1 थिस्सलुनीकियां 2:1 - ओङ राजपूत

¹ हे माये भऊ ते ब़ेहणीया, तम्ही आप ही जाणा कि अम्चे, तम्चे गोढु आणे घणे आच्छे हुले।

1 थिस्सलुनीकियां 2:1 Iomraidhean Croise

1 कुरिन्थियां 15:10

पर मैं जको कोच्छ वी छै, नरीकारा चे अनुग्रह लारे छै। ते ओचा अनुग्रह जको माये उपर हुला, ओ बेकार कोनी हुला। पर मैं वां सबकनु बधती कर मेहनत वी करली तां वी ईं माये तरफु कोनी हुले पर नरीकारा चे अनुग्रह लारे जको माये उपर हुता।

1 कुरिन्थियां 15:2

अगर तम्ही ओ सुसमाचार नु जको मैं तम्हानु सुणाला हुता ओचे मां बणले रिहा तां तम्चा उद्धार हुवी, ना तां तम्चे विश्‍वास करने बेकार छै।

1 कुरिन्थियां 15:58

ऐवास्ते हे प्यारे भऊ, मजबूत ते अटल रिहा, ते प्रभु चे कामा मां सदा बधते जावा, तम्ही ईं जाणा, तम्ची मेहनत प्रभु मां बेकार कोनी।

2 कुरिन्थियां 6:1

ते अम्ही जको नरीकारा चे भईवाल छिऊं, ईं वी समझाऊं, कि नरीकारा चा अनुग्रह जको तम्चे पर हुला, ओनु बेकार ना जऊं ङिया।

गलातियां 2:2

माये जाणे इसड़े दर्शन चे तरफु हुले, जको सुसमाचार मां नेरीया जातिया मां प्रचार करे, ओ वानु मैं बावड़ती ङिले, पर एकान्त मां वानु जको बङे समझले जते ताकि इसड़े ना कि माई ऐ समय ची ते भांसली द्रोक भज़ बेकार ना चाह्‍ली जाओ,

गलातियां 4:11

मैं तम्चे बारे मां ङरे कि कहीं इसड़े ना हुती जाये जको मेहनत मैं तम्चे वास्ते करली वा खराब ना हुती जाओ।

फिलिप्पियां 2:16

जब तम्ही जीन्दगी ङेणे आला सुसमाचार सुणावा तां तम्ही इसड़े ही करते रिहा, ताकि मसीह चे ङिओ मनु घमण्ड करने ची वजह हो कि ना माये द्रोड़ने ते ना माई मेहनत करले बेकार हुली।

1 थिस्सलुनीकियां 2:13

ऐवास्ते अम्ही वी नरीकारा चा धन्यवाद लगातार करते रिहुं, कि जब अम्चे जरिये नरीकारा चे सुसमाचार चा वचन तम्चे गोढु पुज़ला, तां तम्ही ओ बन्दे चा ना, पर नरीकारा चा वचन समझती कर ग्रहण करला, ते ओ तम्चे मां जको विश्‍वास राखा, असरदार छै।

1 थिस्सलुनीकियां 3:5

ऐ वजह कनु जब माये कनु नेरे रेहले ना गेले, तां तम्चे विश्‍वास चा हाल जाणने वास्ते तीमुथियुस नु भेज़ले। कि कहीं इसड़े ना हो, कि परीक्षा करने आले शैताना ने तम्ची परीक्षा करली हो, ते अम्ची मेहनत बेकार हुती गेली हो।

2 थिस्सलुनीकियां 1:10

हा ओ ङिओ हुवी, जिसे बेले ओ आपणे पवित्र लौका मां महिमा पाणे, ते सारे विश्‍वास करने आला मां आश्‍चर्य ची वजह हुवणे चे वास्ते आवी, तम्ही वी वां लौका मां शामिल हुवा, कांकि तम्ही मसीह चे सुसमाचार उपर विश्‍वास करला।

2 थिस्सलुनीकियां 3:1

ऐवास्ते, ओ माये भऊ ते ब़ेहणीया, अम्चे वास्ते प्राथना करले करा, कि प्रभु चा वचन इसड़ा खुलती कर फेलो, ते महिमा पा सग़ु, जिसड़े तम्चे मां हुले,