1 थिस्सलुनीकियां 2:12 - ओङ राजपूत

¹² कि तम्चा चाल-चलन नरीकारा चे काबिल हो, जको तम्हानु आपणे राज़ ते महिमा मां हकारे।

1 थिस्सलुनीकियां 2:12 Iomraidhean Croise

रोमियां 8:28

ते अम्ही जाणु कि, जको लौक नरीकारा लारे प्रेम राखे, वांचे वास्ते सारीया बाता मिलती कर भलाई ही नु पैदा करी यानिकि वांचे ही वास्ते जको ओची इच्छा चे अनुसार हकारले गेले छै।

रोमियां 8:30

बल्ति जानु नरीकारा ने पेहले कनु ठहराले वानु हकारले वी। ते जानु हकारले वानु धर्मी वी ठहराले। ते जानु धर्मी ठहराले वानु महिमा वी ङिली।

1 कुरिन्थियां 1:9

नरीकार विश्‍वास भरला छै, जेह्णे तम्हानु आपणे पूत अम्चे प्रभु ईशु मसीह ची संगति मां हकारले।

2 कुरिन्थियां 4:6

कांकि नरीकार ने आज्ञा ङिली हुती कि, “अन्धकारा महु ज्योति चमको।” ते नरीकारा ने ही अम्चे दिला मां आपणी ज्योति चमकाली कि ईशु मसीह मां नरीकारा ची महिमा चे सोज़ले मेल सग़ो।

गलातियां 5:16

पर मैं किहे पला, तम्ही पवित्र आत्मा चे अनुसार चला, तां तम्ही शरीरा ची बुरी लालसा उपर काबु कर सग़ा।

इफिसियां 4:1

ऐवास्ते मैं पौलुस जको प्रभु ची सेवा करने ची वजह कनु कैद मां छै, तम्हा कनु बिनती करे पला कि जिसी बुलाहट कनु नरीकारा ने तम्हानु हकारले, ओचे अनुसार जीवन बितावा।

इफिसियां 5:2

ते प्रेम मां चला, जिंवे मसीह ने वी अम्चे लारे प्रेम करला, ओणे आपणे आप नु सोख ङेणे आली खुश्बु ची तरह नरीकारा नु कुर्बानी ङिली जती।

इफिसियां 5:8

कांकि पेहले तम्ही अन्धारे मां हुती पर हमा प्रभु मां आणे चे बाद तम्ही ज्योति मां आती गेली, ज्योति ची ऊलाद्धी आलीकर चला।

फिलिप्पियां 1:27

तम्चा चाल-चलन ईशु मसीह चे सुसमाचार चे लायक हो, चाहे मैं आवे चाहे ना आवे, तम्चे बारे मां ईं सुणे कि तम्ही हेक ही पवित्र आत्मा मां मजबूत छिवा, हेक ही मन हुती कर सुसमाचार चे विश्‍वास चे वास्ते मेहनत करते रिहा।

कुलुस्सियां 1:10

ताकि तम्चा चाल-चलन प्रभु चे लायक हो, ते ओह सारे प्रकार कनु खौश हो, ते तम्चे हर-प्रकार चे भले कामा चा फल लाग़ो, ते नरीकारा चे ज्ञान मां बढ़ते जावा।

कुलुस्सियां 2:6

तां जिंवे तम्ही ईशु मसीह नु प्रभु करती कर मनती गेहले, यूंही ओचे मां चलते रिहा।

1 थिस्सलुनीकियां 4:1

तां, हे माये भऊ ते ब़ेहणीया, अम्ही तम्हा कनु बिनती करु पले, ते तम्हानु प्रभु ईशु मां समझाऊं पले, कि जिंवे तम्ही अम्हा कनु काबिल चाल चलणी, ते नरीकारा नु खौश करने सिखले, ते जिंवे तम्ही चला वी हुवा, यूंही होर वी बधते जावा।

1 थिस्सलुनीकियां 4:12

ऐचे कनु कलीसिया चे ब़ाहर चे लौक तम्चे जीणे चे ढगां चा कद्दर करे। ऐचे कनु तम्हानु कुई ङुजा उपर वी निर्भर नी हुवणे पड़ी।

1 थिस्सलुनीकियां 5:24

तम्चे हकारने आला सच्‍चा छै, ते ओ इसड़े ही करी।

2 थिस्सलुनीकियां 1:10

हा ओ ङिओ हुवी, जिसे बेले ओ आपणे पवित्र लौका मां महिमा पाणे, ते सारे विश्‍वास करने आला मां आश्‍चर्य ची वजह हुवणे चे वास्ते आवी, तम्ही वी वां लौका मां शामिल हुवा, कांकि तम्ही मसीह चे सुसमाचार उपर विश्‍वास करला।

2 तीमुथियुस 1:9

जेह्णे अम्चा उद्धार करला, ते पवित्र बुलाहट लारे हकारले, ते हा अम्चे कामा चे अनुसार कोनी, पर आपणी मनसा ते ओ अनुग्रह चे अनुसार छै, जको ईशु मसीह मां शुरुआत कनु अम्चे उपर हुला।

1 पतरस 2:9

पर तम्ही तां हेक चुणला आला वंश, ते राज़ पदधारी, याजका चा हेक समाज, ते पवित्र लौक, ते हेक इसड़ा झोण्ड जको नरीकारा चा आपणा छै, ताकि तम्ही नरीकारा चे महान कामा ची घोषणा कर सग़ा जेह्णे तम्हानु अन्धारे महु काढ़ती कर अदभोत सोज़ले मां हकारले। ओचे गोण उजागर करा। जिंवे पवित्रशास्त्र मां लिखले पले,

1 पतरस 3:9

तम्ही बुराई चे बदले मां बुराई ना करा। ते ना गालीया चे बदले गालीया काढ़ा, पर ऐचे बदले आशीष ही ङिया। कांकि तम्ही आशीष चे वारिस हुवणे चे वास्ते हकारले गेले।

1 पतरस 5:10

हमा नरीकार जको सारे अनुग्रह चा दाता छै, जेह्णे तम्हानु मसीह मां आपणी अनन्त महिमा वास्ते हकारले, तम्चे थोड़ी देरी तक ङोख चवणे चे बाद आप ही तम्हानु सेद्ध ते मजबूत ते बलवन्त करी।

2 पतरस 1:3

आपणे जीवन चे वास्ते ते नरीकारा ची सेवा चे वास्ते जको कोच्छ अम्हानु चाही छै, आपणी ईश्‍वरीय सामर्थ चे जरिये ओणे अम्हानु सब कोच्छ ङिले। कांकि अम्ही ओनु जाणु, जेह्णे आपणी धार्मिकता ते महिमा ची वजह अम्हानु हकारले।

1 यूहन्‍ना 2:6

जको हा किहे कि मैं नरीकारा मां बणला रिहे, ओनु ईशु मसीह चे समान जीवन जीणा चाही छै।

3 यूहन्‍ना 1:6

ना कलीसिया चे सामणे दुधे प्रेम ची ग़वाही ङिली। अगर तु वानु ओ तरीके लारे विदा कर, जिंवे नरीकारा चे लौका चे वास्ते ठीक छै ते आच्छे छै।