1 थिस्सलुनीकियां 1:5 - ओङ राजपूत

⁵ कांकि अम्चा सुसमाचार तम्चे गोढु हेको वचना मां ही कोनी, बल्कि ताकत ते पवित्र आत्मा, ते इरादे लारे पुज़ला, जिंवे तम्ही जाणा कि अम्ही तम्चे फायदे चे वास्ते किसड़ा जीवन जीते तम्चे मां किवें बणती गेलते।

1 थिस्सलुनीकियां 1:5 Iomraidhean Croise

मरकुस 16:20

ईशु चे चैला ने हर जग़हा जती प्रचार करला। ते प्रभु वांचे लारे काम करता रेहला, ते वां चैन्हा चे जरिये जको लारे-लारे हुवी पलते, वचना नु दृढ करता रेहला। आमीन।

लूका 1:1

आदरणीय थियुफिलुस, ब़ोहता ने वा बाता चा जको अम्चे बीच मां बितलीया, इतिहास लिखणे मां हाथ लाला,

प्रेरितां चे काम 11:21

ते प्रभु चा हाथ वांचे उपर हुता, ते ब़ोहत लौक विश्‍वास करती प्रभु सनु फिरले।

प्रेरितां चे काम 16:14

लुदिया नांवा ची थुआथीरा शहरा ची हेक असतरी प्रभु उपर विश्‍वास राखणे आली हुती। वा मंहगी बैंजनी रंगा ची ओढ़णी बेचणे आली हुती वा बङे ध्यान लारे अम्चीया बाता सुणे पलती। प्रभु ने विचे मना चे दरवाजे खोलती ङिले ताकि, जको कोच्छ पौलुस किहे पलता, वा बाता नु ध्यानारीत सुणो।

प्रेरितां चे काम 2:33

यूं करती नरीकारा चे सज़्ज़े हाथा कनु ऊंची पद्दवी गेहती कर, ते ब़ा कनु वा पवित्र आत्मा गेहती कर जाया वायदा करला गेलता, ओणे हा उण्डेलती ङिला जको तम्ही ङेखा ते सुणा वी।

रोमियां 1:16

मैं सुसमाचार वास्ते शर्मिन्दा कोनी, कांकि हा सुसमाचार नरीकारा ची सामर्थ छै, जको विश्‍वास करने आला वास्ते, पेहले तां यहूदी, बल्ति नेरीया जातिया वास्ते, उद्धार चा मार्ग़ छै।

रोमियां 15:13

ऐवास्ते नरीकार जको आस चा दाता छै, तम्हानु विश्‍वास करने मां ते हर-तरहा ची खुशी ते शान्ति लारे भरती नाखो, कि पवित्र आत्मा ची सामर्थ लारे तम्ची आस बधती जाओ।

रोमियां 2:16

ईं सब ओ ङिओ स्पष्ट हुती जई, जिसे ङिओ नरीकार सुसमाचार चे अनुसार जको मैं सुणावे, ईशु मसीह चे जरिये इन्साना ची गुप्त बाता चा न्यां करी।

1 कुरिन्थियां 1:24

पर जानु नरीकारा ने हकारले, का यहूदी, का यूनानी, वांचे वास्ते मसीह नरीकारा ची सामर्थ ते नरीकारा चा ज्ञान छै।

1 कुरिन्थियां 10:33

ठीक जिंवे मैं वी सब बाता मां सब नु खौश राखे ते मैं आपणे भले ची ना। पर ङुजा चे भले चा ध्यान राखे कि वे उद्धार गे सग़ो।

1 कुरिन्थियां 3:16

का तम्ही ना जाणा, कि तम्ही नरीकारा चा मन्दर छिवा, ते नरीकारा ची आत्मा तम्चे मां बसे पला?

1 कुरिन्थियां 3:6

मैं राहले, अपुल्‍लोस ने पाणी लाले, पर नरीकारा ने बधाले।

1 कुरिन्थियां 4:20

कांकि नरीकारा चा राज़ सेर्फ बाता मां कोनी, पर सामर्थ मां वी छै।

1 कुरिन्थियां 9:14

यूं करती प्रभु ची आज्ञा छै कि जको लौक सुसमाचार सुणावी, ओचे जरिये आपणी रोटी खाओ।

2 कुरिन्थियां 3:6

ओणे अम्हानु नवें वायदे चे सेवक हुवणे चे लायक वी बणाले। हा वायदा लिखली आली व्यवस्था चा कोनी पर पवित्र आत्मा चा छै। कांकि लिखली आली व्यवस्था मौत नु पैदा करे, पर पवित्र आत्मा जीवन ङिये।

गलातियां 2:2

माये जाणे इसड़े दर्शन चे तरफु हुले, जको सुसमाचार मां नेरीया जातिया मां प्रचार करे, ओ वानु मैं बावड़ती ङिले, पर एकान्त मां वानु जको बङे समझले जते ताकि इसड़े ना कि माई ऐ समय ची ते भांसली द्रोक भज़ बेकार ना चाह्‍ली जाओ,

गलातियां 5:5

पर अम्ही विश्‍वास चे वजह नरीकारा चे सामणे निर्दोष बणने ची आस राखु। पवित्र आत्मा ची सहायता लारे अम्ही ऐची बाट ङेखु भिले।

