1 थिस्सलुनीकियां 4:4 - ओङ राजपूत

⁴ ते तम्चे महु हर हेक पवित्रता ते कद्दर चे लारे आपणी घराआली नु ग्रहण करने जाणो

1 थिस्सलुनीकियां 4:4 Iomraidhean Croise

प्रेरितां चे काम 9:15

पर प्रभु ने ओनु केहले, “तु चाह्‍ला जा, कांकि हा तां नेरीया जातिया ते वांचे राजे ते इस्राएलीया चे सामणे माये नां उजागर करने वास्ते माये चुणले आले जन छै।

रोमियां 1:24

ऐ वजह कनु नरीकारा ने वानु वांचे मना ची बुरी इच्छा वास्ते सोंपती ङिले कि, वे आपस मां वे हेके ङुजे शरीरा चा अनादर करो।

रोमियां 12:1

ऐवास्ते हे माये भऊ, मैं तम्हानु नरीकारा ची दया याद ङिवाती कर बिनती करे पला कि, आपणे शरीरा नु जीते, ते पवित्र, ते नरीकारा नु भाता हुला बलिदान करती कर चढ़ावा, हाओ तम्ची आत्मिक सेवा छै।

रोमियां 6:19

मैं तम्ची शरीरिक दुर्बलता ची वजह इन्साना ची रीति उपर किहे। जिंवे तम्ही आपणे शरीरा चे अंगा नु कुकर्म चे वास्ते अशोद्धता ते कुकर्म चे दास बणाती कर सोंपले हुते, यूंही ही हमा आपणे शरीरा चे अंगा नु पवित्रता चे वास्ते धार्मिकता चे दास करती कर सोंपती ङिया।

1 कुरिन्थियां 6:15

का तम्ही ना जाणा कि तम्चे सब शरीर मसीह चे अंग छी? तां का मैं मसीह चे अंगा नु वेश्या चे अंग बणावे? कङी वी ना।

1 कुरिन्थियां 7:2

पर व्यभिचार कनु बचणे वास्ते हर-हेक मर्दा ची आपणी घराआली ते हर हेक असतरी चा आपणा मोणस हो।

1 कुरिन्थियां 7:9

पर अगर वे काबु ना रेह सग़ी तां बीहा करवाती गिहो कामातुर हुती कर ब़लते रेहणे ची बजाय बीहा करवाती गेहणा ही भले छै।

2 कुरिन्थियां 4:7

पर ईं बेशकीमती खजाने अम्चे मां जको माटी ची ठांवा आलीकर छिऊं मेहले गेले, जाये कनु ईं साफ हुती जाओ हा असीम ताकत अम्ची कोनी पर नरीकारा ची छै।

फिलिप्पियां 4:8

हे भऊ ते ब़ेहणीया, जको-जको बाता सच्‍च छी, ते जको-जको बाता आदरमान चा छी, ते जको-जको बाता वाजिब छी। ते जको-जको पवित्र छी,ते जको-जको बाता सुहावनीया छी, ते जको-जको बाता मन भावनीया छी। यानि जको सदगुण ते प्रशंसा चीया बाता छी, वांचे उपर ध्यान लाले करा।

इब्रानियां 13:4

बीहा ची बात सम्मानित रिहो ते बीहा चे बीछाणे निष्कलंक रिहो, कांकि नरीकार व्यभिचारीया ते परअसतरी गामीया चा न्यां करी।

1 पतरस 3:7

यूंही हे घराआले, तम्ही वी समझदारी लारे घराआलीया लारे जीवन बितावा। ते असतरीया नु निर्बल चीज जाणती कर वांचा कद्दर करा, हा समझती कर कि अम्ही ङोनी जीवन चे वरदान चे वारिस छिऊं, जाये कनु तम्चीया प्राथना रुकती ना जाओ।