1 थिस्सलुनीकियां 1:6 - ओङ राजपूत

⁶ ते तम्ही बङे क्लेशा मां पवित्र आत्मा ची खुशी लारे वचना नु मनती कर अम्ची ते प्रभु जिसड़ी चाल चलु लाग़ले।

1 थिस्सलुनीकियां 1:6 Iomraidhean Croise

मत्ती 16:24

बल्ति ईशु ने आपणे चैला नु केहले, “अगर कुई माये भांसु आणा चाहवे, तां आपणे आप कनु इन्कार करो, ते आपणा क्रूस चती कर माये भांसु हुती पड़ो।

यूहन्‍ना 8:12

ईशु ने बल्ति लौका नु केहले, “मैं संसारा चे सोज़ले छै। जको माये भांसु टुरी ऊं अन्धारे मां नी टुरी, पर जीवन चे सोज़ले मां टुरी।”

प्रेरितां चे काम 13:52

पर अन्ताकिया शहरा चे विश्‍वासी ब़ोहत खुशी लारे ते पवित्र आत्मा लारे भरीते गेले।

प्रेरितां चे काम 5:41

वे ये बाते लारे खौश हुती कर महासभा चे सामणे चाह्‍ले गेले कि “अम्ही ईशु मसीह चे नांवा वास्ते बेकदरे हुवणे चे काबिल तां बणले।”

प्रेरितां चे काम 9:31

यूं करती सारे यहूदिया, ते गलील, ते सामरिया, मां कलीसिया नु चैन मिड़ला, ते वांची बढ़ोतरी हुती गेली, ते वे प्रभु चे भय ते पवित्र आत्मा ची शान्ति मां टुरते ते बधते गेले।

रोमियां 15:13

ऐवास्ते नरीकार जको आस चा दाता छै, तम्हानु विश्‍वास करने मां ते हर-तरहा ची खुशी ते शान्ति लारे भरती नाखो, कि पवित्र आत्मा ची सामर्थ लारे तम्ची आस बधती जाओ।

1 कुरिन्थियां 11:1

जिंवे करती मैं मसीह जिसड़ी चाल चले, तम्ही वी माये जिसड़ी चाल चला।

1 कुरिन्थियां 11:2

मैं तम्ची तारीफ करे कि तम्ही सब बाता मां मनु याद राखा ते वां शिक्षा नु मजबूती लारे पालन करा, जिसड़ी मैं तम्हानु सोंपली हुती।

1 कुरिन्थियां 4:16

ऐवास्ते मैं तम्चे कनु बिनती करे पला, कि माये जिसड़ी चाल चला।

2 कुरिन्थियां 6:10

ङुखीया आलीकर छिऊं, पर सदा खौश रिहुं, कंगाला आलीकर छिऊं, पर घणा सारा नु धनवान बणाती ङिऊं। इसड़े छिऊं जिंवे अम्चे कनु कोच्छ वी कोनी बल्ति वी सब कोच्छ राखु।

2 कुरिन्थियां 8:5

ते जिसड़ी अम्ही आस करली हुती, वाणे ओकनु बढ़ती कर करले। सबकनु पेहले प्रभु वास्ते, बल्ति नरीकारा ची इच्छा लारे अम्चे वास्ते, आपणे आप नु समर्पित करती ङिले।

गलातियां 5:22

पर आत्मा चा फल प्रेम, आनन्द, शान्ति, धीरज, कृपा, भलाई, विश्‍वास चे लायक,

इफिसियां 5:1

ऐवास्ते प्यारे ब़ाला आलीकर नरीकारा चे भांसु चला।

फिलिप्पियां 3:17

हे माये भऊ ते ब़ेहणीया, तम्ही सारे मिलती माये जिसड़ी चाल चला, जको ऐ रीति उपर चली जको नमुना अम्चे मां ङेखला ओचे सनु ध्यान ङिया।

2 थिस्सलुनीकियां 1:4

इठे तक अम्ही आप नरीकारा ची कलीसिया मां ते तम्चे बारे मां घमण्ड करु, कि जितने ङोख ते क्लेश तम्ही सहन करा, वां सारा मां तम्चा सब्र ते विश्‍वास प्रकट हुवे।

2 थिस्सलुनीकियां 3:7

कांकि तम्ही आप जाणा, कि किसी रीति लारे अम्ची जिसड़ी चाल चलणी चाही छै, कांकि अम्ही जिसे बेले तम्चे बीच मां हुते आलसी कोनी हुते।

2 थिस्सलुनीकियां 3:9

हा कोनी, कि अम्हानु अधिकार कोनी, पर ऐवास्ते कि आपणे आप नु तम्चे वास्ते नमुना बणावे, कि तम्ही अम्ची जिसड़ी चाल चला।

2 तीमुथियुस 4:2

कि तु वचन चा प्रचार कर, समय बे समय काम करने चे वास्ते तियार रेह, हर-तरीके चा सब्र, ते शिक्षा चे लारे उलाहणा ङे, ते दड़का ते बढ़ावा ङिती कर तसल्‍ली लारे समझा।

इब्रानियां 10:34

कांकि तम्ही कैदी विश्‍वासी भावां चे ङुखा मां वी ङुखी हुले, ते आपणी जायजात वी खुशी लारे लूटीजु ङिली, ईं जाणती कर, कि तम्चे गोढु हेक नेरी वी उत्तम ते सदा रुकणे आली जायजात छै।

1 पतरस 1:6

ते ये वजह कनु तम्ही खौश हुवा, हालांकि जरुरी छै कि हमा कोच्छ ङिहां तक हर-तरहा ची परीक्षा कनु तम्हानु ङोख झेलणे पड़े।

1 पतरस 1:8

अगर तम्ही ओनु ङेखले कोनी, बल्ति वी तम्ही ओचे लारे प्रेम राखा। अगर तम्ही ओनु हमा ङेख ना सग़ा, पर बल्ति वी ओचा विश्‍वास करा ते हर हेक इसड़ी खुशी लारे भरीले आले छिवा, जको गिणती चे ब़ाहरु ते महिमा लारे भरीला आला छै।

1 पतरस 3:13

ते तम्ही अगर भलाई करने मां लाग़ले रिहा तां तम्ची बुराई करने आला बल्ति कूण छै?

3 यूहन्‍ना 1:11

हे प्यारे, बुराई चा ना पर भलाई चा पीछा करा। जको भलाई करे, ऊं नरीकारा ची ओर कनु करे, जको बुराई करे, ओणे नरीकारा नु कोनी जाणले।