1 थिस्सलुनीकियां 2:18 - ओङ राजपूत

¹⁸ ऐवास्ते अम्ही हेक वारी नी, बल्कि मैं खौद्द पौलुस ङोन वारी तम्चे गोढु आवणे चाह्‍ले, पर शैतान अम्हानु रोकली रेहला।

1 थिस्सलुनीकियां 2:18 Iomraidhean Croise

मत्ती 4:10

बल्ति ईशु ने केहले, “शैतान, दूर हुती जा! कांकि पवित्रशास्त्रा मां लिखले पले, ‘तु प्रभु आपणे नरीकारा नु प्रणाम कर, ते सेर्फ ओची ही उपासना कर।’ ”

रोमियां 1:13

ते हे माये भऊ, मैं ना चाहवी कि तम्ही ऐचे कनु अणजाण रिहा कि मैं कई वारी तम्चे गोढु आणे चाह्‍ले कि, जिंवे मनु होर नेरीया जातिया कनु फल मिड़ला, यूहीं तम्चे महु वी मिलो, पर मैं हमा तक मजबूरी मां रुकला रेहला।

रोमियां 15:22

माई इठली सेवा ची वजह कनु मैं तम्चे गोढु आणे कनु बार-बार रुकला रेहला।

1 कुरिन्थियां 16:21

मैं पौलुस, खौद्द आपणे हाथा लारे नमस्कार लिखे पला।

फिलिप्पियां 4:16

जिसे बेले मैं थिस्सलुनिके शहरा मां हुता माई जरुरत पुरी करने चे वास्ते तम्ही बार-बार मनु सहायता भेज़ली हुती।

कुलुस्सियां 4:18

मैं, पौलुस, खौद्द आपणे हाथा लारे नमस्कार लिखे पला। मनु याद राखजा, मैं कैदखाने मां छै। तम्चे पर अनुग्रह हुता रिहो। आमीन।

2 थिस्सलुनीकियां 3:17

मैं, पौलुस, खौद्द आपणे हाथा लारे नमस्कार लिखे पला, हर चिठ्ठी मां माया हाओ चैन्ह छै, मैं ये रीति लारे लिखे पला।

फिलेमोन 1:9

तांवी मनु ब़ुढ़े पौलुस नु जको हमा मसीह ईशु चे सुसमाचार वास्ते कैदी छै, ईं होर वी समझी मां आवे कि प्रेम लारे बिनती करे।

प्रकाशितवाक्य 2:10

जको ङोख तनु भोग़णे हुवे वाकनु ना ङर। कांकि ङेखा, शैतान तम्हा महु कईयां नु कैदखाने मां नाखणे उपर छै, कि तम्ही परखले जावा ते तम्हानु ङस ङिहां तक क्लेश चवणे पड़े। मरणे तक विश्‍वासी बणले रिहा तां मैं तम्हानु जीवन चा मुग़ट ङी।