इब्रानियां 13:17

आपणे अग़ुवा ची आज्ञापालन करा, वांचे अधीन रिहा, वे तम्ची आत्मा चे पाहरेदार छी, वानु तम्चे बारे मां हिसाब ङेणा, वांचे वास्ते ईं काम खुशी चा विषय बणला रिहो। अगर हेक कष्ट भरला बोझ बणा, तां ईं तम्चे वास्ते फायदेमन्द नी हुवी।

इब्रानियां 13:7

जको तम्चे अग़ुवे हुते, ते जेह्णे तम्हानु नरीकारा चा वचन सुणाला हुता, वानु याद राखा ते ध्यानारीत वांचे चाल-चलन चा अन्त ङेखती कर वांचे विश्‍वास चा अनुसरण करा।

प्रकाशितवाक्य 1:20

यानि वां सात तारा चा भेद जानु तु माये सज़्ज़े हाथा मां ङेखले हुते, ते वे सात सोने चे ङीवा चा भेद वे सात तारे सात कलीसिया चे दूत छी, ते वे सात ङीवे सात कलीसिया छी।

प्रकाशितवाक्य 2:12

“पिरगमुन ची कलीसिया चे दूता नु ईं लेख, “जाये कनु ङुंहु धारी ते तेज तलवार छै, ओ ईं किहे कि,

प्रकाशितवाक्य 2:18

“थुआतीरा ची कलीसिया चे दूता नु ईं लेख, “नरीकारा चा पूत जाया आँख जाखते चे ज्वाला आलीकर छी, ते जाये पग़्ग़ उत्तम पित्तला आलीकर छी, ओ ईं किहे कि,

प्रकाशितवाक्य 2:3

तु सब्र करी ते माये नांवा वास्ते ङोख चते-चते थाकला कोनी।

प्रकाशितवाक्य 2:8

“स्मुरना ची कलीसिया चे दूता नु ईं लेख, “जको पेहला ते आखरी छै, जको मरती गेलता, ते हमा जीता हुती गेला, ओ ईं किहे पला कि,

प्रकाशितवाक्य 3:1

“सरदीस ची कलीसिया चे दूता नु ईं लेख, “जाये गोढु नरीकारा चीया सात आत्मा, ते सात तारे छी, ओ ईं किहे पला कि मैं दुधे कामा नु जाणे, तु जीता तां किहवावी, पर छी मरला आला।

प्रकाशितवाक्य 3:14

“लौदीकिया ची कलीसिया चे दूता नु ईं लेख, “जको इसड़े ही हो ते विश्‍वास चे लायक ते सच्‍चा ग़वाह छै, ते नरीकारा ची सृष्टि ची मूल वजह छै, ओ ईं किहे पला कि,

प्रकाशितवाक्य 3:7

“फिलदिलफिया ची कलीसिया चे दूता नु ईं लेख, “जको पवित्र ते सच्‍चा छै, ते जको राजे दाऊद ची कुंजी राखे, जाये खोड़ले आले नु कुई बन्द ना कर सग़ी ते बन्द करले आले नु कुई खोल ना सग़ी, ओ ईं किहे पला कि,