इफिसियां 2:10

कांकि अम्ही ओचे बणाले आले छिऊं, ईशु मसीह मां भले कामा वास्ते बणाले गेले छिऊं। नरीकारा ने अम्हानु पेहले कनु तियार करले। के अम्ही ऊं करते हुले आपणी जीन्दगी बिताऊं।

इफिसियां 3:20

हमा जको इसड़ा सामर्थी छै, कि अम्ची बिनती ते समझ कनु कहीं ज्यादा काम कर सग़े, वे सामर्थ चे अनुसार जको अम्चे मां काम करे,

फिलिप्पियां 2:13

कांकि ओ नरीकारा ही छै जको वां कामा ची इच्छा ते वानु पूरा करने चा कर्म, जको नरीकारा नु भावी, तम्चे मां पैदा करे।

फिलिप्पियां 4:9

जको बाता तम्ही माये कनु सिखलीया, ङेखलीया, सुणलीया, मनलीया वांचा तम्ही पालन करा। शान्ति ङेणे आला नरीकारा तम्चे लारे रिही। मैं प्रभु मां खौश छै।

कुलुस्सियां 2:2

ईं मैं ऐवास्ते किहे ताकि वांचे मना मां बढावा मिलो ते वे प्रेम मां आपस मां ग़ठले रिहो, ते वे पुरी समझ चा सारे धन नु प्राप्त करो, जाये कनु वे नरीकारा चे भेद नु यानि मसीह नु पिछाणती गिहो।

1 थिस्सलुनीकियां 2:13

ऐवास्ते अम्ही वी नरीकारा चा धन्यवाद लगातार करते रिहुं, कि जब अम्चे जरिये नरीकारा चे सुसमाचार चा वचन तम्चे गोढु पुज़ला, तां तम्ही ओ बन्दे चा ना, पर नरीकारा चा वचन समझती कर ग्रहण करला, ते ओ तम्चे मां जको विश्‍वास राखा, असरदार छै।

2 थिस्सलुनीकियां 2:14

जाये वास्ते ओणे तम्हानु अम्चे सुसमाचार चे जरिये हकारले, कि तम्ही अम्चे प्रभु ईशु मसीह ची महिमा नु प्राप्त करा।

2 तीमुथियुस 2:10

ऐह वजह कनु मैं चुणला आला बन्दा चे वास्ते सारे कोच्छ सहन करे पला, कि वे ओ उद्धार नु जको ईशु मसीह मां छै, हमेशा ची महिमा नु पाओ।

2 तीमुथियुस 2:8

ईशु मसीह नु याद राख, जको दाऊद चे वंशा कनु पैदा हुला, ते मरला आला महु जीता हुला, ते हाओ माये सुसमाचार चे अनुसार छै।

इब्रानियां 10:22

तां आवा, अम्ही सच्‍चे मना लारे, ते पुरे विश्‍वासा लारे, ते विवेक चा दोष दूर करने वास्ते दिला उपर मसीह चे लुहींया चा छिड़काव गेहती कर, ते शरीरा नु शोद्ध पाणीया लारे धुवाती कर, नरीकारा चे गोढु जऊं।

इब्रानियां 6:11

पर अम्ची हाओ इच्छा छै कि तम्चे महु हर हेक जणे अन्त तक इसड़ा ही यतन करते रिहो, ताकि तम्ही ओनु पक्‍के गे सग़ा जाई तम्हानु आस छै।

1 पतरस 1:12

वांचे उपर ईं वी उजागर करले गेले, कि वे आपणी कोनी बल्कि तम्ची सेवा करने चे वास्ते ये बाता किही पलते ले, जाया समाचार तम्हानु हमा वांचे जरिये मिड़ला जेह्णे पवित्र आत्मा चे जरिये जको स्वर्ग़ा कनु भेज़ला गेला तम्हानु सुसमाचार सुणाला, जा बाता नु जाणने चे वास्ते तां स्वर्ग़दूत वी तरसते रिही।

1 पतरस 1:3

अम्चे प्रभु ईशु मसीह चा नरीकारा ते ब़ा चा धन्यवाद हो, जेह्णे ईशु मसीह नु मरले आला महु जीते हुवणे चे जरिये, आपणी बङी दया लारे अम्हानु जीती उम्मीद चे वास्ते नवां जनम ङिला।

1 पतरस 5:3

जको लौक तम्हानु सोंपले गेले वांचे उपर अधिकार ना जतावा बल्कि वांचे वास्ते नमुना बणा।

2 पतरस 1:10

ऐ वजह कनु हे माये भऊ, ईशु चे हकारले आले, ते चुणले आले ते पक्‍के करले आले तां तम्ही कोशिस करते रिहा, कांकि इसड़े करने लारे तम्ही कङी वी ठोकर नी खावा।

2 पतरस 1:19

ते अम्चे कनु जको भविष्यवक्‍ता चा वचन छै, ओ ये घटना लारे पक्‍का साबित हुला, तम्ही ईं आच्छे करा कि ईं समझती कर ध्यान ङिया। ओ हेक ङीवा छै, जको वे अन्धारे जग़हा मां सोज़ले ङिता रिहे, जब तक पुरा ना फटे बल्ति तक सवेले चा तारा तम्चे दिला मां ना चमकती खड़ा हो।