1 थिस्सलुनीकियां 3:2 - ओङ राजपूत

² ते अम्ही तीमुथियुस नु जको मसीह चे सुसमाचार मां अम्चा भऊ, ते नरीकारा चा सेवक छै, ऐवास्ते भेज़ले, कि ओ तम्हानु मजबूत करो, ते तम्चे विश्‍वास चे बारे मां तम्हानु समझाओ।

1 थिस्सलुनीकियां 3:2 Iomraidhean Croise

प्रेरितां चे काम 16:1

बल्ति पौलुस दिरबे कनु हुती लुस्त्रा शहरा मां वी गेला, ते ओठे हेक तीमुथियुस नांवा चा चैला हुता। ओची आई यहूदी हुती ते विश्‍वास करने आली हुती, पर ओचा ब़ा यूनानी हुता।

प्रेरितां चे काम 16:5

यूं करती कर कलीसिया विश्‍वास मां मजबूत हुती गेली ते गिणती मां हर ङिओ बढ़ोतरी हुती गेली।

प्रेरितां चे काम 18:5

जिसे बेले मकिदुनिया कनु सीलास ते तीमुथियुस आले, ते पौलुस पूरा समय वचन सुणावणे ची धोन्‍न मां लाग़ती कर यहूदी लौका नु हा ग़वाही ङिता कि ईशु ही मसीह छै।

रोमियां 16:21

माये भईवाल तीमुथियुस चा, ते माये यहूदी कुणम्बे चे लूकियुस ते यासोन ते सोसिपत्रुस चा तम्हानु नमस्कार।

1 कुरिन्थियां 3:10

नरीकारा चे ओ अनुग्रह चे अनुसार मैं ब़ुध्दिमान मिस्त्रीया आलीकर नीम घाली ते ङुजे ने ओचे उपर रद्दा मेहले पला, पर हर हेक इन्सान चौकस रिहो, कि ओ ओचे उपर किसड़ा रद्दा मेहले पला।

1 कुरिन्थियां 4:17

ऐवास्ते मैं तीमुथियुस नु जको प्रभु मां माया प्यारा ते विश्‍वासयोग पूत छै, तम्चे गोढु भेज़ले, ते ओ तम्हानु मसीह मां माया चरित्र याद करा वी, जिंवे कि मैं हर जग़हा हर हेक कलीसिया मां उपदेश करे।

2 कुरिन्थियां 1:1

हा चिठ्ठी पौलुस चे तरफु जको नरीकारा ची इच्छा लारे मसीह ईशु चा प्रेरित छै, ते भऊ तीमुथियुस ची ओर कनु नरीकारा ची वे कलीसिया चे नांवे लिखली गेली जको कुरिन्थुस मां छै, ते सारे अखाया प्रदेसा चे सब पवित्र लौका चे नांवे,

2 कुरिन्थियां 1:19

कांकि नरीकारा चा पूत ईशु मसीह, जाया अम्चे जरिये यानिकि माये ते सिलवानुस ते तीमुथियुस चे जरिये तम्चे बीच मां प्रचार हुला, ओचे मां, “हां” ते “ना” ङोनी कोनी हुते पर ओचे मां “हां” ची “हां” ही हुली।

2 कुरिन्थियां 2:12

जिसे बेले मैं मसीह चा सुसमाचार सुणावणे वास्ते त्रोआस मां आला, तब प्रभु ने माये वास्ते हेक दरवाजे खोलती ङिले।

2 कुरिन्थियां 2:13

ते माये मना मां चैन कोनी मिड़ला, कांकि मैं आपणे भऊ तीतुस नु कोनी ङेखले। ऐवास्ते मैं उठले लौका कनु विदा हुती कर मकिदुनिया प्रदेस सनु चाह्‍ला गेला।

2 कुरिन्थियां 8:23

अगर कुई तीतुस चे बारे मां पूछे, तां ओ माया साथी छै, ते तम्चे वास्ते माया भईवाल छै, ते अगर अम्चे भावां चे बारे मां पूछे, ते वे कलीसिया चे भेज़ले हुले ते मसीह ची महिमा छी।

फिलिप्पियां 1:25

मनु भरोसा छै कि मैं जीता रिही ते तम्चे लारे रिही जाये कनु तम्ही विश्‍वास मां मजबूत हुती जावा ते खौश रिहा,

कुलुस्सियां 1:1

पौलुस ची तरफा कनु, जको नरीकारा ची इच्छा लारे मसीह ईशु चा प्रेरित छै, ते भऊ तीमुथियुस ची तरफा कनु,

कुलुस्सियां 1:7

ओ सुसमाचार ची शिक्षा तम्ही अम्चे लारे काम करने आले प्यारे इपफ्रास कनु मिड़ली, जको अम्चे वास्ते मसीह चा विश्‍वास चे लायक सेवक छै।

कुलुस्सियां 4:12

इपफ्रास जको तम्चे महु हेक छै ते मसीह ईशु चा दास छै, तम्हानु नमस्कार किहे पला ते सदा तम्चे वास्ते प्राथना मां यतन करे, ताकि तम्ही सेद्ध हुती पुरे विश्‍वास चे लारे नरीकारा ची मर्जी उपर बणले रिहा।

कुलुस्सियां 4:9

ओचे लारे मैं उनेसिमुस नु भेज़ले, जको विश्‍वास चे लायक ते प्यारा भऊ ते तम्चे महु ही छै, ये ङोनी तम्हानु इठलीया सारीया बाता बावड़ती ङिये।

1 थिस्सलुनीकियां 3:13

कि ईशु तम्चे मना नु इसड़े मजबूत करो, कि जब अम्चा प्रभु ईशु मसीह आपणे सारे पवित्र लौका लारे आओ, तां वे अम्चे नरीकार ते ब़ा चे सामणे पवित्रता मां बेकसूर बणाती नाखो।

1 थिस्सलुनीकियां 3:5

ऐ वजह कनु जब माये कनु नेरे रेहले ना गेले, तां तम्चे विश्‍वास चा हाल जाणने वास्ते तीमुथियुस नु भेज़ले। कि कहीं इसड़े ना हो, कि परीक्षा करने आले शैताना ने तम्ची परीक्षा करली हो, ते अम्ची मेहनत बेकार हुती गेली हो।

2 थिस्सलुनीकियां 2:17

तम्चे मना मां शान्ति ङियो, ते तम्हानु हर हेक आच्छे काम, ते वचन मां पक्‍के करो।