1 थिस्सलुनीकियां 3:3 - ओङ राजपूत

³ कि कुई यां क्लेशा ची वजह कनु डगमगाती ना जाओ, कांकि तम्ही आप जाणा, कि अम्हानु नरीकार ने ङोख सहन करने वास्ते ही ठहराले।

1 थिस्सलुनीकियां 3:3 Iomraidhean Croise

लूका 21:12

पर यां सब बाता कनु पेहले वे माये नांवा ची वजह तम्हानु पकड़े, ते सतावे, ते प्राथनाघरा मां सोंपे, ते कैदखाने मां नखवावे, ते राजा ते हाकिमा चे सामणे गेहती जाये।

यूहन्‍ना 16:2

वे तम्हानु प्राथनाघरा महु काढ़ती छोड़े, ओ समय आवे पला कि जको कुई तम्हानु मारती नाखी ओह समझी कि ‘मैं नरीकारा ची सेवा करे पला।’

यूहन्‍ना 16:33

“मैं ये बाता तम्हानु ऐवास्ते केहलीया कि, तम्हानु माये मां शान्ति मिलो। संसारा मां तम्हानु क्लेश हुवे। पर हिम्मत राखा! मैं संसारा नु जीतती गेले।”

प्रेरितां चे काम 14:22

ते वे चैला चे मना नु मजबूत करते रेहले ते हा उपदेश करते कि विश्‍वासा मां बणले रिहा, ते ईं केहते कि, “अम्हानु बङे क्लेश भोग़णे जरुरी छै नरीकारा चे राज़ मां जाणे वास्ते।”

प्रेरितां चे काम 2:25

कांकि अम्चा पुरखा दाऊद, ओचे बारे मां किहे, “ ‘मैं प्रभु नु सदा आपणे सामणे ङेखता रेहला, कांकि ओ माये सज़्ज़े पासु छै, ताकि मैं ढे ना सग़े।

प्रेरितां चे काम 21:11

ओणे अम्चे गोढु आती कर पौलुस चे रुमाल चले, ते ओचे लारे आपणे हाथ पग़्ग़ ब़ांथी कर केहले, “पवित्र आत्मा हा किहे कि, जिसे बन्दे चे ईं पट्टके छै, ओनु यरुशलेम मां यहूदी यूंही ब़ांधे, ते नेरीया जातिया चे हाथा मां सोंपती ङिये।”

प्रेरितां चे काम 21:13

पर पौलुस ने उत्तर ङिला, “तम्ही ईं का करा पले, यूं रोती-रोती कर माये देल तरोड़ा पले? मैं तां यरुशलेम मां ना हेको ब़झणे चे वास्ते बल्कि, प्रभु ईशु चे नांवा वास्ते मरणे वास्ते वी तियार छै।”

प्रेरितां चे काम 9:16

ते मैं ओनु बावड़ी, कि माये नांवा वास्ते ओनु किसड़े-किसड़े ङोख चवणे पड़े।”

रोमियां 5:3

सेर्फ ईं कोनी, बल्कि अम्ही क्लेशा मां वी घमण्ड करु, ईं जाणती कर कि क्लेशा लारे सब्र,

1 कुरिन्थियां 15:58

ऐवास्ते हे प्यारे भऊ, मजबूत ते अटल रिहा, ते प्रभु चे कामा मां सदा बधते जावा, तम्ही ईं जाणा, तम्ची मेहनत प्रभु मां बेकार कोनी।

1 कुरिन्थियां 4:9

मनु यूं लाग़े पले कि नरीकारा ने अम्हा प्रेरितां नु विजय-यात्रा मां मौत चा ङण्ड मिड़ले आले इन्साना आलीकर सबकनु आखरी जग़हा मां राखले। अम्ही सारी सृष्टि, स्वर्ग़दूता ते इन्साना चे सामणे तमाशा बणती गेले।

इफिसियां 3:13

मैं बिनती करे पला जको क्लेश माये मां हुवी पले ओचे मां तम्ही हिम्मत ना हारा कांकि वांचे मां तम्ची महिमा छै।

फिलिप्पियां 1:28

ते किसी बाते मां विरोधीया चा भय ना खावा। हा वांचे वास्ते नाश हुवणे ची पक्‍की निशानी छै, पर तम्चे वास्ते उद्धार चा, ते हा नरीकारा ची तरफु इशारा छै,

कुलुस्सियां 1:23

ईं तां हो सग़े कि तम्ही विश्‍वास ची ढाल उपर मजबूत बणले रिहा ते ओ सुसमाचार ची आस नु जानु तम्ही सुणले, ना छोड़ा, जाया प्रचार आसमाना चे तले सारे संसारा मां करला गेला ते जाया मैं पौलुस सेवक बणला।

1 थिस्सलुनीकियां 5:9

कांकि नरीकारा ने अम्हानु आपणे गुस्से वास्ते कोनी, पर ऐवास्ते चुणले कि अम्ही आपणे प्रभु ईशु मसीह चे जरिये उद्धार पा सग़ु।

2 थिस्सलुनीकियां 1:4

इठे तक अम्ही आप नरीकारा ची कलीसिया मां ते तम्चे बारे मां घमण्ड करु, कि जितने ङोख ते क्लेश तम्ही सहन करा, वां सारा मां तम्चा सब्र ते विश्‍वास प्रकट हुवे।

2 तीमुथियुस 1:8

ऐवास्ते अम्चे प्रभु ची ग़वाही चे लारे, ते माये कनु जको ओचा मैं कैदी छै, शर्मसार ना हो, पर वे नरीकारा ची ताकत चे अनुसार सुसमाचार चे वास्ते माये लारे ङोख चा।

1 पतरस 2:21

नरीकारा ने तम्हानु ऐवास्ते हकारले, कांकि मसीह ने वी तम्चे वास्ते ङोख भोग़ले, ते इसड़े करती कर तम्चे वास्ते हेक मिसाल छोड़ली, कि तम्ही वी ओचे चैन्ह उपर चला। कांकि यूं लिखले पले,

प्रकाशितवाक्य 2:10

जको ङोख तनु भोग़णे हुवे वाकनु ना ङर। कांकि ङेखा, शैतान तम्हा महु कईयां नु कैदखाने मां नाखणे उपर छै, कि तम्ही परखले जावा ते तम्हानु ङस ङिहां तक क्लेश चवणे पड़े। मरणे तक विश्‍वासी बणले रिहा तां मैं तम्हानु जीवन चा मुग़ट ङी।

प्रकाशितवाक्य 2:13

मैं ईं जाणे कि तु ओठे रिही जिठे शैताना चा सिंहासन छै, तु माये नांवा उपर मजबूत रिही, ते माये उपर विश्‍वास करने मां वां ङिहां मां वी भांसु कोनी हटला जाये मां माया विश्‍वास लायक ग़वाह अन्तिपास, तम्चे आधे मां वे जग़हा उपर मारला गेला जिठे शैतान रिहे।